اصير انا واياك في الشيل والحط...كانك على خبري بفكرك نشاطا
[align=center]السلام عليكم ورحمة الله وبركاته
يعطيكم العافيه جميع..
والله ما دري يالربع طرحتها سابقا والا لا.
هذه شاعرة اسمها وضحى تركت الشعر فتره
ولكن ابن اخيها سعد كان يزورها واراد ان ترد عليه فقال :
انا عندي قصيده وان رديتي عليها ( لك حق) يعني هدية
فرأت انه لابد من كبح جماحه فأستجابت له فقال قصيدته
يريد ان يمتحنها لصعوبة القافيه :
امس القدم في مرقب اهل الشقا نط
==== ووسمت لك قاف على آط وآطا
من لايعرف الغوص يبعد عن الشط
==== خلي نغاص بغبته ونتبآطآ
اصير انا واياك في الشيل والحط
==== كانك على خبري بفكرك نشاطا
جفني ليا جا الليل بالنوم ما غط
==== وانتي جفونك كن فيها خياطا
وجدي وجود اسير قوم(ن)مربط
==== قامو يسوطونه بصلف السياطا
ان صاح!جلاّده بجلده تسلط
==== وان زاد تعذيبه يزيد العياطا
من قام مثلي عن مكانه وفرط
==== ما عاد بالرحمه لرجليه ماطا
واليا حكى ما عاد يمدي تورط
==== واليا سكت ما فاد كثر السباطا
من عجز لا يرقا الطويلة يقلط
==== من حولها من تحت يلقا البطاطا
شربت شي صاحبه ماتشرط
==== ولا عن المقسوم خذت احتياطا
وعندما انتهى ردت عليه
يادخيل قم دن حبر مع الخط
==== واكتب سلامي واحكمه باحتياطا
خبر ولد عمك وقل لا تورط
==== ماينفع الرجال كثر المطاطا
واليا وصلته قل عسى الوجه يلهط
==== لو عسر الطاروق نرقا اللطاطا
بيوتنا مثل المخابيط تنقط
==== من كوكب مثل البحر ما يهاطا
كان انت قوماني فانا اقول لك وط
==== والحقك لو دونك عسام وغطاطا
ما شيل فوق الراس لازم يبي حط
==== يقعد بوسط الحوش فوق البلاطا
تقول لي لكن جفنك مخيط
==== وان جيت اغمض كن فيهن حماطا
ما ينفعك زاد ليا ما تخرط
==== ويقطعك يا زاد بدون انخراطا
كان انت ترجي لك خماج ليا بط
==== عز الله انك مهـمل(ن)بانفراطا
الناس تجني من ثمرها وتحتط
==== تلقط مع التفاح خوخ وطماطا
وسلامتكم...منقول
تحيااتي للجميع..[/align]
