طفولتي والخباري ( الاخيره)
ياهنوووووووووووووووه وين وصلنا بقصتي ترو ذاكرتي مامن صمايل :150r:
اشوا يوم خبطت راسي بالجدار تذكرت الحين ،،، :)
الوكاد ويوم جا من باتسر وانا اجمعهم على الددتسن وارتسبهم بالحوض ،،
( ادري تقولون هذا يوم انه وغد تسيف يسوق السياره )
لاتخافون علي انا ذيب حاطن لي مخدتين ودوشق وفروه وقوطي حليب دانو على المرتبه
(الكشن) وجالسن عليهن وحاطن واحد من الوغدان اللي يعتمد عليهم عند الدواسات يدعس
على البنزين والكلتش ،، :thumb:
المهم وصلنا للخبره المعنيه آنفة الذكر ( قريت هالجمله بكتاب كيف وهل كيف وماعاد بوه
كيف) :449r:
وانا انزلهم واثاري بوه واحد من الوغدان دب وشحوموه تخضخض كل مامشى ( جديد على الشله
السابقه ) لابسن ملابسه وانا اكمخه هاك البقس اللي من قوتوه غدت شحومه تخضخض اسبوع
دزدام ،، :201r:
مالكم بالطويله ،،
ردينا للبيت لان النهار راح علينا وحنا نجدع هدوم شحيمان ،،،
ويوم جا من باتسر وانا ارتسب الددتسن ومارتسب معي الا فيد الدواسات انتم خابرينه ، :008b:
والباقي قلت لهم يالله دزامي على رجليكم وان سبقتكم والله الا تشوفون شي ماشفتوه
بعمركم ( طبعا انا هني قصدي الدش اللي هو الستلايت ) ،، :wink_2:
وقصدي من هالاسلوب الترهيبي اني ازرع في قلوبهم الحماسه ورباطة الجأش ،، :rolleyes:
يوم اني وصلت هناك والا بوه هاك المعصقل اللي ماودك انوه يطلع لك بالليل من حدا الجروف والله
الا ينزلق عقلك من الخرعه ،، :135r:
قلت من انت وشجابك بهذا ،،، قال لي انا مع الوغدان اللي
مشوين وسبقتهم ،، ( اهب ياوجهوه طلع سبوق ) ،،
عاد انا أبت علي كرامتي الا أن اكمخه مثل شحيمان عشان مايسبقن مرتن اخرى ،،
وانا اطلع القناه وانا ارصه مع هامته الا غادين دمانه يرشح ،، :147r:
يوم جو الوغدان وهم يقولون لي هذا ولد امير القريه وشعملت بوه ،،
وانا ازقحه على كتفي واوديه يم الطبيب اللي بالقريه الثانيه ( حيث انه لا يوجد لدينا طبيب
بقريتنا ) الوكاد وهو يروح علينا النهار وحنا ماسبحنا ولاتعلمنا السباحه ،،،
ومرت علينا الايام والاسابيع لين جفت الخباري وماتت الدغاليب وحنا ماسبحنا ،،، :106r:
وهم يقعدون يتبتسبتسون الوغدان :106r: :408r: وهم ينهجون يم شيباننا ويعلمونهم بالسالفه كله من اول يوم الين فلقه ولد الامير ،،
وهم يطرحونن ويدبونن دب حتى عدوك ماودك يندب كل هالدب ،، :629r: :201r: :507r: :147r:
ومن يومها وانا محد يبينن ولا احد يمشي معي ،، :(
وهذا اللي حصل معي بالخباري وياليت فهمتوا العبره من هذي القصه ،،
ادري كلكم تقولون حسافه الفلوس اللي دفعناه على هالقصه المروحه بس ارجوا انكم استفدتوا
أن من سل سيف الظلم قتل به ،،، ( ياويل قلبي وش هالامثال المترونقه ترونقن شعشاعـًأ )
ملاحظه : الدغلوب اللي اعرفه مثل ماقالت اختي تعاليل هو ابو ذنيب وابو ذنيب هو حيوان وليس
حشره يشبه الضفدع الا ان له ذيل يشبه ذيل السمكه ،،
ودمتم،،،،،،،،،،،،،،،،،
