جابوه بالطاري وأنا مانســـيته !!
لهذه القصيده ساحل يمتد من الجرح الى الجرح .. فلا تسألوني بماذا كنت أجدف !!
.
.
لطاريك .. كانت القصيده ..
.
.
[poem=font="Simplified Arabic,5,white,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
جابوه بالطاري وانا مانسيته = واطرقت راسي عنهم قبل لا أقوم
واقفيت.. لو دمعي كشف ماكميته = واللي فقد مثله فلا هوب مليوم
ياليتهم لاجابوا اسمه وصيته = مايسمعوني قولة فلان مرحوم
لا والذي طهر من الشرك بيته = الموت ماغيّب عزيزين وقروم
حيين بالسمعة والأجساد ميته = باقين بالصورة لو الصوت معدوم
مرت سنه ياناس ولاسليته = كن الخبر ماهو من العام .. اليوم
مهما كتبت بغيبته مارثيته = ومالي سوى قولة مقدر ومقسوم
ياناس .. وش عذري اذا مابكيته = حرٍ شلع من بيننا وأبعد الحوم
لايابعد حي القصايد وميته = وحي اليتيم اللي من العطف محروم
كنه قصد نفسه بمعناة بيته = (ياموت كنك ماخذ بروحته قوم )
عساك ياللي بالجزاير خذيته = تسقيه في عدنك رحيق ومختوم
كتبت شعري احسب اني رثيته = لا شك يلحقني على شعري اللوم
عقب القصيد اللي زهمني وجيته = لقيت لي بيت ورى الحلق مكتوم
ياليتني قبل الخبر كنت ميته = ولا سمعت اللي سمعته هكاليوم [/poem]
.
.
رحمك الله .. وأسكنك فسيح جناتك ..
.
.
أطــــــــلال
