بسم الله الرحمن الرحيم
الى صديق عزيز جدا
قد يفوق مرتبة الاخوّه
والى ذائقتكم
|--*¨®¨*--|صالة الجفالي|--*¨®¨*--|
[poem=font="Simplified Arabic,3,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
لعنبوا نفسٍ تشوف الفوق وتدنق تحت=ولعنبوا عزمٍ ماهو مثل السيوف اللي تلالي
الفرص بمرورها مثل السحاب ولاسنحت=باقف وقوف جبال حايل والفرص تاقف قبالي
راكب اللي كنه ام 16 ان كان لفحت=تاخذ عقول تبالي من قبل من لاتبالي
ماهي فروخ الحرار الا حرار ولاكفخت=لاشرقت شرّق نظرنا ولاشملت كلّن شمالي
زفّها راعي الرصيد اللي يجيب ليافتحت=أجدد انواع المواتر صالة الجفالي
أبيض أبيض بيج من داخل مغطى من تحت=بانوراما بشته كرستال ولاكنّ شالي
غيمة تسبح على الاسفلت لامنّ سبحت=السراب اللي سبقنا تسبقه ويصير تالي
لادعس دواسة البنزين ميراج اقلعت=وان تفرمل دهشة العاقل على شوف المحالي
لامشت 50 عذرا بالضجيّه مسكرت=رمشها لين القوافي صابها حكي ارتجالي
وان مشت 200 في عوج الدروب استعدلت=وان مشت بين الرجوم اتصير للمشى سهالي
تجربه متفوقه من يوم ماهي نجحت=أثبتت بان التجارب غير كانت تسالي
صنعة الماني وانا اشهد يد الالمان افلحت=علّها بعد الفرنسي واليباني والايطالي
كم رفع له ناس كانت من قبل تركب تحت=لين صارت بالمظاهر واصله فوق العلالاي
لاوقف بين المواتر هيبته لي اصبحت=مثل ابو متعب الا منه وقف بين الرجالي
بس ابو متعب دفى لاهل القلوب اللي شقت=والبنوز الله عليها تدفي اصحاب الريالي
خلّها تمشي على ال 200 او انك فلانت=صاحبي ياصاحبي أو انها ياهملالاي
العزوم المقفيه ياخوفي انها روحت=وانت غير انك رفيقي فانت والله راس مالي
جرها للي تواير موترك لو كسرت=تسمع مهلّي يقول اقلط هنا يابن الحلالي
مرحبا من باب بيتك لين مارجلك خطت=لين مارجلك يصير عبورها دم الحلالي
مزبني لامن ميلات اللياليّ رجحت=مثل ماني مزبنه لو ترجح بميل الليالي
له محبة تبتدي لامن قلت انها انتهت=لين صارت ترجح بكفّة موازين الجبالي
عندي اكبر من كثير اسما طروها ووصلت=مثل حاتم ولاعنتر ولا ابو زيد الهلالي
كل هذولا اسما تطيح لياتطاروا وانطرت=سيرتك وحرروف اسمك يا (فهد ظيف الرمالي)
انت والله انت والله انت انت انت انت=اكبر من حروف شعري لو بالحّقها توالي
انت واحد لو باووصف فيه من وصفي فلت=والبحر جمعه على حدين من ظرب الخيالي
خوتك عندي تجارة باعتقادي ورحت=راس مالي صار فيها لين صارت راس مالي
يكفي انك انت والله انت انت انت انت=أكبر من حروف شعري لوبالحّقهاتوالي[/poem]
تحياتي للجميع
عبدالستار
