السلام عليكم ورحمة الله
أولى مشاركاتي في المضيف الشعبي
أرجوا أن تنال رضاكم ..وتعليقكم أيضاً.
[poem=font="Simplified Arabic,4,black,bold,normal" bkcolor="transparent" bkimage="backgrounds/17.gif" border="none,medium,gray" type=4 line=0 align=center use=ex num="0,black"]
مرحباً ياللي يشع النّور من واهج جبينه = تقصر الهقوات من دونك ولا تلحق هواها
إطرق الملثم على خدّك وثقّل طرقتينه = خوف لايكسف سنا خدّك سنا الشمس وضياها
من تولّع في هوىمثلك عسى ربّي يعينه = أشهد أنّه طاح بالغبّات وأبعد به مداها
مثل راعي سابقٍ صوّال واعرض له كمينه = عقب رومات الرّهات أدلى يبي يقصر اخطاها
يوم صابته العيون النّجل بسهومٍ سنينه = منك يا ظبي الفلاة اللي محدٍ يقرب حماها
أنت محصول الربيع اللي تعاقد ياسمينه = وأنت منثور الورود وعطرها العذب وبهاها
وأنت والله جوهرة..تاج الملوك اللي ثمينة = بين ربّات الخدور اللي تزيّن في خباها
المها يشبهك في قدّه ومجلوده وعينه = ومن بنات الرّيم خذت إجفالها ويّا حياها
وان سألت اليوم عن حالي وعن شينه وزينه = بخبّرك عن حالي اللي بيّح فراقك خفاها
واخذك لاخر مطاف الحزن بالنفس الحزينة = قدر ما تستحملة نفس المشقّا من شقاها
وأخبّرك ما يكتمه صدري من أسرارٍ دفينة = تكتشف ما تحتويه النفس من زايد عناها
كثر ما في خافقي مكّنْت طعناتٍ مكينة = أسألك بالله نفسي منك لاتقطع رجاها
أدري إن الوقت شين وقلّة الحيلات شينة = وان بعض دروب لايمكن تنومس من مشاها
لكن الدّيان لابدّه يوفّي منك دينه = الوعد والناس عند وعودها تبذل وفاها
اللئام يهرّبون الضيف باعذارٍ سمينه = والكرام ضيوفها لابدّها تاكل قراها
وانت من رؤوس الكرام اللي لهم بالناس بينه = وكل غاية مطمعي كلمات يحييني صداها
إن قلبك مايخون العهد مابيني وبينه = إن صفت لك واقبلت دنياك أو دارت رحاها[/poem]
