من شعررررر حمد المغيولي

السلام عليكم:)

هاذي قصيده للشاعر حمد المغيولي من اهالي عنيزه ( الله يررررحمه )

قصيده جميله ومعبره وفيها اروع الصور

بدى النقص في حالي بعد ما انشغل بالي *** رمتني عيوني بالغرابيل عزّالي

الا ياعيوني من جفا النوم والسهر *** هواها البكا ودموعها تهمل اهمالي

وقلبي يلوعه عاصف الحب والهوى *** لوع السموم في عشبه في شفا جالي

وروحي مطاولها مرضها وتجحده *** عن الناس مابي الناس يدرون عن حالي

اعزي هجوسي بين ربعي وقربتي *** وأنا خاطري كنّه على واهج الصالي

اسولف مع العالم وأخفّي مصيبتي *** وأدافع صروف الوقت والهم يبرالي

سبب واحد سمته وابي اشري معرفته *** لو الثمن غالي انا عشقي الغالي

اسومه بعيني وروحي ومهجتي *** وأزيد الثمن بالمال مع باقي الحالي

حبيب بعد ماسمت وصله وباعني*** تحسّف على وصله بالاول وبالتالي

يقربني و يبعدني ولا يقطع الرجا *** واذا جيت ابي اشرب صك في دلوي الجالي

انا وش حياتي ياحياتي على الوسم *** تشوف المرض وبحالة العزر ترضالي

حياتي وانا مقهور ياحالة الندم *** عسى الموت ياخذني ترى الموت اشوالي

الا ياهلي وان كان هارجني القدر *** عزاكم على الله ثم عزّوا بي عيالي

انا المبتلي في حب ملهوفت الحشا *** عسى الله على بلواي مايحبط اعمالي

الا واهني ياللي من الحب ماشكى *** يبات الليالي كلها خاطره سالي

الي جيت يمّه هدني ثم ردّني *** وأعوّد وانا مقهور شكواي للوالي

أنا اللي عيوني كل مايظلم الدجا *** أحسّب نجوم الليل من ضيقه البالي

اسهر الي نام المعافا وعلّتي *** لجيت في حنايا القلب والحب قتّالي

اجاذب ونيني لا تخاليت بالخلا *** وأطوّح ثلاث اصوات من صوتي العالي

الا يابعد من لي حبيب من الملا *** متى يانعيم العود تعطف على حالي

تحياتي:)

[align=left][align=right][align=center]

الاخ الفاضل / الصيرمي .....

تسلم يمناك علي هذه القصيده الرائعة واختيار موفق لاهنت علي النقل ...

وصح لسان الشاعر/ حمد المغيوني ... فعلا قصيدة معبرة ...[/align][/align][/align]

هههههههه

صرتي الليله شغلتي بس قاعد الحق وراكي وارد :)

الله يعطيكي العافيه وتراني امزح معاكي لا تكشي من كلامي:)

يسلم حضوررررررك

تحياتي:)

[align=center]

الصيرمي

الله يعطيك العافيه

قصيده رائعه

وتسلم يديواتك على النقل والله يرحم الشاعر

تحياتي

ذيب أجــــــــــا[/align]

[align=left][align=right][align=center] ياالصيرمي .....

ولو ليش اكش من كلامك ... انا قلتلك بان فاكهة المنتدي

بخفة دمك بس لا تزودها حبتين ...

لاهنت ...[/align][/align][/align]

[align=center]وعليكم السلام ورحمة الله وبركاته

قصيدة رائعة 00 تلامس الوجدان 00
وهذا الذوق في الاختيار اصبح يلازم حضورك
سلمت الانامل 00 وماقصرت
دمت بخير
اختك00 المهرة[/align]

بارك الله بالريم والريل بريييل حقها:)

خلاني اتذكر موضوعاتي اللي هنا ههههههههه

متأسفين يالاخوان كلكم على التاخر بالررررررررررررد

تحياتي:)

[align=center]نقلــ موفــق وجميلــ ..

لاهنت يالصيرمـــي..

وصح لسان الشاعر حمد المغيولــي

ღ
ღ
ღ
تحياتي
عشـق القصـيد[/align]

صحححححح بدنكي سيده القلم:)

تحياتي:)