هذه القصة وردت بروايتين أحدهما تقول انها للشاعر فهيد بن شرعان بن فاران الرمالي الشمري وابنة عمه التي هام بحبها وتزوجها وكانت هذه المرأة من أجمل بنات قبيلتها وعرفت بجمالها الكبير وعرف الشاعر فهيد بحبه الكبير لها ، وكانت النساء في ذلك الوقت (يروون) الماء من البئر وكانت هي تذهب دائما برفقة خمس من بنات قبيلتها وذات يوم أتاهم قاطع طريق وطلب ان يقبلهن وحدةً تلو الاخرى وألا يقوم بقطع (قربة) من ترفض ووافقن جميعهن إلا هي لم ترضخ له فقام بشق ( القربة ) وخوفا من الفضيحة قامن بقية النساء باشاعة خبر بين القبيلة انها مكنته من نفسها ونتيجة للعراك الذي حدث وشق (القربة) انتشرت هذه الكذبة بين أفراد القبيلة حتى وصل الامر إلى زوجها فهيد فقام بضربها وتطليقها ، وبعد مضي 3 أشهر جاء قاطع الطريق وكشف حقيقة الامر وعندما علم فهيد بالحقيقة ذهب إلى عمه لاسترجاع زوجته لكن عمه رفض في البداية فكتب هذه القصيدة التي كانت سببا في عودة زوجته اليه ويقول فيها :
يا راكب ثنتين يشدن الاقواس=من دار ريضان الحجر حركني
ما فوقهن كود الدويرع وجلاس=وسفايف بين اربع يلعبني
تحركنا من عندنا حين الامراس=ومضى سواد الليل ما بركني
حكن علم عذفا يسارن من الرأس=والظهر مع ورد الحفر يشربني
وحطو لهم مع هقلة الحضر بلاس=عن الحضر واللي بالخلا يسرحني
وليا لفيتوا عند مدقوق الالعاس=الجادل اللي بالمحبه محني
قولوا على حبل الرجا نطوي الياس=ولبيض غيره كلهن يحرمني
ولو يندوي جرحي دويته بزفواس=ولا بني رفاف البيت منكم ومني
والله يعلم بالخفايا والآجاس=حيث مضى من صغر سنك وسني
وياعم اللي طعت بي هرج الانجاس=طاوعت هرج الناس واخلفت ظني
طعت بي ياعم دايس ودرباس=وعوارض صدقتها وابعدني
ومن لا اخذ من درس الاسلاف نبراس=تمضي حياته بالرجا والتمني
واقفيت ادير بظامري كل هوجاس=على وليف بالحشا غاب عني
تكبي خواطرهم ليا جيت عساس=ولا تقل انا منهم ولاهمب مني
ومريت دار ما تقل جنة الاوناس=وونيت ودموع العيون ذرفني
جيت المراح اللي بالعشب محتاس=العشب في مضرب وسادة معني
محذا شبة الناس ومشتاقة الراس=وثلاث لا يبكن ولا ينبكني
لي بنت عم ما وطت درب الادناس=ولا دنست يوم النساء يدنسني
ضربتها وانا احسب الضرب نوماس=طلقتها يوم افخت العقل مني
يا ناس كيف العين تبكي على ناس=وكيف العيون بلا رمد يسهرني
لو ينشكي حبي على ذيب الاخماس=يسرح مع الطليان مايجفلني
ولو ينشكي حبي على طير قرناس=اضحى الضحى بمويكره مستكني
ولو ينشكي حبي على قب الافراس=عين نهار الكون لا يفزعني
ولو ينشكي حبي على الميت ماناس=يثور من بين النصايب يوني
ولو البيوت مشددينه بالامراس=عين مع الخفرات لا ينبنني
وحتى النجوم اللي مع الليل غلاس=لو ينشكي حبه لهن وقفني
ولو ان غوطة (دم سلمان ) واضراس=يدرن بما قلبي لقلبه يكني
تلقى سهل جبة هضاب ومنحاس=وحتى الجبل بالقاع صار متثني
اشرفت رأس ضراس من فوق الاطعاس=ولا ألوم طراد الهوى لو يجني
هليت دمع العين واوميت بالراس=ورافقت كور العيس ياما ابعدني
ورفعت نفسي عن شبا كل وسواس=البعد احلى من حياة التمني
انا زبون الحرد للخيل مدباس=يا كلشن شهب الشوارب نخني
نفسي تشوم عن التدلبح مع الساس=ولاعاش من هو عن رفيقه يكني
من شيدوا (زينة ) على غيد واغراس=ليا نسيت رسومهم ذكرني
يا عم انا لي طلبة الراس بالراس=يا عم شوف رسومهم ماانمحني
ولو صرت ان القلاع ماشلت الاضراس=والموس ما يقطع بليا مسني
يا صار ماربعن على الرائ جلاس=وجنحان طير السعد يلفحني
نصير دوم للصقاقير مدواس=مثل اللي يسمع صفير المغني
والله يلولا بكرة يا ابو وناس=حبه سكن باقصى الضماير محني
والله لو هي ما تبيني فلا باس=لاشك خبثان النفوس طردني
وانا احمد اللي خالق كل الانفاس=وجعل وساع القاع مافيه مني
دار بدار ولا مناخات الانجاس=يا صار ما يمناك عينك تزني
في بلدة الغراف من جملة الناس=ولا نيب من يرجي الخلايق تحني
دار به الاكرام والطيب به ساس=دايم تذكرني ليالٍ مضني
وبعد القصيدة رجعت له ابنة عمه وعاش معها باقي العمر
وفي الرواية الأخرى تنسب هذه السالفة وقصيدتها للشيخ سعد بن مشعل المطرفي البلوي وابنة عمه وهي بنفس الأحداث السابقة ومزودة برد على القصيدة من عمه الشيخ هليل بن عيضه المطرفي البلوي
وهي كالتالي : قصيدة سعد بن مشعل يقول فيها :
ياراكب ثنتين يشدن الاقواس=من دار ريضان الحجر حركني
مافوقهن كود الدويرع وجلاس=وسفايف بين اربع يلعبني
تحركنا من عندنا حين الامراس=ومضى سواد الليل مابركني
حكن علم عذفا يسارن من الرأس=والظهر مع ورد الحفر يشربني
وحطو لهم مع هقلة الحضر بلاس=عن الحضر واللي بالخلا يسرحني
وليا لفيتوا عند مدقوق الالعاس=الجادل اللي بالمحبه محني
قولوا على حبل الرجا نطوي الياس=ولبيض غيره كلهن يحرمني
ولو يندوي جرحي دويته بزفواس=ولا بني رفاف البيت منكم ومني
والله يعلم بالخفايا والآجاس=حيث مضى من صغر سنك وسني
وياعم اللي طعت بي هرج الانجاس=طاوعت هرج الناس واخلفت ظني
طعت بي ياعم دايس ودرباس=وعوارض صدقتها وابعدني
ومن لااخذ من درس الاسلاف نبراس=تمضي حياته بالرجا والتمني
واقفيت ادير بظامري كل هوجـــــاس=على وليف بالحشا غاب عني
تكبي خواطرهم ليا جيت عســــــاس=ولاتقل انا منهم ولاهمب مني
ومريت دار ماتقل جنة الاونـــــــاس=وونيت ودموع العيون ذرفني
جيت المراح اللي بالعشب محـــتاس=العشب في مضرب وسادة معني
محذا شبة الناس ومشتاقة الراس=وثلاث لايبكن ولاينبكني
لي بنت عم ماوطت درب الادناس=ولادنست يوم النساء يدنسني
ضربتها وانا احسب الضرب نوماس=طلقتها يوم افخت العقل مني
ياناس كيف العين تبكي على ناس=وكيف العيون بلا رمد يسهرني
لو ينشكي حبي على ذيب الاخماس=يسرح مع الطليان مايجفلني
ولو ينشكي حبي على طير قرناس=اضحى الضحى بمويكره مستكني
ولو ينشكي حبي على قب الافراس=عين نهار الكون لايفزعني
ولو ينشكي حبي على الميت من الناس=يثور من بين النصايب يوني
ولو البيوت مشددينه بالامراس=عين مع الخفرات لاينبنني
وحتى النجوم اللي مع الليل غلاس=لو ينشكي حبه لهن وقفني
ولو ان غوطة (دم سلمان ) واضراس=يدرن بماقلبي لقلبه يكني
تلقى سهل جبة هضاب ومنحاس=وحتى الجبل بالقاع صار متثني
اشرفت رأس ضراس من فوق الاطعاس=ولالوم طراد الهوى لو يجني
هليت دمع العين واوميت بالراس=ورافقت كور العيس ياما ابعدني
ورفعت نفسي عن شبا كل وسواس=البعد احلى من حياة التمني
انا زبون الحرد للخيل مدباس=ياكلشن شهب الشوارب نخني
نفسي تشوم عن التدلبح مع الساس=ولاعاش من هو عن رفيقه يكني
من شيدوا (زينة ) على غيد واغراس=ليا نسيت رسومهم ذكرني
ياعم انا لي طلبة الراس بالراس=ياعم شوف رسومهم ماانمحني
ولو صرت ان القلاع ماشلت الاضراس=والموس مايقطع بليا مسني
ياصار ماربعن على الرائ جلاس=وجنحان طير السعد يلفحني
نصير دوم للصقاقير مدواس=مثل اللي يسمع صفير المغني
ورد عمه الشيخ هليل بن عيضه المطرفي البلوي يقول :
قولو لبن مشعل خذ الهرج بقياس=ذي عادات الايام لا دبرنــــــــــي
اللي معه ميز وناموس في الراس=يقدم لاهل عوص النضا كل فني
ويحط له بن وهيل ومحمـــــــــاس=ودلال في حيد الوريثه يجنــــــي
وحياة جلاب المطر رازق النـــــاس=يافيك نيات الردا ما طرنـــــــــــي
لا كنن ما بغى في خاتم المـــاس=حيث ان فنك مايباعد لفنــــــــي
أعزائي القراء نحن يهمنا بالدرجة الأولى السالفة وقصيدتها
ولا نرجح كفة على الأخرى في نسب القصيدة لأي من الطرفين
وحرصا على امانة النقل أوردنا الروايتين
وسلامتكم
ونبي إفادتنا أي الروايتين أصح
