فيثاغورسيات << انواع لحسة المخ ج1
بسم الله الرحمن الرحيم
اولا احب اسلم عليكم كل ابوكم واعتذر شديد العذر عن هالامور اللي وعدت به ولا عملته والرجاء انكم تدهدمونهن ياما يحله الله
اولا اخي وعزيزي المطنوخ << على المثل القائل ( شبك مشرف المنتدى يشبك المنتدى معك ):)
اخي المطنوخ لقد وردني ماحدث عقبي بالمنتدى والله العظيم ثم والله العظيم اني ماقويت احك راسي الفتره اللي طافت من الاشغال الله لا يشغلنا الا بطاعته
تخبرون الربيع والبدو :) <<< تسني من البدو اللي بالحيل بدو
وانشاء الله خيره بغيره
وابشروا باللي انااقدر عليه
خلاص يالمطنوخ خلّك على جنب
اخوي سرحان احب اعتذر منك شديد العذر
نجي لمحارش تعال يامحارش هو صحيح انك قايمن تبدع عقبنا بعدين ترن احاول قبل فتره اكلمك عشان اعتذر منك مار كل شوي اقول بعدين ياما صارت ماهي هالسنه الله يرحمنا برحمته
محارش خلك على جنب <<< مستانس بها الكلمه تقول بالمرور:)
اخوي المتوقد لي عتب عليك ليه هاللون لعن ابو ابليس والله لو انا صادمن موترك ومنحاش ماتعمل بي هاللون
يالله مع الزقرت على جنب
8
8
8
على هالحاله شكلي ابي انطرد قبست بهم كلهم
عسى الله يعين
يالربع جيتكم ومعي مويضيع على شكل رضاوه مع انه مامن اكا اللّي
لاكن معليش عشان خطري << بالمصري
بسم الله الرحمن الرحيم
كان الجو ممطرا وكانت الشمس مشرقة في وسط السماء والعصافير مازالت نائمه << طبعا ماتجي لاكن تحملوا وأقروا
في ذلك الوقت كنت في جلسة محاكمه لنفسي واكا اللحظه كنت واصل الجلسه السابعة عشره من قضية الدجيل
(( الحين هم وصلوا سبعطعش جلسه عشان قضية وحده متى يبون يقضون اذا انهم ناوين يحاكمونه عشان تسع قضايا زي ماسمعنا(((( الوكاد فل يخساء الخاسئون )))))
وقلت والله يابرق النفود الحين لو يبي يقفي راسك عن هالمضايف وتشوّل كراعك ما احد مترحمن عليك
ولااااا هذا اذا ذكروك هذا ليا غرّت عن ثمانطعش ستين ميه واحد يذكرك من الربع الادنين المهم قلت
عاد لياصارت هاللون ياولد سوّ لك شي يذكرونك الربع هذولا بوه وانا عاد اطلع من السياج حق المحكمه
وانا اخليهم يتغصّون برزان واخر علمي بهم يوم هو يقول هذي مو محكمه هذي مهزله الوكاد من اكا اللحضه ليا قبل شهر
وانا افكر بشي تذكروني بوه وعاد ابي اعرض لكم تسلسل الافكار اللي وردت على بالي
اول شي قلت غديني اصير مفحط وكل مافحطت ابي اكتب مضايف شمر على القزازه الورانيه حقت الموتر عقب يوم فكرت
قلت لا ياولد الدعوى ماتستاهل السبب الاول ماهو من زين سواقتي وجنوب الموتر تشهد لي
وثانيا مامن موتر يساعد ام عزيز به قرشةٍ بالقير والله لو ابي اعسر قيره ان يمطق و ينبّذ من اول الشارع لياما تاقف
عاد من يبي يقوم يلقط بذاذ القير الوكاد قمت وخذيت القلم من فوق اذني وحطيت اكس على الاقتراح الاول
والاقتراح الثاني هو اني اصير لاعب كوره وابي البس لي فنيله واحط شعار المضايف بالفنيلة الحدريه
وكل ماجبت لي قول ابي أجلع الفنيله وأجلغ قدام الكيمرات ويوم درته براسي يامار ما أنا والكوره ولايف
انا مامن دفايع برجلي اليمنى فكك من يوم انا وغد وسببه اني طبقت مع لي جدار من زود الفسق
(( تروا يالربع اكا الوقت كانت لعبتي المفضله التطبيدز من فوق الجدار <<< من حمد ربكم اكا الوقت مابوه لا مملكه ولا فيصليه والا تسان علوم ))
المهم هذا السبب الاول
والسبب الثاني اني ما اعرف العب الا وانا متنيفذ وعلي قميص النوم الحتماوي
المخطط باأبيض وعلمي بوه قبل ست سنين مسكرينن بوه حدى سريان النخل اللي بالمزرعه
يعني ما فيه امل البسه مره ثانيه << هذا اذا لقيته يابرق الوكاد اني معطت القلم مره ثانيه وحطيت اكس على هالااقتراح
والاقتراح الثالث قلت ابي اصير شاعر وابي اقصد بمعدل ثلاث قصايد بالثانيه ابي اخربه
وابي امدح سلسبيل ابو من خلّفكم انتم يالاعضاء من اولكم لاآخركم وصغيركم وكبيركم
مار يوم تفطنت يامار بحياتي ما كتب الا قصيده الا قصيده وحده ومستانس به وانا اعزم واحد من الربع شاعر وانا اقهويه
وانا اوريه اياه ويوم قراه وهو يقول هذي قصيدتك قلت ايه هذي النسخه الاصليه قلت ايه قال ماعندك له مسوده قلت لا
وقال ولا نسخه قلت ابد وهو يقوم ويقطع الورقه بالطفايه وهو يولع به بالولاعه ويوم سمدت وهو يجمع السماد وهو يدفنه بالحوش
وهو يقول لا له عاده تقوصد لعن ابو حيك القصيده بدايته غزل وعقب قمت تلعّن شركة الاتصالات
وتقول الرسوم غاليه وعقب سفلّت بموبايلي وقلت ان تغطيتهم بالشرقيه دمار وعقب سبيّت عبد اللطيف جميل وتقول الفكسار غالي
ماهي قصيده الله يرحم والديك عاد انا عرقت جبهتي من الفشيله الوكاد هذا السبب اللي خلاني اترك القصيد لاهله
اما الفكره الرابعه قلت ابي اصير هكر واب افدع بالعالم ابي السي ان ان يتوذون مني مار
وهي فرصه ماني مخلّي ولا موقع دنمركي الا والعن ابو من صممه ولا تهون النرويج ابي اسوي بهم النون ومايعلمون
نصرتن للحبيب محمد عليه افضل الصلاة والتسليم اللهم صلي وسلّم على محمد
لاكن يوم راعيت انا معلوماتي بالنت ماتعدى معلومات واحد من اصدقائي يوم ينسرق ايميله جاء يمي فزاع يحسبن عندي سالفه
قال برق تكفى يا اخوك فزعتك وانا أفز تقول اسد وانا اطلع بطاقة الصراف وانا اجدعه عليه
قلت والله يا اخوك ما اخبر به إلا مية ريال مار خذهن ترهن جنّك خذا البطاقه وهو يرصّن به من بين العيون
قال مابي ميتك ياعلك ما تبلّيه قلت وش بلاك قال ايميلي انسرق قلت افا قال أي والله الوكاد قلت تخلف الله
قال الشرهه ماهي عليك الشرهه على اللي يجيك قلت اصبر يا ابن الحلال وش تبي تسوي قال والله اني ما ادري
قلت بسيطة يا رجال كلها عشر دقايق واسويلك احلى ايميل ثاني قال عزّ الله اللي هي مدبره لعن ابو حيك ايميلي الاول ابيه
قلت وش تبيبه اخبر ايميلك مابوه الا ماسنجرات العيال كلهم ارقامهم عندك دق عليهم بها الجوال وسلّم عليهم وخذ ايميلاتهم وحطهن بالجديد
قال والله انك مهوّي اولا انت ما تدري ؟؟؟؟ وثانيا انا مقدم على لي وظيفه وقالوا انهم يبون يردون عن طريق الايميل
قلت اسمع يا ابو اللّيد اولا انا ما ادري؟؟؟؟ الا ادري بكل شي وش تحسبن عايش بلي تنكه
فاهم وش بلاك وبطاقات الشحن المجدعات عند بابكم واضحة مثل عين الشمس لعن ابو حيك استح على يور فيس اتز شيم اون يو << ليا عصبت اقلب على البي بي سي
بعدين تر اقطع الماوس من السيريل بورد اذا ماهن زقرت يضحكون عليك طيب
قال طيب والوظيفه قلت عاد هذي ريّح ملايكتك ماهم رادينن عليك هذي تصريفتهم الجديده اول يقولون خلّك عند التلفون << هذي على ايامنا
وعقبين قاموا يقولون خلّك على الجوال << الجيل اللي عقبنا
وانتم قالوا خلّك على الايميل لاكن ترن اقوله لك بكل صراحه ماتسنهم قبلوك
قال الوكاد برق يابرق وين برق افزع قلت ياولد والله مالي لا حول ولا قوه
قال طيب ماعندك دبره قلت لا يغرك اني اول ما اعدى بالمقهى يوم الدراهم واجد ترن ما اعرف الا موقع واحد وصابرينن علي الله يجزاهم خير
بعدين انت وش انت عامل يوم هم يقتحمون ايميلك << ول يالويب سايت حق البنتاغون يوم (يقتحمونوه)
قال الله يلعن المقاهي رحت واثريني نسيت لا اسجل خروج من الايميل قلت تستاهل عاد انا طولته عليكم وهي قصيره
الزبده ان اخوي اللي اصغر مني اشوى مني من ناحية السوفت ويرز وها الامور عاد خذيت القلم وشطبت على الفكره الرابعه والاخيره
وانا اقوم من محلي وانا اشغل موتري عقب ما ايست اني القى فكره جديده وانا اتوجه يم الحلال قلت غديني عقب الغبوق تفزع لي المخة بلي فكره وصلت يم البعارين وانا اغتبق
مار وهي تقفل المخة هي صدزته تقل زالجه بأبوتاج القديم الاسود<< تروه قفل طيّب
وانا من الدلاخه قمت اتمشى حول الشبك وانا امر من عند اكا العوشزه يمار به اكا القرطاسة الناشبه وانا اخذ القرطاسة واقراه يمار مكتوب
Wanted
Electrical engineering for working in the space spicily top of marsh who finds in his self enough stupidity to do this job sent his résumé to this address
الترجمه
مطلوب شخص يحمل شهادة الهندسة الكهربائيه للعمل في الفضاء بالخصوص في رحلة لاستكشاف المريخ فمن يجد في نفسة الحماقة الكافيه ارسال سيرته الذاتيه الى هذا العنوان
يتبع
معليش بس والله جاني النوم اكمل لكم القصه المره الجايه
