صارت علاقتنـــا سكـــوون !!
أحبك..
أحبك..
أحبك..
قالها مليون..
وأنا أدور كلمه لك.. أبد ما قالها إنسان..
{حبيبي وعمري وحياتي} لا يكفون ولا يوفون..
كلمتين ..تنقال في آب وتتنسى بنيسان !!
{أغليك}. قالوها الكثير.. أقولها انا وشلون ؟!!
{ وأعزك } والله أعزك جات بألف ألف لسان !!
ابحث في قواميس العرب بجنون.. ’’ كما المجنون ’’..
وارحل في كلماتي ’’مثل رحلة طفل ولهــــــــــــــــان ’’
أبحكي كلمه تهزك.. تنزل دمعتك بدخون..
أهزك وألهب شعورك واجعل هالجليد بركان..
أبرويك من كلام الحب ’’ما قاله أحد بالكون ’’
أنسيك طاري الفرقا وطاري الصمت والهجران ..
اذكر يوم ما قالت عيونك {كلمتين يكفون..}
{تعالي وقوليها.. بس بإحساس وحنان..}
قلت في نفسي ’’كفاية.. ما دريت انت من تكون ؟؟ ’’
ما دريت إن الكلام ماهو بس حركة لسان ؟!!
الكلام والحروف يا بعدهم يقصرون !!
قدرك بدنياي والله.. ما يحتمله أبد إنسان..
تحتمل فيني السكوت وتحتمل فيني الطعون..
وتنقش اسمي بكل جدار بكل مكان..
ولو لمحت عيوني بالدم يدمعون..
تمسح الدمعة بكفك وتاخذ الدمعه احتضان..
وانا..
انا اجرحك واقهر شعورك ..’’و اعكس شعوري بفنون ’’
واقنعك انك غريب واني معك مالي امان..
واقنعك إني كرهتك واجبرك فيني تخون..
ولو طريت سيرة فراق أقول ’’ ما آن الأوان ؟!! ’’
أحاول اهرب من حياتك.. ’’ صارت علاقتنا سكوون ’’
أبهرب من هذا الزمان إلى غييير هذا الزمان..
ولا جيت ناوي الفرقا ..
ولا اقوى على الفرقـــــــــــــا ,,
أحس الدمعه بعيونك.. تخترق فيني الحصون..
وتقتل الحراس فيني .. وتعتليني كالسلطان..
اثبت إني أنا بدونك.. بلا هوية ..يعني {بدون}..
واثبت انك كالشلل ..كالمرض فيني يبان..
ادري إن الوقت حان.. أقول احبــــك وبجنون..
وأكيده ان الوعد حان..خلاص أكيد الوعد حان..
لكن.. ’’أحبك’’ ..قالها مليون.. مليـــــــــوون !!
وأنا أدور كلمه لك ..أبد ما قالها إنسان !!!!
وسلامتكم !!
حروفي.. هكذا جاءت ..
تقبلوها ..
