بالخيراااااااااااااااااااااااااااات
ياشباب ويا شابات ( يعني الشيبان والعجز يطلعون )
**
تصدقون هكا اليوم قريت بحدى الجرايد ان ثلاث جنود امريكان فطسو عقب ما انفجرت بهم
عبوه ناسفه هم وخوياهم
بس الحمد لله خوياهم سلمو ( على ذمة المصدر )
وبصراحه ودي ابدي اعجابي بهلاختراع اللي سوتوه امريكا
تدرون وشهو ؟؟
ماشاء الله عليهم لو تنفجر القنبله بحضن حديهم مايموت ويمكن يصاب ويمكن لا .
واذا انفجرت على الف جندي وبفضل هالاختراع يتم تقليص القتلى من ميه وميتين الى
واحد واثنين . هذا العلم ولا بلاش ( اقول لحد يصدق )
**
سمعت هكا اليوم من واحدن من الاخوان ان واحدن من الفنانين ( المطربين ) اللي لوه علاقه
شخصيه بهم ان هالفنان يقول انوه يبي ينزل شريطين ويتوب لوجه الله .
عاد ماشاء الله عليه الله العالم مهو بعيدن عن هالامريكان ويعرف يخترع
ليه يا حبيب امك عمرك بيدك . ماتدري لو تعكص باتسر ( ياعلوه يعكص عزالله مهو حسوفه )
**
قريت هكا اليوم ان فيه مشاريع طرق تاصل ميزانيته ( والله ماعرف اقراء الرقم من كثروه )
عاد ماشاء الله عليهم الاخوان بوزارة المواصلات يخافون الله
يبون يضبطون كم شارع داخل الرياض
ويعيدون رصف بعضهن
وبس
اما طريق رفحاء عرعر وطريق الجنوب لاحقين عليهن مالله موزي للتبذير .
**
سمعت هكا اليوم ان وزارة الصحه تبي تبني كم مستشفى على مستوى عالي
وتبي تجهزهن بالاجهزه الحديثه والمتطوره .
ياربي هم مايدرون ان هالجهاز يبيلوه دكتورن يعرف يشغلوه مهو بنقلاديشي سباك
ولقالوه رقم دكتور ولزق بوه .
او حمرن من هالحمران متقاعد من الجيش وجاين عندنا مستشار .
عاد اذا جاء الحتسي عن المستشفيات فحدث ولا حرج .
والله يالربع ثم والله
واحدن من الربع خذا اختوه وراح به للمستشفى ( تشتكي من رجله ) وهالحتسي برفحاء
ويوم جو الدكتور وهو يكشف عليه قال تجيني باتسر ( حكيم ابو هنود )
ويوم جاوه من باتسر قال اختك به جلطه بالرجل ؟!!ّ#$
اخونا قامت تضرب بوه الدنيا يمين ويسار ولا يدري ويش يسوي
وعلى طول شال اختوه وامه وللرياض
وعلى حدى هالمستشفيات ويوم كشفو عليه قالو هذي به تخثر بالدم بس .
ولا جلطه ولا غيره .
**
قريت هكا اليوم ان الرئاسه العامه لرعاية الشباب مقدمتن كل الامكانيات الماديه ومالمعنويه
للمنتخب علشان يحقق نتائج كويسه .
حلوكم وجيه
الله يستر بس
فيه خوين لي من فنزولا ماتحاتسيت انا وياه من عقب صافرة حكم مباراتنا مع المانيا بالخير
يالدعيع
تصدقون ياقولي انتم خبول جايبين واحد ممتاز مره يعرف يسنتر ( يستهزي بي )
وانا اصفقوه بالطفايه قلت يابو الشباب هذا سفير لحد يسمعك والله يغيبون شمسك .
**
هالمره لا سمعت ولا قريت
بس دريت ان اخواننا سوين مخيم بالنعيريه
ومجتمعين وملتمين ومسفهلين
ويعلم الله كنت ابي اجيهم
بس الظروف عطتني ركبه ليمار انا وسيارتي بالسطحه
والى وقت كتابت هالموضوع ماطلعت من الورشه
بس سمعت ان المطنوخ مهو على حتسيوه بهالمضايف
يقولون ولاد هدي ولا يحتسي ولا يقول شي
حلوك شدوق
لا تنسون حاولو تشترون الاختراع الامريكي لتقليل الخساير
واسف على الاطاله
وتقلدوا تحيتي
