[poem=font="Simplified Arabic,4,black,bold,normal" bkcolor="transparent" bkimage="backgrounds/20.gif" border="none,medium,gray" type=4 line=0 align=center use=ex num="0,black"]
صدفه لمحته عند سوق العلاوي=ياليتني مع درب ثاني تعديت
سلمت بس الزين رد بهزاوي=واشر بكفٍ كنها شمعة الليت
وفهمت من معناه "مانته بقاوي"=وقفيت من عنده بكثر التناهيت
ياشبه ظبيٍ عن قطيعه نحاوي=تذيرت من طرد "حمر الكبابيت"
شمت نقيض الملح بريعٍ خلاوي=ذار وتذير واردفه نوع عفريت
خرسٍ عيونه مثل شبح النداوي=راعيتها بالعين ومن بعدها اغضيت
وانا خبر قلبي شغوفن شقاوي=جنبت في طروق المحبه تدريت
وقلبي طواها من عنا الود طاوي=ولا ينفع "الملقوع" ترديد ياليت
قبلي شكوهن مبعدين الحراوي=رجالٍ بصكات الليالي لهم صيت
وقبلي ذكرهن عامرٍ والخلاوي=ببياتهم يشهد لهم مصرع البيت[/poem]
