ورى الباب ..!!!

!!.. لعلها تموت ..!!
.
!!.. إن الحروفَ تموتُ حينَ تُقالُ ..!!
.
.

[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=2 line=0 align=center use=sp num="0,black"]
يا باب سلّم لي على من ورا الباب = و قلّه بقلبي .. لو تخفّى .. أشوفه
أسمع حنينه يخترق ستر لحجاب = وهو ساكتٍ .. ما أطربتني حروفه
ياللّي سكوته زادني اعجاب فاعجاب = وياللّي كلامه ما وسعني وصوفه
وصلت مراسيلك على ظهر لكتاب = لكنّ شمسك طوّلت في كسوفه
إنت السهّر لا سَلطن النوم أحباب = و انت الـ ( طِفا ) لا شعلل الشوق جوفه
ما جيت لك أحمل على سترك عتاب = أصلا عطورك رايحتها امْعَروفه
خوف الوفي ما هو على قلّ لاصحاب = الوافي اللي من ( ضنا البعد ) خوفه
نار الموادع ما تطفّيها لاسباب = ما به سبب ( ياخذك ) إلاّ .. أعوفه
راس الغلا توّه غضيّ ما بعد شاب = ما يحجبه عن شوفك إلاّ .. حتوفه
والباب ياللّي يحجب عيون الاغراب = ما يحجب عيونٍ عليك امْلَهوفه
ما ردّني عنّك ملايين لاشناب = تهقى يفرّق بيننا ... باب طوفه ..؟!![/poem]


.
.

أختكم
الدهور

.




ما جيت لك أحمل على سترك عتاب
...........................أصلا عطورك رايحتها امْعَروفه




( أصلا عطورك ) / هذي لها عطر آآآآخر



مبدعه كعادتك ..


وملامسة للجرح / دائما


أختي الدهور ..


إستمري في إتحافنا ..بماهو رائع


.




كل الود ..


لقلبك



.

الدهــــور

بل الزهور

.
.

ياباب سلّـم لي على اللي ورا الباب


اللــه اللـه مطلع جميل جدآآ

الفاضله والرائعه

نص يشبه لحد كبيـر السماء
بصفاءها وسحابها وهطول أمطارها
أبحرت مع موج كلماتك إلى شاطئ الذائقه
ومازلت أتـوق للعوده

هنـــا فقط إرتوت الذائقــــــــــه
.
.


دمتي للذائقه
وللشعر

.
.

دائما رائعه ودائما مبدعه
غاليتي دهورنا الحبيبه
شكـــــــــــــــــــــرا
لكل هذا الجمال

يا باب سلّم لي على من ورا الباب
و قلّه بقلبي .. لو تخفّى .. أشوفه
أسمع حنينه يخترق ستر لحجاب
وهو ساكتٍ .. ما أطربتني حروفه
ياللّي سكوته زادني اعجاب فاعجاب
وياللّي كلامه ما وسعني وصوفه
وصلت مراسيلك على ظهر لكتاب
لكنّ شمسك طوّلت في كسوفه
إنت السهّر لا سَلطن النوم أحباب
و انت الـ( طِفا ) لا شعلل الشوق جوفه
ما جيت لك أحمل على سترك عتاب
أصلا عطورك رايحتها امْعَروفه
خوف الوفي ما هو على قلّ لاصحاب
الوافي اللي من ( ضنا البعد ) خوفه
نار الموادع ما تطفّيها لاسباب
ما به سبب ( ياخذك ) إلاّ .. أعوفه
راس الغلا توّه غضيّ ما بعد شاب
ما يحجبه عن شوفك إلاّ .. حتوفه
والباب ياللّي يحجب عيون الاغراب
ما يحجب عيونٍ عليك امْلَهوفه
ما ردّني عنّك ملايين لاشناب
تهقى يفرّق بيننا ... باب طوفه ..؟!!




قراتها على شريط الاهداءات


و من ذلك الحين ارددها


استاذتي الدهور


ابداع و تمكن


صح كلك



اخوك

الداهور









ابداع ..









صح الله لسانك ولا هنتي اختي






انتظر جديدك











اخوك

أخي و استاذي
ضحوي الأسلمي


و هل بقي بعد عطركم ... عطر ...؟!!!!
شكرا لكلماتك المخجلة جدا

ولا عدمت مرورك الرائع



أختك
الدهور

هلا هلا هلا هلاااااااااا


وش هالزين يالدهور ؟؟



عذوبه في منتهى الروعه ماشاء الله عليك



صح لسانك وسلم بنانك


ذكّرتيني بفيلم " حب في الزنزانة " :)



شكرا لك

يا باب سلّم لي على من ورا الباب
و قلّه بقلبي .. لو تخفّى .. أشوفه


هناك بابين الباب الاول هو باب القلب وهو المنادى بـ ياباب والباب الثاني هو مايأتي اخر كلمه بالصدر من البيت والدليل اتى القلب هنا بأنه الغرفه الاولى المقصوده بالباب الاول
أي

ياباب قلبي قله بأنني اشوفه داخل غرفتك ولو انه اختفي ورى الباب للغرفه

وهنا صوره خياليه رائعه تدل على سعة مخيلة الشاعره وقوة تمكنها من ادواتها والذي يشدني هنا ان هذا البيت اتى مطلع للقصيده وهو ماشد العين للقراءه قبل الاستمتاع

كم انتي رائعه يالدهور


اخوك... فيصل اللويش

الله الله يالدهور

هذي غير

صح لسانك ياشاعرتنا

لاهنتي والله