هات القدوع ........

الشاعر الكبير متعب السعيد له قصيدة جميلة الي بين ايدينكم حببت ان انقلها لكم
وعسي تعجبكم .. ولكن احب اعطيكم نبذه بسيطة عن هذا الشاعر ....

الشاعر متعب بن عثمان ال سعيد ال مشرف الوهبي التميمي اخو الشاعر الكبير

والشهير والنائب السابق بمجلس الامة الكويتي / عثمان السعيد التميمي والشاعر

متعب مختار بمنطقة الجهراء وال السعيد عائلة تقطن بمنطقة الجهراء اشهر من النار

علي العلم .... واليكم هذه القصيدة .. هات القدوع ...


ذب الهموم وضيقة الصدر ذبه


ولاتلتفت لمروجين الكلامي


وهات القدوع وصافي البن صبه


يجلي هموم القلب عقب الصيامي


يا قلب ياللي كل ما جاه خبه


العمر قفي منه خمسين عامي


من كب عرفك دون تفكير كبه


يرضيه بالدنيا طويل الخصامي


المقفي اترك سيرته لا تنبه


من خان شرع الله يخون النظامي


درب الخطي ما الله محدك تطبه


هذا الحلال وذاك درب الحرامي


العبد ما يشكي علي غير ربه


هو منتهي الشكوي وغاية مرامي


العود ما دامت تشيله اركبه


ما هو بحال مدورين الاثامي


شيء اليا عالجت به فاد طبه


وشيء لجي بين اللحم والعظامي


ما تنطفي دعواه ما دام شبه


واخاف ندخل في بحور الظلامي


ما عدا ينفع فيه شدة وظبه


يا رمية جتني علي غير رامي


ياهيه ياللي رحت من غير سبه


ابي السلام ولا يرد السلامي


حسبي علي الهجران يا كود طبه


يجعلك بالدنيا كثير الهيامي


لا جاك من شخص عزيز تحبه


متبادلين من اول الاحترامي


قالوا لي سبه قلت والله ماسبه


بيني وبينه واحد ما ينامي


لا بد يذكر لا وقع له بغبه


يا ما علي شانه ربطت الحزامي


والحمدلله حالتي مستتبه


رزقي علي منشي حقوق الغمامي

قصيده جزله

سلمت ؟أناملك على النقل

[align=center]الله يعطيكـ العافـــيه على النقلــ المٌوفق...
قصيـــدة طيبه الله لايهينكــ
وصح لسان شاعرهـــا..

ღ
ღ
ღ
تحياتي
عشـق القصـيد[/align]

[align=left][align=right][align=center]
صمت الليالي ....

الشكر والتقدير للمرور الطيب .... تمنياتي لك بالتوفيق ....[/align][/align][/align]

[align=left][align=right][align=center]
العزيزة / سيدة القلم ....

اسعدني مرورك الطيب ... متمنية لك التوفيق ... لاهنت ...[/align][/align][/align]