المشاركة الأصلية كتبت بواسطة عايد الصنيدح
عندي وصيه ياهلي واسمعوني ... أشوف أنا الموت الحمر كشر بناب
ترحمولي ياهلي وارحموني ... ولاتدفنوني ياهلي وسط الأجناب
وصيتي ياعبيد حيثك تموني ... الموت واحد وإن تعدد له أسباب
إن مت في شارع عمامي أدفنوني ... حيث إن به ياخوك يمرون الأحباب
لعلهم في قرب قبري يجوني ... ويسقوا ثرى قبري من الدمع بعتاب
الصاحب اللي مايخيب ظنوني ... لكن أشوف الظن بخوانها خاب
عذالنا ياهنوه لاتعذلوني ... ما أنساه أنا لو أسود الراس بي شاب
حبٍ يجيب الموت وحبٍ جنوني ... وإن تبت قلبي عن الهوى مابعد تاب
أخوكم الشاعر : عايد الصنيدح
( شبل الضياغم )
أرجوا أن تنال على إعجابكم
