بسم الله الرحمن الرحيم
السلام عليكم ياهل المضايف
وشلونكم كلن باسموه والله ماحد يقوم كلن بمكانوه :7ayyoh:
انتم تعرفون فهيد (اللى يعرفه يعلم اللى مايعرفه ):good1:
هذا ابن عم لى مقرود (وش انت يالشبث عنده )
:thumb:
المهم سير علينا بالديره (الله حق كل ماهذا يجينا ياما توظف الله يبارك بهالوظيفه اللى مسكتوه عنا ):p:
جلسنا لنا كم يوم فاضين وتمشيات وبيوم من الايام اسميه يوم القراده
كنا جالسين العصريات بالمزرعه بتاعتنا ونسولف ومبسوطين ولاعندنا من الشيطان طارى
مر اخوى الصغير معوه لوه طبق بيض وحنا ندعيه
منهو لوه هالطبق (حلوكم اسئله )
بعد ماجاوب قلنا وش رايك تحط هالطبق عندنا وحنا ماشين للبيت ماشين (الله حق حنا صادزين )
وانت رح العب مع خوياك
المهم قلت يافهيد امش للبيت وخلنا نروح نسمر مع الشله ندور واحد نتعزبه الليله (بلوت وهند )يعنى كنكان :d:
المهم قال فهيد الا وش رايك بلنا زقاره بهذا وبعده لكل حادث حديث (يالربع ابن عمى مثقف ):7ayyoh:
جلسنا ندخن شوى يامرت هكالمصرى من جنبنا ويقوم فهيد وياخذ لوه بيضه وبعلبا المصرى ويقعد المصرى يخانق وحنا نتهزره وهو يسك العافيه ويمشى (الله حق جازت لى هالعمله )وضحك وكركره على هالمسكين (نصيحه لاحد يكثر من الضحك تروه مابعدوه الا المصايب كفانا الله واياكم شرها )
المهم شفت هالمصرى يافهيد بلع العافيه وهرب الا ياحلولات يادبته (شجعان مامثلنا احد ):smooch:
المهم يامرت ابو سفايف (افغانى مادرى بكستانى )على سيكلوه ومعه لوه كريك وحنا عندك عندك بالبيض حنا من داخل شبك المزرعه وهو من برا الشبك تسيف يالربع طمر الشبك الا دعسه برجله ياهو عندنا وحنا نتشابط معه وعندك عندك يالربع بوه لوه نشاط بحياتى ماشفته بادمى :)
المهم تعافرنا حنا وياه لنا شوين ياحنين السياره (فرحنا قلنا واحد من الشله او عار مار يفرقنا ويافرحه ماتمت ):hala1:
اثريه افغانى اخر على لوه ددسن ثلاث وثمانين منشلع خطه (بتسبدوه الى هالحين مانساه )ويلتفت الافغانى ياهذا ابن عمه وهو يصيح ينخاه (ظنتى يقول بس انت اللى لك ابن عم حتى انا لى ابن عم ):7ayyoh:
وهو يحول الاخر معه عصا العفريته تعرفونه طوايلن ويجيك يمنا فازع وانا اصيح فهيد انحش لعنبو حيك كلونا الافغان :goooood:
وركض لداخل الحير (اووووووووووه اثرينى تساذبن عليكم قايل مزرعه تروه حير يالربع )
ونمر النخلات (ياحبى للنخل العرق دساس ):) تقل طلق اول اخبر مانمشى من تحتهن الا لابسين بساطير شوك
اول بوه لوه جحر تدخل معه التسلاب اكرمكم الله( لعبت بحمامى وطويراتى )واثرينى ساده قبل كم يوم ونسيت اعلم فهيد وهى تحاشقنا الافغان يالربع والله يوم جدع عصا العفريته وركز بالجدار انه لوهو بحدينا الا لاحقين فيدين العباره :chinese:
وهم يحشرونا بلنا زاويه وتغدى عوينات فهيد تقل عيون نطول (مع احترامى لعموم النطلان ):good1:
وتسيف يالربع داحونا دوحتن عند ربى خبره يامار حنا من صيد امس منصفرين :)
المهم صحينا بعد هودن من الليل فهيد فهيد قم انت حى يامال البلش لهالوجه :d:
ونقوم نتعاكز على بعض ياما وصلنا البيت اثرى مصرينا جاى ومشتكينا (مايدرى بحالنا والا تسان راحمنا ):good1:
واول ماوصلنا البيت كلينا ضرب يكفى قبيله (والسبب طبق بيض )
وهذى معركه طبق بيض
اخوكم الصغير
