يا دارنا والله بالسيف جبناك
[all1=000000][a7la1=000000]عندما يخاطب الإنسان عينه وهي بدورها تخاطبه فلا شك ان المشاعر ستكون صادقه>>>>>>>
اهديكم هذه القصيده,,,,,,,,,, علها تنال من اعجابكم شيئا يسيرا,,,, فإليكم::::>[/a7la1][/all1]
[poem=font="Simplified Arabic,5,white,bold,italic" bkcolor="transparent" bkimage="backgrounds/21.gif" border="none,medium,gray" type=2 line=1 align=center use=ex num="0,black"]
يا عين ويش اللي عن النوم جزاك=قولي علامك يا عيوني عليه؟؟
عذبتني يا عين من قل غمضاك=كني قريبن من وفاة المنية
الجفن من طول السهر كن به اسلاك=يبط عيني ما تداني رفيــــّـه
مدري أسى؟ مدري ظروفك تحداك؟=والاّ هجوسن بالضمير مغلية؟؟
ياعين قولي لي عسى خير وش جاك=لايكون عشق البيض جاب البليه!؟
و انتي تعرفين الهوى لو تمثناك =كنه بقلب الآدمي سم حــــــــــيّه
ياحيف ياعيني ترى العشق عناك!!=كيف الرجل يغويه زول البنيه!؟
ما ظنتي فواز للعــــشق مشاك=و الله رجلي ما مـــــشت للردية
وإن كان قصدك بُعد دارك ومرباك=شمال نجدن والفياض العذيــّه
الدار راحت جعلنا ما عدمناك=يا عين حايل دارنا يا غبيــّه
والله لو تنسى البشر مانسيناك=حنا خذيناها بسعرن غليـــــّـه
يا دارنا والله بالسيف جبناك=وارقاب ربعي لك هدوها هديـــّه
والله لولا الدم الحمر ما خذيناك=صبيان شمر كاسبين العليــــــــّه
حنا على العايل سمومن ليا جاك=من دور طي اهل الكرم والحميه
وان كان صيدك قل ما فيه يمناك =ياعين ما خبر الرجال معمــــــّيه
الرزق من عند الولي لا فقدناك=الرازق المعبود رب البريـــــــّه
ثم تكّ عيني عنى الهم تكاك=ثم غرغرة بالدمع بعده شويـــــّه
قالت وش اللي جاك يانور عيناك ؟؟=حكيك يخلي من حياتي شقــيه
والله ما ممشى العواشيق ممشاك =ولا طب قلبك حب ذيك البنيه
العشق للفاضين قومن هذولاك=والا انت رجالن طموحك قوية
واما كلامك بعد دارك ومرباك=انا دياري بالجنان الهنـــــــــــّيه
نعمين من نجدن ونعمين مرباك=بس الرجل في كل ارضن وطيه
ولاهمني ان قل درهم بيمنماك=والا رصيد حساب جيبك شويه
المال ما ينفعك ليا عميت ارياك=يا هوه يا فواز خذها وصيــــّه
قلت اسمعي ياعين اجل ويش جزاك=ان صار لا هذا ولا ذا و ذيــــّه
قالت انا ادري دمعي الحين عناك =لكن تراه من الهموم العنيه
اشقى على فعل المراجل وشرواك=يشقى ويشقيني بفعل الشقيه
ويازين تصبيحت عدوك ليا جاك=صباح ن اقشر ما يخلي تليه
ليا صار من قومن بهم قوة عراك =ومن ملةن عند الولي مفلسيه
وميلتها من عقب يسراك يمناك=وتسمع لضربات البنادق نغيه
ثم تشتبك من بعدها بأول عداك =بسيفن سنينن ما يخلي بقيه
وحول الضحى ينكس عدوك عن لقاك=مكسور مذعورن وراسه دنيه
وتلقى بهم تسعين ما فيهم حراك =من فضل رب العرش جتهم منيه
يالضيغمي هذا مُنى العين ومناك=يا جعل عمرك عقب هذي هنيــّه[/poem]
