( النيّه ) وفهد الغنام الشمري
هذه قصيدة لشاعرنا العذب /
فهد الغنام الشمري
كتبها للأمير الشاعر طلال رحمة الله عليه
عام 1416 هـ
مــن يـقـول الـوفـا والطـيـب بالنـيّـه
من يقول الحيـا يستـر جسـد عـاري
قـوّة الشمـس ماتحـرق وطـى الفـيّـه
والوطـا مـا تصيـح وسيلـهـا جــاري
الـوصـايـف بـوجــه الـحــر مـقـريّـه
كل مـا جيـت اعـده ضاعـت افكـاري
ومــن يـعــد الـنـجـوم ألاّ الـهـواويـه
وإن نصحت الهواوي قال أنا ضاري
العـزيـمـه وأعـــرف إنّـــه هـلالـيّــه
والكـرم حاتمـي والطـيـب سنـجـاري
من رجال(ن) سناعيس(ن) اسنافيّـه
كاسبـيـن المـديـح اصـغـار وكـبـاري
أنت بدر(ن) علينا شـارق(ن) ضيّـه
نـور وجهـك يبـدد ظلـمـت الـسـاري
وأنت مثـل النسيـم إن هـب عصريّـه
من رياض(ن) تخالط فيه الازهـاري
المعـانـي بـمـدحـك دايـــم(ن) حـيّــه
فـيـك عــزة يتـيـم وهلـهـلـة قـــاري
مـا مدحتـك انـفـاق ولا هــي احمـيّـه
قبل اشوفك واعرفـك جانـي الطـاري
يابـعـد حــيّ حـيـيّ جـبـت الاصـلـيّـه
ما عطك بعض حقك جملت اشعـاري
مــا نبـيـع القصـيـد بشـوفـة الـمـيّـه
يلعـن الـلـي يبـيـع ويلـعـن الـشـاري
القـصـيـده إلــــى جـبـتــه شـمـالـيّـه
عزتّـه غصـب تجـذب يـمـه الـقـاري
وإن بغيـتـه تـجـي مـيّـه عـلـى مـيّـه
قلت شوقـك طـلال وطيعـي اشـواري
قـالـت احــذر تـرانـي تـــوّي ابـنـيّـه
قلت أنا ادري وابو نـواف بـك داري
لا تخافـيـن بـيـرك محـكـم(ن) طـيّــه
مــا تركـنـا مـجـال لهـرجـة الــزاري
فيـك بـرد الشـمـال وشـمـس نجـديّـه
ومزنة(ن) بالجنوب وسر مشـواري
قــال وش بالمشـاعـر قـلــت مبـلـيّـه
اعجبت فـي طـلال وزادت اصـراري
