هاضها سبعة اطفال

المصدر...




أمراة شمرية من حائل ضاقت عليها بعد ان سجن زوجها في قضية وتركها مع سبعة اطفال لاتعرف كيف توفر لهم مصاريف حياة تتطلب كل يوم شئ جديد

وجهت قصيدتها الى الامير سعود بن عبدالمحسن أمير منطقة حائل ليجمع شمل الاطفال مع ابيهم وترتاح هي من هم توفير قوتهم ومعيشتهم

لاأعرف هل استجاب الامير طلبها ، ولكن قد يكون لانتشار قصيدتها بين الناس اثر ايجابي في تحقيق امنيتها



n


أبد بذكر الله على كل الاحوال
لواحد اللي عالم بالخفيه
هو خير مبد الفعايل والاقوال
وكيلي المعبود رب البريه
تقوله اللي هاضها سبعة اطفال
وظروف قشرا واكتئاب وأذيه
هذا يصيح وذا يبي ثوب وعقال
وهذا بعد يبكي علشان خيه
وهذا يبي شنطه وهذا يبي ريال
وهذا من الحرمان يفرك بيديه
وانا بعد شفت المشاكل والاهوال
من عقب ابوهم يوم طاح بقضيه
اصبحت انا ابوهم وانا العم والخال
وعلى الصبر ماعاد بي مقدريه
لا شك ابنخا من هل الجود رجّال
راعالعلوم اللي عزومه قويه
شيخ ولد شيخ الى قال فعال
يامر وينهى مايهاب المنيه
اميرنا اللي صار للمس آمال
سعود راع الجود راع الحميه
ابن عبدالمحسن من مواريث الابطال
اهدي لحايل وحايل له هديه
من ربنا مهد لنا طيب الفال
عون من الله لاهل حايل سويه
ابوفهد ماراح لو شد الارحال
دام ان بقلب سعود حايل حظيه
كفو لها للثقيلات شيال
صان الامانه والتزم بالوصيه
والحكم ماهو للهلابيس الارذال
اهل العلوم الخايبات الرديه
الحكم يبغاله صناديد ورجال
واعال تزهاها عقول ذكيه
وسعود ماجانا على القيل والقال
الا فعله صار له قابليه
السعد بقدومه غمر كل الاجيال
طلة عريب الساس طله بهيه
سديد الراي مامشى بشور جهال
ماقال من هذا وهات الهويه
والناس كل له مقياس ومكيال
والخير يجزى خير والسي سيه
والعفو نوب يصير للحاكم اعدال
والعفو اخيره عفو مع مقدريه
ومااحد ترى معصوم لو قال ماقال
الجنه آدم فارقه من خطيه
يامير ياللي لصعيبات حلال
الطف على اللي في حياته شقيه
عن زوجها حده خفارات واقفال
وماكل واحزان نفس أبيه
دايم وهي دمعه على الخد سيال
من عقب مااقفوا به على غير جيه
من له ثلاث سنين اقفى ولا زال
مسجون وحنا بسجن يامير زيه
واكبر بلا شفت انا بعض الاطفال
يناحون لاطفالي على كل هيه
قلت آه وهمومي كثيرات وثقال
تطوي بحالي طية بثر طيه
احد غداله والده شمس وظلال
واخر حزين من سبب فقد بيه
واللي حرق قلبي وسبب لي هبال
لا طروا عن ابوهم واسألوا عن جيه
يامير شف والطف وخفف عن الحال
وارحم وحقق طلبة شمريه
اشفق على اللي صبرهاالحنظل طال
وعيون تبكي كل صبح وعشيه
بعد الولي بامرك ترى راحة البال
ارجوك تنهي مابدا من اسيه
توقيع من يمناك به خير الابدال
يقلب حياة الويل عيشه هنيه
ودام ان ابونا تاب عن ذيك الافعال
توبه نصوح تاب عن حسن نيه
من عفوكم نطمع على عفو ينزال
به ربع حكمه وتنتهي هالقضيه
ويش عاد بالقران نص الحكم زال
اللي بقى يامير كايد عليه
ادخل على اللي له عطيات وجزال
الهادي الغفار جزل العطيه
هو ملجاي ثم التجي لك بالامثال
وانخاك نخوة أم بك مرتجيه
نخوه هز جبال حايل والاسهال
من قلب مجروح بصدر اسلميه
وصلاة ربي اعداد ماهل همال
على النبي واعداد خلق الوطيه
http://shahr2000.tripod.com/start.htm http://shahr2000.tripod.com/start.htm

الاخ طلال الصعفق

قصيدة مؤثرة جدا جدا جدا

اسال الله ان يفرج كربتها

لي ملاحظه بسيطه

كنت اتمني الاشارة الي المصدر دون وضع الرابط


اخوكم الحربي

نشاء الله.. يا خووي..

شكراا لك..

هلا اخوي طلال

وشكرا لك على هذه القصيده


وفعلا والله مؤثره وياليت ياليت


ان الامير استجاب له

وياليت اللي بيده شيء يسوي



له حاجه لانها فقلا تستحق


ولك التحيه

يا ليت..........

شكرا لك..

هلا اخوي طلال

يعطيك العافيه

وعسى ان تصل
الامير سعود بن عبدالمحسن أمير منطقة حائل
ويفك سجنه وله الاجر والمثوبه انشاء الله
مشكور اخي طلال على المجهود والله يوفقك في اختبارتك