فارس من فرسان قبيلة شهران
السلام عليكم:)
هاذه قصه الشيخ الشاعر الفارس محمد بن سرار المنبهي الشهراني (عليه رحمة الله)
فارس من فرسان قبيلة شهران العريقة 00
كان قد تزوج من امرأه سبيعيه من ال محمد ، وعندما حملت زوجته طلقها
لخلاف بينهم 00
واوصاها اذا جابت مولود ذكر ان تسميه عمر ويقص ابهامه الايسر !
وان كانت بنت تسميها رماده ويقص ابهامها الايمن !
وفعلا انجبت المرأه ولد وسمته عمر وقصة ابهامه الايسر:)
وعندما كبر عمر طلب من امه معرفة من هو ابوه ؟
فأخبرته ان ابوك ابن سرار شيخ بالحكم من شهران فرحل لأبيه ابن سرار 00
وكان ابوه قد كبر عمره وشعر بالوهن والضعف 00
وقد اخذ القوم ابل جاره وهو لا يستطيع الدفاع عنها او ردها ؟
فأخذ يندب ابنه عمر للعوده ليعيد ابل جاره التي أخذها القوم..
وهذه القصيدة بدأت بالبيت المشهور الذي انتشر وتناقله الجميع
وبقي محفوظاً في ذاكرة التاريخ باسم هذا الفارس..
وإليكم ما قاله ابن سرار :
[poem=font="Simplified Arabic,5,orange,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
ان عشت ياراسي كسيتك عمامه=وان مت ياراسي فدتك العمايم
ياراس شيبك ما بدا بك مذله=والشيب تكرم به كبار اللمايم
الاجواد يكرم شيبها في مشيبه=ان قالت القالة محوص الصرايم
ياما نطحنا في الصبا من قبيله=يوم الصبا والكيف للرمح رايم
وياما خذينا تونا من كسابه=بسيوفنا راحت تقسم غنايم
وياما نسفناهم على جال وادي=وياما نحونا فوق سود الشكايم
اربعمائة خيال جونا مسيره=جونا يبون الغرس حلو الطعايم
وقالو يسار الغرس والايمينه=امس لكم واليوم جاء فيه سايم
وقلنا لهم من دونه الموت حامي=اليوم نهدي الروح نخشى اللوايم
وثنيتها لعيون غرس بكاير=يثمر بهيبتنا غصونه نعايم
واخذت اطاردهم وانا فوق قباء=مثل الهدود اللي عن العشب صايم
تلحق ليا غارت ولا يلحق بها=شقراء ولا ضريتها للهزايم
من يوم بان الفجر لين اعتلا الضحى=وحنا نقلط للمسير عزايم
والله عطانا منصب الحظ والظفر=يوم التقت بين القروم الولايم
يوم اسلموا للمنع واسندت عنهم=لياهم كما عشب لفح به سمايم
هذا اسير وهذاك يومه دنا به=وهذاك مكسور وهذاك شايم
هذا زمان فات ما ينفع المنا=يوم اذكر الماضي تزيد العظايم
الراس شاب وثالثة رجلي العصاه=الله يوقض قلب من كان نايم
انا ابن سرار علومي قديمه=محي عسرها طيب الليالي القدايم
وانا في رجاء عمر وعمر وراء الشفاء=عساه اليا جانا ترد اللزايم
لعل قبل الموت نسمع بشيره=بجاه من يحي العظام الرمايم
لو ان غالي حبنا في بلادنا=غنيمه تحضى الغنا والغنايم
لكن غالي حبنا في لداده=سحيمة قشراء وجات ابهايم
لولا لحاهم قلت ذولا من النساء=عيون الحبارى شافت الصقر حايم
وصلاة ربي عد ما ذعذع الهواء=على النبي واصحابه اهل الكرايم [/poem]
وعندما وصلت القصيده الى ابنه عمرارسل له بالرد التالي :
[poem=font="Simplified Arabic,5,coral,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
ياشيخ تعذر غايبك مثل ما غاب=والذنب ذنبك يوم تطلق ازمامه
ان كاني من نسكم يوم غلاب=بنيت بيتك في طويل العدامه
والصيت يرجع لك ولك فيه مظراب=صيت ابن سرار حسب ما يرامه
والله ان يمر القوم ما مر الاحزاب=لو صار من بين الفريق انقسامه
والبل ترجع لك على عد واحساب=ابل القصير اللي عزيز مقامه
بيوم به الغران ياتون شياب=الا انهم يبغون درب السلامه
حلفت دين فيه مانيب كذاب=يا جارك الا يهتني في منامه
والبل وصرتها مع العقل تنجاب=اوكد من اللي قايم في صيامه
وانا لحوض الموت وارد وشراب=لعيون من وصى بقصة ابهامه
وترى الوعد ما بيننا ثجر واغراب=كل على الموعد يشاور عمامه
وانا شويري سيف هند له انصاب=ورمح مزهينه بريش النعامه [/poem]
وبعد وصول عمر عند والده رد الذم على عادته القديمه واسترجع الزعامه
مثلما كان سابقا ورد ابل جار والده 00
اتمنى ان ينال منقولنا اعجابكم:)
تحياتي:)
