أمحق اتحاد كوره وامحق مسئولين
وقسم بالله انه فشيله صدز هاللي يصير لنا حنا بالذات .
وش معنى حنا بالذات اللي ما نقدر نشوف مباريات منتخبنا الا عن طريق صالح كامل ( جعل عمره ما يكمل ) لا بوه لا بو ستين *** .
بالله عليكم هذي حاله , تصدقون حتى مباراة السعوديه واليمن يبي يشفره صالح كامل . وقسم بالله ما توقعت تاصل بوه المواصيل لهالدرجه .
وأكيد أكيد ان اليمن يبي ينقل المباراة غصبن عن ابو كامل . لكن اللي يقهر ان التلفزيون السعودي ( او الشخشيخه اذا بغينا نصير امينين بالوصف ) ماراح ينقل المباراه .
قال أيش قال ياما تدفع او احسن لك تلايص او تابع الكراتين على قولة ابو اريج ( محمد البكر ) وللامانه فهذا الصحفي والمعلق اعتبره اشرف الصحفيين واقواهم لانه ما تخلى عن مبادئه مثل غيره .
قريت اغلب الاعمده الرياضيه وقريت الجرايد ولا كأن فيه شئ الا ابو اريج هو الوحيد اللي صرّح بهالشئ .
فكرت اني اقاطع المنتخب بس يوم فكرت يمار ان قاطعت مباريات المنتخب يمكن يجيني اكتئاب وان تابعتهم بمقهى على قناة كامل اكيد تبي تنجمر تسبدي الا تبي تفوح .
واللي يقهر صدز ان اتحاد الكوره سبق وانه صرح رئيسه انه ما راح يتم تشفير اي مباراة للمنتخب ( اظنه كان بعد مباراة السعوديه وجنوب افريقيا التجريبيه سنة ربيع الدمنه ) وكل اللي صار انه كان مجرد تصريح في الهواء .
عاد اللي يقهر زياده ان التشفير بس على السعوديين بالذات واكبر دليل ان البطولة الافريقية الاخيره كانت منقوله عبر الارضي لكل دول افريقيا وكأس العالم الاخيره كانت منقوله عبر الارضي لكل دول الخليج مع انه مهي مشاركه بالبطوله , اما حنا يفتح الله .
المنتخب ملك لكل ابناء هذا الوطن وليس من حق رئيس اتحاد الكرة او غيره من مسئولي الاتحاد انه يوقع على تشفير مبارياته الا اذا كان يعتبر المنتخب فريقه او ان المواطنين مجرد آلات لدفع الفلوس لابو كامل .
وين ابو متعب عن هالمهزله صدز والاستهتار بحقوق المواطنين .
