ترحيب بخادم الحرمين..............
هذه الابيات مهداة بمناسبة زيارة خادم الحرمين الشريفين الملك/عبدالله بن عبدالعزيز حفظه الله ورعاه الى منطقة حائل
[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
بديت بإسم اللي على الكون عالي = اللي رفع سبعٍ وسبعٍ نشرها
الواحد المعبود منشي الخيالي = محصي سنين الكون محصي شهرها
ومن بعد ذا ياهجوس فكري تعالي = هاتي من الابيات صافي دررها
اليوم دار العز دار الخوالي = دار العمام اليوم ربي عمرها
اكبارها واصغارها والملالي = واجبالها وسهولها مع شجرها
لبست ثياب العرس ياهملالي = ترقص فرح وسرور باللي حضرها
حنّا نرحب والجبل والتلالي = والدار فتّح وردها مع زهرها
يامرحبا ترحيبةٍ له مجالي = باللي لفا وزيارته ننتظرها
أهلا هلا عند الأهل والخوالي = يامرحبا هلّت علينا مطرها
أهلا هلا بك يابعد من غدا لي = يامرحبا والدّار نوّر قمرها
أهلا هلا مالاح برق الخيالي = وإعداد نبت القاع وساكن بحرها
أهلا هلا بك يارفيع الحبالي = شمّر ترحب بدوها مع حضرها
واللي سكن حايل واللي حوالي= الكل منهم فرحته لك نثرها
أهلا هلا يابوجميع العيالي = يامرحبا ياغيث دار غمرها
أهلا ياابومتعب حفيد الرجالي = اللي لهم بالطيب صيتٍ عمرها
في حضرتك ياأميرنا طاب فالي = والكل زادت فرحته ماقهرها
ياخادم البيتين أول وتالي = يامن على شعبك كفّك ظهرها
الأوّله لك والتحايا توالي = لو قلت مهما قلت ماأحدٍ حصرها
والثانية لعضدك كبير الظلالي = اللي إليا ضاقت علينا جبرها
والثالثه للي كفوفه سهالي= الغيث راع الخير وافي شبرها
والرابعة لأهل الحفل والمعالي= الكل منهم خطوته ماقصرها
والخامسة لأميرنا حيل غالي = اللي على دار المعزة عمرها
ونعم بكم ياأهل العلوم الطوالي= مهما كتبت افعالكم ماحصرها
نفرح إليا منّه لفا كل غالي = وشلون لاصار اللي لفانا قمرها
يالله عسى سترك علينا ظلالي = تفكّنا لا من تزايد شررها
حنّا نفّرق عن الحرام الحلالي = وعلى كتاب الله غرسنا شجرها
ماعاش من يمشي طريق الضلالي = اللي يدّور بالمشابه قشرها
الدين لله مابه أدنى مجالي = سنة محمد ضاع منهو هجرها
يالله لاتبقي كثير الهبالي = اللي يبي ياقا الخطر في خطرها
وصلاة ربي عد حب الرمالي = واعداد مايجري عليها نهرها
واعداد ماشمسٍ مشت للزوالي = على الذي خير المعاني نشرها[/poem]
وسلامتكم
سعود بن محمد
15/5/1427هـ
