هي فعلا كانت رساله ...او مسوّده لرساله
وجدتها على مكتبتي الخاصه
كانت مني الى شخص تقاسمت واياه صولات المراهقه وجولاتها
فكان نعم الاخ ...والصديق
شخص اعتز بصداقته...الشاعر القدير محمد الوبير
هي بينكم
[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=2 line=1 align=center use=ex num="0,black"]
بسم اللذي باقي على العرش رحمـن = نبدا الرساله شوق والعين هلّه
ياللي نويت ديار نقذه وفيحان = وصل سلام يم ناس تدّله
بلغ سلامي عدّ مارف جنحان= طير صدوق الود هده وبلّه
للذرب ابن مياح وان كان زعلان = ينسى الزعل كله وينسى محلّه
ياعزوتي محمد ياعزّ من كان= ياصاحبي مايغفر الوقت زلّه
ماني على جمع الدنانير شرهان = اللي سعى للمال ماله يذلّه
ولاني على كسب العذاريب شفقان = الى انكشف بانسان عذروب قلّه
فراقكم والموت ياخوك سيان = ومقداركم بالقلب محفوظ والله
ياللي سقيت من الوفا كل عطشان = انخاك تكفى لاتطيع المغلّه
مكتوب مني جاك مافيه نقصان = كنه قصيد وفيه لغز وحله
الله من همّ علي حط الاركان = يضفي علي مع كود الايام علّه
هم بنيته في يديني من انسان = ينهى عن المنقود دقه وجلّه
همّ يباريني على كل الالوان = يدخل علي بالحيف واقول لله
بالعين شوك وبالمعاليق بركان = والقلب يكوى كي حمر الاخلّه
ما بالحساء من بعد الانجاس شتان = ومابين من له بالمعاليق طلّه
الاوله نقفي ونسلى بنسيان = منهو يتاجر في خفيات خلّه
وبالثانيه ماهان لا واللذي كان = من هو ليادارت علينا ندلّه
الطيب لو يخفى على الناس من لان = تفارقت فيه المداخيل كله
من يزبنه يلقى مع الصيت عرفان = ومن يتركه تنزل عليه المخلّه
اتبع كلام عبيد لاصرت بحلان = الناس ماتسقيك من غير ذلّه
واحذر رفيق السو بياع الايمان = راع الدنايا جاحد كل ملّه
ياما نحى عني ربوع لهم شان = وكلن غدى يمي بسيفه يسلّه
واخذ الحذر من مضحك الناب يفلان = في ساعه يندى عن القرم ظلّه
وقت الرخى يبنيلك قصور مرجان= تصبح عزيز وكل عقد تحلّه
ولامنها تعكرت عقب صفوان = دنياك باعك واشترى فيك شلّه
واللي سعى للبين وفراق خلان = سيورها دنيا تجي وتحفر له
دنيا غريره كل يوم لها دان = وقت تعل الحال وعقب تفلّه
في ضحكها تلعب على كل الالحان = ولاكشرت اقصى عزومك تتلّه
يالله انا راجيك ياوال الاحسان = تقضي بتقريب اللذي مانمله
وياليل دامك للتعاليل ولهان = وصل سلامي يم ناس تدلّه[/poem]
حررت بتاريخ
19/12/1420هـ
عذرا للاطاله
تحياتي
