يامن شرالوة من حلالوة علة ][راعي الفزعة][
بسم الله الرحمن الرحيم
ارا فلهي الولة !!!
ماتعرفون سالفة يامن شرالوة من حلالوة علة؟
ابشرو ولا يهمكم انا اجيبهلكم.
هذا طول الله اعماركم سنة من السنين
وحنا قطين حول باريس ( ابد تخبر ونت جاي على طريدز واشنطن باريس , لا اقبلت على لوحة باريس 10 كيلو بحر غرب عنة تلقى بوة شعبان طلح حنا نازلن بهن)
ايوالله الوكاد مالكم بالطويلة وهم يحطون مسابقة بقبيلتنا تخص الي حدر من 15 سنة وانا الكلحين جذع ماطلع الشعر بوجهي ادون من العشر عمري
المسابقة شبطي يتشابطون هلجذعان ويشوفون من الي يشبط الجذعان كلهم هو الي ياخذ الجايزة .
والله وانا اشبط العيال كلهم وهم يعطوني الجايزة وهي ( صميل + خمس بقل )
وانا انهج لبوي وانا اعطية الجايزة قال عشت ولدي انا اشهد انك طالع لبوك ههههه :p:
اية يوم جاء من باتسر وانا اقول لبوي يباة قال رضماة وش تبي ترك دابلن تسبدي وش عندك
قلت والله يايبة عيال القبيلة الي كبري كلهم معهم حمير ( ونتم بكرامة ) وانا ابيلي واحد قال ابد ان شالله بسوق الجمعة نزهم باريس ونجيبلك
اية جاء الجمعة وشرالي جحش (تكرمون) مامشى ابد عدادوة الصفار وانا اطفبوة ودوجة علية ( تصدقون ليما يذن المغرب وانا افر علية ) وادلي اركب هزقرت وفر علية (تروة فل كامل ) ويوم جاء اكل يوم يمار حدى بنات القبيلة واقفة على باب بيت الشعر ولا عندة احد قلت فرصة خلانا ننذخ عندة وانا اجيك طاير علية امشي بين السماء والارض وملتفت للبنت ولا ابحّر بدربي وهو يخثع الماخوذ بالاطناب يمار انا ازحف على فرتي ويمار حدى يديي منكسرة وهم يدلونك يضحكون علي وصار هذا المكسب من ورى هلجحش [ يامن شرالوة من حلالوة علة ].
اتمنى انه نالت على اعجابكم
واسف على الاطالة
