بسم الله الرحمن الرحيم
السلام عليكم ورحمه الله وبركاته
من العايدين ياهل الفله (بدرى يالاخو )
:7ayyoh:
سنيتن من السنين وحنا جذعان الله لايعيده (وشنوحك ووشو اللى جارين لك ):p:
كنت فتن غض (ليه الاخو غصن ):d:
وكان عندنا بالحاره جيران جدد ساكنين مالهم كم يوم وكانت عندهم بنتن تهبل مزيونه (سبب كسافتى ):luvlove:
المهم عشقته وكنت ادور اى عذر علشان امر من جنب بيتهم :thumb:
على قولت شاعرنا الاصيل (احبهم واحب تسلبن ينبح حولهم ):131r:
ومرتن من المرات برمضان تخبرون الشيبان (يعشون لامواتهم )
المهم اعطونى هلى( جنب) علشان اوديه يم جدتى الله يرحمه ويسكنه الجنه (كانت ساكنه عند عمن لى بطرف الحاره )
واثناء مسيرى يم بيت جدتى مريت من جنب بيت (الحبيبه ) ياهذى الحبيبه واقفتن عند الباب نخاريره تدرج
(انا شفته نسيت الجده ونسيت الربع كلهم وقام قلبى يدق بسرعه )
ولاشعوريا وقفت بجنبه واعطيته اللحمه (افا قليل خاتمه )
وقلت له هذى طعمتن من عندنا وديه يم اهلتس (اجل تبى توديه الجيران ):hala1:
ورجعت اكمل مسيرى لبيت جدتى وعلمته ان عندنا عشاء بالبيت (ترونى تسميت سالفتى ماعلمته بس قلت له اعطونى هلى قطعه لحم وطاحت وجدعته )
ماردت على الا بقولت ياعله من فدياك يالمغترب (هالحين تشققت من الوناسه ):055r:
وكملت مسيرى انا وجدتى للبيت (ماخليت له مجال بس اسولف عليه ابنسيه كل هاللى جرى )
وصلنا البيت ودخلت جدتى للبيت وهى تقوم توزع اللحم وتقسم (ماحد نشدن عن اللى صار ) واخوكم متشقق من الوناسه (اكيد الحبيبه زاد غلاى عنده ):)
وشوى الا طق الباب واقوم افتح يامار تدرون منهى (ام الحبيبه ) والله انوه تقل طش (الا على طارى الطش ماجاكم مطر حنا ممحلين الله يرزق البلاد والعباد )
على تسبدى مطر ومستأنس وهى تدخل داخل البيت وتسلم على هالعجز (تخبرون هالعجز مشتطات اللى تشلوط واللى توزع واللى ترسل ) هالحين بس اراعى له واتبسم مضمون زاد غلاك يالمغترب :d:
ويوم بغيت انفذ من البيت وهى تنطق الله يجعل اللى خلقه يسد افمه (الله يجزاه بالخير هذا الولد جاب لنا لحمه )
وانا من بعيد اشر له تكفين لالا لا تنطقين (لكن اللى مايعلموه الله ماتعلموه الناس ):bluboomte
وحانت لحظه الهروب ماسمعتوا قول شاعر الفله المبجل ابو ثوب (رجلك اليا ضاقت لياليك سجها )
اهرب ياناجى ولحوش الرجال تقل طلق (مهو الرجعان ):)
وهناك تمت المحاصره وهى تمسكن امى وتنجخ براسى الجدار ولا فكن الا جيت جدتى وهى تحطن بوجهه (ياعلوه لبارد الجنه هى وامواتنا واموات المسلمين ) اللهم امين
وترونى ماتبت الحب يغربل بوه اخون له (وجههوه تقل كرنوف دعمى ماتسقيه من فضلت التسلب ) بس الشكوى للى ماتنام عينوه على قولت السوريين يضرب الحب شو بيزل :)
صادقته لانوه اخو العشيقه ومغير انقله معى من مكان لمكان ومعى بالحاره ماحد يتعرضه (يامسكت انته )
واثناء الاختبارات نطلع بدرى وحنا تنمشى طقت عند النسيب انوه يشيش (يشرب البربوره )
انا ذليت ان احد يشوفنا وهمن يبلس علينا لكن (لجل عين يستاهل ابو الكرانيف ):d:
وحنا ننصلق يم مرسى (هذا مصرين عندوه قهوه بالمحطه اللى على مدخل الديره )
يتجمعون عندوه هل التريلات (امثال خالى مناكد ):p:
وواحد حجر يامرسى ولاتنسانا من مرندا الفراوله (يابتاع الفراوله ):luvlove:
والله ياسمعنا كلام ماينذكر يالربع (من مناكد واعوانوه هل التريلات اللى يقول شف هالهدايف واللى يقول وين اهلهم عنهم ماربوهم وهم صادزين )
ولاامدى ابو المراسى يجيب الحجر ومثلكم مايجهل هالامور تبى له حول الساعه ياما يمديك تشفطه ويولع الراس (مساكين يومنا كلوه عندك عندك )
مادرينا الابدخلت ابوى علينا بالقهوه (الله يحلوه ويجعل عظاموه بالجنه اللهم امين )
والدخله الغبراء (انا صابتن ام الركب ولاقدرت اتحرك من مكانى من الخرعه )
وعلى طول يدعى يامرسى وهو يجيك مرسى( تقل وجه حصنى عطشان ) :p:
وتخبرون الصعايده يلبسون لهم ثيابن تحتهن لهن جبه (وا جبتك الغبراء ):(
ويجروه الشايب مع صدروه 000وشلون تعطى هالوغدان شيشه انت ماتستحى حوجك والله من كصم هالشيشه على راسك والا تدرى وهو يسحب جبيبتوه ويجدع الراس (راس الشيشه ) :g: بصدروه ويغدى لمصرينا جعير (اما انا يامحاتسيكم لو تذبحن ماتلقى بى قطره دم الموت زويان انا وش يبى يعمل بى )
وانطق يم الباب ويحلف على الشايب انى ماتحرك من مكانى (الحمدلله رب العالمين اذا حلف على الشايب ماقدر افجروه من فضل ربى )
ويركبن معوه وطول الطريق فضحتن يابناخى الرجال (الله يرحمك يابو مغترب اجل بناخى خروف )ياحبى لخفت دمى :good1:
وانا معوه بالسياره ودى انشدوه من اللى بلس علينا (انت فين والبلوس فين )
وفى اثناء المسير الى البيت وخف من اثناء هذى 00بوه لوه مراغه حمير وهناك حصلت مردغت المغترب اللى بعده حرم دخول القهاوى
يالربع تدرون ان المصرى ترك القهوه ماطبه من هكاليوم والى هاليوم
اخوكم الصغير
