السلام عليكم
***********************
محطات رمضانية
المحطة الأولى :
قظت صلاة القيام الساعة 4 تقريباً ،، وأذان الفجر الساعه 4 و نص ..
رجعت للبيت .. لقيتهم حاطين السحور .. باسم الله .. وأنا أحط يدي ..
السحور : لحم على مرق تاكل أصابع الشبث وراو :d:
رز .. بطاط .. يعني سحور دسم جداً ..
أثناء السحور .. تذكرت إن لي موضوع بمضيف الشكاوي
( الله يحمانا ويحماكم من هكا المضيف ):a: بعنوان : الرسايل الخاصه
يادوبك لحست يدي .. يمار بريق الشاي جاهز ..
كاستين من الشاي ينعنش الدماغ .
على طوووول على الكمبيوتر ... فتحت النت .. دخلت ،،
لقيت تعليق المشرف العام ... وياله من تعليق ..:(
ارتفعت درجة الحراره عندي ..
ونا لك أقتبس كلاموه أبي أرد عليه ...
في هذا الأثناء ... دقت ساعتي اليدويه معلنتننننن موعد أذان الفجر
وأنا أفز من كرسيي .. ركضضضضض أبي البراااااد
أبي أجغم جغمه قبل لايأذن أبومحمود ( مؤذن مسجدنا )
يابعد براااد الما ....
على ما مسكت الحنفيه .. ونا أسمع اللي يقول :
الله أكبر الله أكبر !!!!!!!!!!
آآآآآآآآآآآآآآآآآآآآآآآآآآآآآآآآآآآآآه ... والله إني عطشاااان بسبب السحور الدسم.
رحت للمسجد .. صليت الفجر .. رجعت للبيت .. دخلت .. مريت من عند
البراد .. ولسان حال البراد يقول : تسان بك خير .. إشرب :7ayyoh:
ما أقول ألا .. الله يجازي اللي كان السبب .... خير الجزاء.
**************************
المحطه الثانيه :
انعزمت على مطعم ( مقل محل ) مطعم هندي .. لكنوه راقي وغالي جداً ..
يعني الوجبه بالشيء الفلاني .:thumb:
حنا ثلاثه ..
وصلنا ..
طلبنا ..
المطعم عندوه أنواع السلطات ..
خوياي طلبو شوربه باللحم .. ونا طلبت سلطه عاديه
من قرادتي إن صلطتي وصلت قبلهم ..
طبعاً .. من الإيتيكيك أو الإيتيكيت إني أعزمهم على سلطتي ريثما تجي
شوربتهم.. ( افطنو لـ .. ريثما ):d:
تفضلو ياعيال .. قالو باسم الله .. وبالملاعق ...
خلال دقيقه وربع .. صار الصحن أبيض .!!!:good1:
بعد ثلاث دقايق وصلت شوربتهم ..
المذهوبين ،، ما أحد قال تفضل يابوثوب !!!!
وهم يرشفون بهالشوربه ،، وأنا أفر بإذاني !!!:p:
لقيت دزدامي صحن بصل منازينوه ..
قلت : كلن ياكل من زهابوه !!!!!!!!!!!:thumb:
************************
المحطه الثالثه :
قبل تسم ليله .. دخلت البيت ..
قالو أهلي : تبي عشا ؟؟
قلت عطوني .
قالو ... نسوي لك بيض عيون ( أتسلتي المفضله ):thumb:
دقايق وهم يجيبون الصحن بوه خمس بيضات
وأهم شيء إن تكون البيضات رخوه يعني مهن مستويات بالحيل
لقيت بناتي الإثنتين ( الله يخليهن لأبوهن ):7ayyoh:
قلت تعالن كولن معي ..
وحده منهن مدت يده على البيضه الرخوه اللي دزدامي
قالت الأخرى .. يافلانه .. هذي بيضة أبوي !!!!:a: :a:
قلت : شلووون ؟؟:d:
قالت : يبه هذي بيضتك .. صح ؟؟:p:
قلت : يايبه .. بكيفتس !!!
الشكوى لله .. آخر حياتي صرت أبيض مثل الدجاجه !!!!!!!!!:hala1:
ياشماتت الأعداء فيك يابوثوب .:g:
********************************
المحطه الرابعه :
اتصل الولد على رفيدزوه ..
دررن دررن دررن ..
يمار الشايب عند التلفون ،، وهو يخمشوه ..
ألو
قال المتصل : ألو
الشايب : نعم .
المتصل : من معي ؟؟
الشايب : وش يدريني من معك يا ... ( نقط نقط ):d: :good1: .
******************************
المحطه الأخيره :
قظت الدراسه ..
راح الأبو مع ولدوه للمدرسه يبون الشهاده ..
حوّل الليد على المدرسه .. وجلس أبوه بالسياره
يوم دخل على المدرس .. قال : ياأستاذ : متى الشهايد ؟
قال : تعال غداً ...
رجع الليد لأبوه .. قال : يبه ،، يقول المدرس غداً !!
قال الأبو .. يادافع البلا .. مدرسه تسبيره عريضه
والشهايد يغدن ..:a:
وين غدن .. ليه ؟؟ وين الحارس؟؟:good1:
ليه ماحطو الشهايد بالكبت من شان مايغدن !!!!!:tongue:
مع اعتذاري الشديد الإطاله ..
بمان الله ..
بمان الكريم:good1:
