كانت قطعان شمر مربعة في بادية السماوة جنوب العراق في التسعينات وكان من ضمنها إبل الشيخ عيادة الصديد.وكان الصديد آنذاك مقربا من الحكومة العراقية وله حضوة لدى المسؤولين،وقد وصلت الى الجهات المسؤولة وشاية كيدية مفادها ان الصديد ينوي تهريب ابله الى السعودية.فتقرر مصادرتها .وجاءت قوة حكومية لهذا الغرض الى المنطقة وكلما سألوا راعي ابل لمن الابل ،قال للصديد بحثا عن الامان وهو لايعلم بالامر.وكان ان تم مصادرة جميع القطعان وعرضت بالمزاد العلني في السماوة.وكان من ضمنها ابل ابن شويرد الخريصي الذي قصد (الثابت) وحصل منهم على المال(قرض) الذي اشترى به ابله من الحكومة وقال في الثابت قصيدة جميلة ورد عليه هليل البقعاوي بالابيات التالية:
******************************************************************************** *************************
بديــت باسم اللي يدير الهباهيب
الواحـــد اللي يعلم بكل غايب
عسـى لنا بحبــال عزه مقاضيب
يومٍ تطب الناس وســط اللهايب
يالله طلبتك يا عليّ المطالـــيب
لاتجـــعل اني من رجا الله خايب
وحي الجواب اللي لفــاني بترتيب
من شــــاعرٍ بيطار دز الكتايب
قيلٍ كما الجوهر ســليمٍ من العيب
ولا كـــما الياقوت ما به ذرايب
وقيلي كما دروٍ حدر مع ضنــابيب
من فيض مزنٍ حدياته ســـحايب
الفٍ هلا والفٍ تحيـــة وترحيب
وعداد ما هبت نســـوم الهبايب
من شــاعرٍيشكر ويذكر من الطيب
وعند اللزوم كلنا لك قرايــــب
واكثر شيوخ اليوم بس حـط بالجيب
والجيب ما ينفع ليا صــار خايب
للعن ابو جيبٍ يقصــر عن الطيب
ولا ينفع بوقت الوزى والصــعايب
والعن ابو من يســهجون المواجيب
لوهم من اقصــى الناس ولا القرايب
ويا راكبين اكوار حمـــرٍ عياديب
طفقات صـلفات من احلى الركايب
عليهن اللي ينطـــحون اللواهيب
ولا فيهــم اللي قال للدرب هايب
تلفون لعيـــال الخريصي بترحيب
وهكا الرباع اللي تشــاد الهضايب
ســــلم عليهم كلهم بالمواجيب
وعم الســـيافا من شباب وشايب
تلقى طريف ابن شـويرد كما الذيب
القرم ســــخار البيوت الصعايب
ســــلم عليه وثم عطه المكاتيب
ولازم تكلم له بما كان صــــايب
واحك الصحيح وكب عنك التكاذيب
وليا نشـــد عني ترى القلب ذايب
يعيـــش قرمٍ ما تغاضى عن الطيب
ولا هو من اللي يسـتهجون الوجايب
وانا ترن كن الحشـــا به لواهيب
ومن همكم ذقت الكــدر والغلايب
وهـــذا كلام الصج ما به تكاذيب
وحياة من يعلم خفي الســــبايب
ولوا حســايف كصموا شمّخ النيب
ولوا حســايف راحت البل ذهايب
لو هي على دور الرجــال المعاطيب
لتشـوف جدع الروس عندَه حطايب
وتشوف عج المعركةكنه الســيب
وعند اللزوم يجدعون العصـــايب
ولا هو ردى بغلبا نحــاز الاجانيب
مار المصيبة وقتنا اليــــوم خايب
ودمــوع عيني فوق خدي صوابيب
ابكي ســـعد شمر عن الدار غايب
ولومي علــى اللي قاويٍ للمطاليب
وشـــنوح ما ينفع نهار الغلايب
وكثير من الاجـواد من يفعل الطيب
ولا هو كثــير الطيب عند القرايب
وعندك خبر وش قال شالح على ذيب
وش قال ابن قبلان وقت المصــايب
وش قال ابو زويّــد حصان المطاليب
وش قال شــايع يوم وقت الحرايب
وابن مهلهل قال لو نعــلم الغيب
كان ابتعدنا عن جميع الســـبايب
وراحوا وظل اذكارهـم تذكر الطيب
وعقب المعــــزة صايرين ترايب
ودنـيا دنــية ما تداوم على الطيب
وغير الصــبر محدنٍ ذكر له طبايب
تصفق كــما صفق الهوى والهباهيب
ويا دوبحت ما تنــفرج بالطلايب
إصـــبر ولا بـدّه تدور الدواليب
ومن يتـكل بالله مــا رد خايب
ولا دامت الدنيا لبا زيد وكلـيب
ولعنـــتر اللي ما نهج له غلايب
ولابن رشـيد اللي حكم نجد ويهيب
ولذياب بن غانم ســطام الحرايب
ولا دامت لشــمر رجال المطاليب
مدلهين اللي زهــــن بالجنايب
ومن عقب ما حنا نجيب المكاسـيب
اليوم قمــــنا ما نفك الحلايب
ومن عقب ما نذّي العدا بالاحاريب
ونفعل ولا ندرى كثــير الطلايب
راحن بنا ســـود الليالي محاديب
وكم واحـــدٍ غزَّن عليه النصايب
يالله يارزاق عكف المخالـــيب
تســـتر علينا من الليالي الغضايب
وهذا زمان يودع الشــاب به شيب
من كــثر ما ينظر لامور عجايب
وصلاة ربي عدخــــط المكاتيب
وعداد ما يســـعَل ويقال غايب
على نبيٍّ كل حكــــيه بترتيب
شــفيعنا يوم إنتشــار الكتايب
