اخواني اعضاء ومشرفي منتديات مضايف شمّر..
السلام عليكم ورحمة الله وبركاته..
بكل صراحه لم اعود لكي اريكم ابداعاتي بل اتيت لكي اقول لكم ..
............... كل عام وانتم بخير ..
ويأسفني ان ارحل بدون ان اريكم آخر ابداعاتي وبهذا اترككم مع هذه القصيده
بما تحمل واتمنى لكم وقت ً ممتع .
.
.
[poem=font="Simplified Arabic,4,black,bold,normal" bkcolor="transparent" bkimage="backgrounds/17.gif" border="none,medium,gray" type=1 line=0 align=center use=ex num="0,black"]
قبل المفارق والندم والحزن ودموع الوداع=ياللي عزمتي للسفر بالله وينك ناويه
مالك وطن غيري وانا خايف عليك من الضياع=خايف عليك من الليالي والسباع العاويه
يابنت وشلك بالسفر ما للسفر يابنت داع=خابرك بكره لو سرحتي مارجعتي ضاويه
بكتب نصيحه لك واعبّر لك بقدر المستطاع=عن رحلة ٍ تجهل خوافيها العقول الغاويه
قدام تبدين الهجوم ابدي بتوزيع الدفاع=الهجمه المرتدّه أتجيب الهدف فالزاويه
ياللي على متن السفينه لاحبال ولا شراع=لاتبتدين برحلة ٍ منتي عليها قاويه
هذا الطريق اللي يوديك الندم والانقطاع=والناس مابقلوبها رحمه ولابه ماويه
والله ماتلقين غيري من يقول أمرك مطاع=لاتحسبين أن البشر بقلوبها متساويه
أقلّها ماجايك الآ من يزيد الصاع صاع=حتى يوديك الهوى من هاويه في هاويه
مانيب أذمّك خابرك منتي من أصحاب المتاع=منتي مثل بعض البنات أمصاحبه ومخاويه
لكن نصحتك من غرام ٍ شب من سن الرضاع=لاتجرحيني جرح ماتلقى دواه أمداويه
مانعرف الظالم من المظلوم وأصحاب الخداع=لكنّ بكره تكشفه نار الحساب الشاويه
وأن كان ضاع الحق عندك وأكتفيتي بالوداع=حقي حفظته عند خلاّق النجوم الضاويه
وآخر كلامي عقب وصيتك وخف الاندفاع=قصيدتي هذي هديه وأفهمي يا غاويه
اخر هديه والهديه لاتسام ولا تباع=والشعر ملّكي والروايه من نصيب الراويه[/poem]
تقبلو تحياتي
