[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
ياللي نزعت الهم منّي فديتك=اترجم ابيات الغزل من شتاتي
زرعتك اول 00يشهد الله رجيتك=يابذرةٍ ماله شبيه بنباتي
من دم قلبي والمدامع سقيتك=اصفى واعذب من مياه الفراتي
اليوم انا من حمد ربي جنيتك=احساسك اصبح ذايبٍ في شفاتي
كني على شاطي بعيدٍ خذيتك=انتي من الطين الطبيعي فِتاتي
بايدي الشمال وفي يميني بنيتك=حلفت اكمّل لو بعظمة رفاتي
شيّدت بيتٍ عاليٍ زي صيتك = هو مطلبي هو غايتي وامنياتي
صفاتي اللي دخلتني لبيتك= الواجب اني مااغيّر صفاتي
انشهد اني بالمشاعر مليتك= باقي معك حتى تجيني وفاتي
يابعد حيي بعد حيك وميتك= يابعد عمري ياعنود الفلاتي
اقولها اقسم بأني هويتك= مليتي عيني عن جميع البناتي
كلمت قلبي لو بساعه نسيتك= وش ردّة الفعل اللي تصير بحياتي
جاوبني قلبي قال: والله جفيتك= يومك تفكّر لحظةٍ في شقاتي
هذي علومي يالحبيبه عطيتك= يبقى غلاك اكبر كيانٍ بذاتي[/poem]
