عرض للطباعة
السلام عليكم
شباب ابي استفسر عن هالبيتين من القائل ووش المناسبه
الاول:
كم لحية جاها خراها من ايده=ياصار ماله من دليله مقدي
والثاني:
يذكر فرك ويتلي خاله سمير=يبي الليان ومن لقا اللين يتليه
ممكن تساعدوني
او تدلوني على عضو معين القى عنده الجواب الشافي
شكرا
عند عبد العزيز
ياهلا بابو سياف
اقتباس:
الاول:
كم لحية جاها خراها من ايده=ياصار ماله من دليله مقدي
هذا للشاعره ترفه السليطيه عندما تزوجت جوعان التبيناوي ولم تنجب منه اولاد[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
فعرضت عليه ان تزوجوه فوافق جوعان
وهي تروح تخطب لوه اجمل البنات اكالوقت
المهم ان جوعان روح مع الجديده وترك ترفه
يوم جاء نهار العيد يامار جوعان مشتري ثوب لمرتوه الجديده وهي تجي ترفه يموه قالت ليه ماشريت لي
يقولون وهو "يكوح" عليه التراب
قال ترفه:
يابوفهد وعلةٍ بي لهيده=لوهي ببليهان جزع مايشدي
غديت انا مثل النخلة المبيده=اللي حواليها نخيلٍ تجدي
كلٍ نهار العيد تلبس جديده=وانا نهار العيد يدحى ملدي
كم لحيةٍ جاها خراها من ايده=لاصار ماله من دليله مقدي[/poem]
وتقصد بالبيت الاخير انوه كم شخص هو سبب مصيبتوه
اقتباس:
والثاني:
يذكر فرك ويتلي خاله سمير=يبي الليان ومن لقا اللين يتليه
هذي لراشد الهجلي الشمري[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
يقال ان راشد الهجلي راح عند بن شعلان وقصد قصيده يمدح به بن شعلان يقول
التوم والغرا وليالي الضحيه=وانا مسيّم وساهرٍ عند نقاريش
لاواهني جدعان لاواهنيه=وعن النذر ماجيب زمله ولاحيش[/poem]
والمقصود بجدعان هو جدعان بن شعلان[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
المهم ان محمد بن ر شيد باكالوقت بينوه وبين الشعالين خلاف
وهو يسمع بقصيدة راشد الهجلي وهو يتوعدوه
المهم ان راشد يوم سمع بتهديد محمد بن رشيد وهو يجلس عند بن شعلان
بهالوقت كانت زوجة راشد حامل وهي تنجب ولد وماتت
مرت السنيين
وهو يصير ولد راشد برعاية عموه
لكن عموه كان قاسي معوه وهو ينحاش الوغد يوم خالوه سمير
راشد الهجلي يوم سمع بسالفة ولدوه وهو يرجع وهو بالطريق وهم يمسكونوه رجال بن رشيد
ويحطونوه بالسجن
وهو يدخل عليه بن رشيد قال:
" هاه يالهجلي....التوم والغرا وانت عند بن شعلان"
قال الهجلي هاللحين ياطويل العمر اقول:
التوم والغرا وليالي قصير=وانا بحبس صك بابه وانا ابيه
ولاهمني المعتزي والمعير=ولاهمني المال لو كثر عانيه
ماهني غير الوغيد الصغير=اللي تربع وسط قلبي دودايه
يذكر ترك عمه ويتلي سمير=يتلي الليان ومن لقى اللين يتليه[/poem]
وذهب بيته الاخير مثل مع الناس اللي هو "يتلي الليان ومن لقى اللين يتليه"
يقولون وهو يطلقوه بن رشيد
هذا اللي اعرفوه يابو سياف
والاخوان بهذا مايقصرون
واعذرنا على القصور
يعطيك العافية يالغفيلي
عزالله ماقصرت
اقتباس:
المشاركة الأصلية كتبت بواسطة مشعل الغفيلي
كلام جميل وفوائد غزيره بلاشك اللي يعطيك العافيه0
واعتقد ان غضب الامير ابن رشيد لم يكن بسبب مدح ابن شعلان وانما لكونه مدح
امارة الامير بندر الطلال بالرغم من كونه قتل متعب العبدالله اخو محمد بقوله بقصيدته المشهوره:
[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
يامن لضرسن كل ماقلت خندر=يشظى العظام ويسهر الليل راعيه
يامن يـبـشر شمـرن شاخ بندر=كل الخـلايـق مـن غـلا ابـوه تـغـليه[/poem]
وقد قال الامير محمد ابن رشيد عندما امسك به حنا نعالج ضرسك مدامه مسهرك يالهجلي وعندما خرج
من السجن وهو في طريقه قال له الامير محمد مستهزئا ومعاتبا ((يامن يبشر شمرن شاخ بندر)) وكأنه
يقول هذا جزاك علشان تعرف تقول مثل هالكلام0000
والله اعلم وتقبلوا تحياتي العطره000
تسلم يامشعل بارك الله فيك ويعطيك العافيه ... ابو فهد سمعت ان الابيات اللي اوردته لابن جعيثن والله اعلم واظن حصل بينه وبين الامير طلال العبدالله قصايد
اقتباس:
المشاركة الأصلية كتبت بواسطة خالد الشمري
حياك مشرفنا العزيز خالد الشمري000
وابن جعيثن لم يتصافى مع الرشيد في يوم من الايام ولايمكن ان يمدحهم حسب
علمي والابيات منذ طفولتي وانا اسمع انها للهجلي وانها سبب سجنه00
ولعل من لديه علما اكيدا يفيدنا فيه000 تحياتي
[align=center]السلام عليكم والرحمةاقتباس:
المشاركة الأصلية كتبت بواسطة الراوي
ابو فهد !!
إذا انت تقصد بإبن جعيثن الشاعر / ابراهيم ابن جعيثن ؟
فللشاعر قصائد مدح بالأمير / محمد " المهّاد " وبالأمير / عبد العزيز المتعب
فمن قصيدته بالأمير محمد :-
[poem=font="MS Sans Serif,5,white,bold,normal" bkcolor="black" bkimage="" border="none,4,gray" type=0 line=0 align=center use=ex num="0,black"]
محمد خذا الطولات على كل طايل = في لجة المعروف والجود غاطس
محي الندا حاوي خصالٍ حميدة = عن المد ماتكثر عليه الوساوس
أبو اليتاما مايتلف المال بالقدا = بالعون ما وجهه على المضيف عابس
أمين وحيش الدار يخشا ويرتجا = شدادٍ على ضده الوده يوانس
حجا الجادر ريف الملتجي راعي النقا = وهو زبن من دبت عليه النوامس[/poem]
هنا
http://www.shmmr.net/vb/showpost.php...70&postcount=1
ويقول كذلك الشاعر إبراهيم بن جعيثن في مدح للأمير عبدالعزيز المتعب:-
[poem=font="MS Sans Serif,5,white,bold,normal" bkcolor="darkblue" bkimage="" border="none,4,gray" type=0 line=0 align=center use=ex num="0,black"]
ولد متعب الضاري إليا ركب وانتخا = على الخيل ماتدفع طعونه دروعها
إلي غاب شمس أو أغربت = ترا شمس أبو متعب تشوف طلوعها
معفي حما نجد له الحمد والثنا = إليا لبس شغل النصارا قمعوها
كبيرنا وأميرنا وإبن أميرنا = يروف برعيته مايروعها
للصاحب أحلا من زلالٍ على الظمأ = وعلى العدا أقسا من رواسي ظلوعها [/poem]
هذا للعلم فقط:)
لكم التحية[/align]
اقتباس:
المشاركة الأصلية كتبت بواسطة راعي الوقيد
فائده جزله اخوي ابوفيصل الله يعطيك العافيه واتمنى ان كنت تعرف
علاقته بطلال العبدالله كيف كانت من خلال قصائده اللي اطلعت عليها يالعزوه00
يعطيكم العافيه على الموضوع الرائع
وراشد الهجلي من المختار من شمر
يذكر نفر عمه ووالف سمير
يتلي الليان ومن لقى اللين يتليه
وجته بنت وهو بالسجن وسموه حبسه لا ابوه كان محبوس
وراشد له قصائد عده وفيها حكم وان شاء الله احاول اجيب من قصصه
ولكم جزيل التقدير