طبيعي الواحد لصار راعي محل يبدأ يتفلسف وياخذ راحته بشكل افضل من المسير والخاطر.. لان المسير والخاطر بحكم راع المحل يتحكم بهم ويقومهم ويقعدهم وياكلهم ويقهويهم على كيفه متى مايبي...
حتى لو صار راع المحل طيب وحبيب بس لازم تلقى عوينات الخاطر تقل عوينات علي عبدالله صالح وبرويز مشرف اذا خطرونا ......
مادري وش طراه علي هالسالفة ... المراد فيدة على ماقيل .. رجل الديتس تجر الديتس ..... يقولون والعهده على الرواة انه يبي يصدر نظام اغلاق جميع المحلات والاسواق المقاهي الساعة 10 مساء... ماعدا بعض الصيدليات وبنده والعثيم وطقته...
وش يبي يصير ؟؟؟؟ اللي يبي يصير ياخلف جدي ان الناس راح تحتقن .. لاننا شعب تعودنا على السفنجه الليليه والمذرحه... ويبي له شيء يفش خلقه... طبعا مهي نيمة الناس من عشاه .... يبون لهم شيء يسهرهم وهم ببيوتهم ؟؟ مايبي له اكيد عرفتوه .. المنتديات.. المنتديات .. المنتديات ... راح يتضاعف عدد المستخدمين المئات...
خلوكم معاي شويتين خلونا نحسبه .. بالعربي وعلى بلاطه راح يكون الدخول للمنتديات بفلوس ... طبعا مضايف شمر ببلاش لان شمر ناس طيبين وكرماء.... هذي ضمناها .. الا اذا حطيتو لبنانييين ومصاريه مشرفين.. لا بلله نبي ندفع ... اتوقع رسم الدخول الشهري حول الخمسين ريال... وطبعا المنتدى راح يستقطب كتاب ويعطيهم فلوس عشان يحركون المواضيع ويرفعون ويرقصون بالزوار وصغار المشتركين....
وشف الفلوس كيف تكب على المنتديات وعلى الاعضاء المميزين تلقى الشبث مثل حمتو.. قصور وخدم وحشم وطيارات خاصة ومراكب وقمر صناعي واربعة طبيعي.....
وانا اهيب بإدارة المنتدى انه تصك الشبث والقطراوي من الان بعقد احتكاري لمدة عشر سنوات ...
الموضوع تروه سري لا تسربونه للمواقع الاخرى... افطنوا للقطراوي تروه منيخل .
بس خلاص....
