الـفـيـة النـكـسـة سوق الاسهم
[align=center]وصلتني اليوم رساله على "الايميل"
فكّـرت اشارككم بها لأنها عجبتني واااجد
وقصائد عن الاسهم البورصه
لست تدري .. كيف ضاع العمر في طي الصعاب ..
لست تدري أن تلاشى الأمل الحلو ضباب ..
لست تدري حين وقعت على صك الأفاعي والذئاب ..
ودفعت المال مسرورا بلا أدنى اكتئاب ..
عرقا ينصب من كدح الليالي ..
وسجل العمر ..
من روح الشباب ..
ومنحت( الأسهم ) عشقا ..
وتفانِ .. وانجذاب ..
كلما يكتظ جيب بالنقود ..
أو يسوق الله رزقا .. أو يجود .
( لطشته ) الأسهم العطشى ..
وبات الأهل في هم كئود ..
إنها ( البورصة ) فخ ُ ..
في طريق المال ..
فاحذر صاحبي :
شر الحسود ..
الـفـيـة النـكـسـة[/align]
[poem=font="Simplified Arabic,4,white,normal,normal" bkcolor="transparent" bkimage="backgrounds/10.gif" border="none,4,gray" type=0 line=1 align=center use=ex num="0,black"]
ألـف أولــف وأول الـسـوق نسـبـه = نسبة تحـت مـا عـاد تحتـاج حسبـة
سـوق ضربنـا فـوق عشريـن ضربـة = والصبـر زيـن الا بسـهـم المـواشـي
والـبـاء بديـنـا وأشتريـنـا وبعـنـا = وياليتنـا فـي مــا كسبـنـا قنعـنـا
طـرنـا وعليـنـا ولـكـن وقـعـنـا = والصبـر زيـن الا بسـهـم المـواشـي
والـتـاء توقعـنـا تـزيـد المكـاسـب = وقلنـا نبـي نشـرب لذيـذ المـشـارب
لكـن طحنـا بيـن عـارض وطـالـب = والصبـر زيـن الا بسـهـم المـواشـي
والثـاء ثبـت عنـدي بعـلـم يقيـنـي = انـي خسـرت وراح مـا فـي يميـنـي
الله عـلـى تسـديـد ديـنـي يعيـنـي = والصبـر زيـن الا بسـهـم المـواشـي
والجـيـم جمعـنـا سـهـوم كثـيـرة = ولا دريـنـا أن الـدعـاوي خـطـيـرة
حتـى خسـرنـا والخـسـارة كبـيـرة = والصبـر زيـن الا بسـهـم المـواشـي
والحـاء حسافـة يـا جماعـة فلوسـي = حطيتهـا بأسهـم وكـسـرت قـوسـي
صحيـح هالدنيـا عطتـنـا الـدروسـي = والصبـر زيـن الا بسـهـم المـواشـي
والخاء خـلاص اقـول توبـه ولا أعـود = لو كنـت بالمكسـب موصـى وموعـود
وهـذا قـرار مـا علـي فيـه منـقـود = والصبـر زيـن الا بسـهـم المـواشـي
والـدال دجيـنـا بسـهـم المـواشـي = نشريـه غالـي ثــم بعـنـا بـلاشـي
هـذا جـزاه اللـي شـرا بالخشـاشـي = والصبـر زيـن الا بسـهـم المـواشـي
والـذال ذاك الـلـي تسـبـب عليـنـا = ويـلاه لــو انــه يطـيـح بيديـنـا
مـن دون ذبحـه كلنـا مــا رضيـنـا = والصبـر زيـن الا بسـهـم المـواشـي
والـراء رميـنـا رمـيـة دون رامــي = وصابـت وقلنـا حرفـنـة ياسـلامـي
السـوق طيـب ليـن جانـا الصرامـي = والصبـر زيـن الا بسـهـم المـواشـي
والـزاي زدنـا يـوم شفنـا المـرابـح = وقمنـا مـع العالـم نـزيـد المطـابـح
ويمكن علـى بعـض السهـوم انتذابـح = والصبـر زيـن الا بسـهـم المـواشـي
والسـيـن سويـنـا بـهـا فاهميـنـي =نشـري نقـول السـوق بكـره يزينـي
نبغـى المكاسـب وأثـرنـا خاسريـنـي = والصبـر زيـن الا بسـهـم المـواشـي
والشين شـاري يومـه السـوق غالـي = مـا همنـي لــو زاد فيـهـا ريـالـي
لا والله الا راح بــاقــي حــلالــي = والصبـر زيـن الا بسـهـم المـواشـي
والصـاد صـدق اللـي سهمـا مـنـول =حـول ميـه وسبعيـن واليـوم حــول
ينـزل الـى ستـيـن شــي يـهـول = والصبـر زيـن الا بسـهـم المـواشـي
والضـاد ضاربـنـا بسـهـم الفـنـادق = لكـن رمونـا مثـل رمــي الفـنـادق
حـتـى زبـنـا بالحـفـر والخـنـادق = والصبـر زيـن الا بسـهـم المـواشـي
والطـاء طمرنـا طـمـرة دون داعــي = نبغـى النسـب بالباحـه وبالجمـاعـي
واليـوم يكفيـنـا حلـيـب المـراعـي = والصبـر زيـن الا بسـهـم المـواشـي
والظاء ظلمنـي مـن نصحنـي بتعميـر = ويقولـي هـذا السهـم مكسبـه غـيـر
وانـا مطبـح فيـه مـن دون تفكـيـر = والصبـر زيـن الا بسـهـم المـواشـي
والعيـن عـيـوا يرفـعـون المـؤشـر = يمكـن سياسـة ســوق لازم يخـسـر
كـم واحـد مـن ذا المـؤشـر مـدمـر = والصبـر زيـن الا بسـهـم المـواشـي
والغـيـن غـيـر يالمحـافـظ وبــدل = موضوعنـا حلـه وبالـسـوق عــدل
نظامكـم مــا هــو كـتـاب مـنـزل =والصبـر زيـن الا بسـهـم المـواشـي
والفـاء فتيحـي مشتريـنـه بطمـعـه =لكـن جانـا مـنـه عشـريـن قمـعـه
مـا اظـن يستاهـل حسابـه وجمـعـه = والصبـر زيـن الا بسـهـم المـواشـي
والقـاف قالـوا بكـره السـوق يـرتـد = والوضـع اشوفـه كـل يــوم يتعـقـد
مقـرود يامـن طـاع شــور المـقـرد =والصبـر زيـن الا بسـهـم المـواشـي
والكـاف كافـي يـا وزيــر التـجـارة = خمسيـن بالمـيـه عليـنـا خـسـاره
ان كـان تفـهـم فــي فـنـون الاداره = والصبـر زيـن الا بسـهـم المـواشـي
واللام لبنـى يـوم أغـارات بـلا خيـل = خـذت بسطوتهـا سهـوم الرجاجـيـل
وخلـت مدامعـهـم تـبـل المنـاديـل = والصبـر زيـن الا بسـهـم المـواشـي
والميـم مـا تنفـع سـهـوم العـوايـد = خسرانـة ومـا عــاد فيـهـا فـوايـد
الفـايـده بالـكـاش لا صــار زايــد = والصبـر زيـن الا بسـهـم المـواشـي
والنـون نـادوا مـن يعـرف السلومـي = وقولـوا توجـه يـم شيـخ القـرومـي
يحلهـا لا صــار وقــت اللـزومـي = والصبـر زيـن الا بسـهـم المـواشـي
والهـاء هـروج كـل يــوم تـعـادي =كــل يـسـوي فـاهـم واقتـصـادي
ياطيبكـم عـنـد العـشـاء والمـنـادي = والصبـر زيـن الا بسـهـم المـواشـي
والـواو وهقـنـا المسـمـى ابراهـيـم =يقـول انـا بقلـب جمـيـع المفاهـيـم
ياعزتـيـلـه عـلـقـوه الشغـامـيـم = والصبـر زيـن الا بسـهـم المـواشـي
واليـاء ياربـي طالبـك ترحـم النـاس = وان تنتقـم يـارب مـن فعـل الأنجـاس
ولا باس ياللـي صابـه الهـم لا بـاس = والصبـر زيـن الا بسـهـم المـواشـي[/poem]
[poem=font="Simplified Arabic,4,crimson,normal,normal" bkcolor="transparent" bkimage="backgrounds/17.gif" border="none,4,gray" type=0 line=1 align=center use=ex num="0,black"]
شفته وحاله للأسف يرثى له = يصعب على الكافر قبل المسلم
صابه شلل في حسمه وأوصاله = أصبح طري ح الهم عاجز وأبكم
من يوم ضيّع ملكه وأمواله = في بورصة سوق الورق والأسهم
ياما نصحته ينتبه اشوي له = احرص صديقي قبل منته تندم
ماعاد يفكر في هله وعياله = همه يجمع أسهمه ويلملم
حتى دوامه من حسابه شاله= به الاستقالة من زمان مقدم
إعمار يتريق،، وشعاع فواله=تبريد يتعشى،، وبواحه يحلم
لابتوب يديد بيديه، وع الأذن جواله= ع الربح دايم يالعشر هو يبصم
متمركز موجود وسط الصالة= يجمع ويطرح حصته، ويقسم
إلين سوق المال حل زلزاله = وإن حل زلزاله، ترا ما يرحم
اتزعزعت واتحطمت آماله = ومستقبله في ثانية اتهدم
قطع ثيابه،، غترته عقاله =أصبح شرا المجنون يعلن ويشتم
(( لا مستحيل )) آخر ترا ما قله = وع الأرض طاح، في ثواني تصنّم
عقب ابتهاجه وضحكته وموّاله = ماعاد يتحرك ولا يتكلم
كنّي بقلبه صار يرثي حالــه =في داخله وسط الضلوع يتمتم
وش لك أبفهم في البحر وأهواله = و ع السيف رزق الله تراه مقسم[/poem]
[poem=font="Simplified Arabic,4,white,normal,normal" bkcolor="transparent" bkimage="backgrounds/15.gif" border="none,4,gray" type=1 line=1 align=center use=ex num="0,black"]
ياسلام الله على( مكه).. و(طيبه).. و(الجماعي)=
عد وبلٍ هلت مزونه وأنا عيني تخيله
مرحبا (بالكهرب) إللي فز من مرقده واعي=
شال حملٍ فوق حمله واضحت حموله ثقيله
وش نرقع في ( الغذائي) صارت شقوقه وساعي=
شف (لجين) اليوم شارد رافعٍ بيده شليله
ماذبحني ياجماعه غير( صدقٍ) و( الصناعي)=
...و(الزراعي) مانفعني صار طعمه حنضليله
و( المواشي) في الصحاري ضايعه من غير راعي=
..يا عسى ربك يسهل للمؤشر من يشيله
المؤشر لانزل ياخوي يكسر لي ذراعي=
والنسب لامن توالت زادت الحمى مليله
حسبي الله ياجماعه راح مجهودي وضاعي=
. كل ما أملك راح لحظة مابقى غير الفشيله
ليت من هو قبل مده ( صفا) محفظته وباعي=
.كانا أنا سالم.. وغانم.. ماغدت نفسي عليله
والتشكي.. والتبكي .. عارفٍ مافيه داعي=
ليه انا امشي في الغداري مامعي فيها دليله
مالقينا من يجاوب مالقينا من يراعي=
ضاعت الطاسه وكلٍ ماعرف من هو قبيله
ماسمعنا اللي يصوت ما سمعنا اللي يداعي=
مالقينا في زمنا فارسٍ زبـــــــــــن دخيله
ياكثر من راح فيها علقت هم بالكراعي=
وكل شخصٍ طاح فيها مالقى إللي يرتكي له
لاتعجل في أمورك لاتجيها بإندفاعي=
.التأكد والتركد مامثلها مـــــــن وسيله
والمصيبه كان حلت ما يغطيها قناعي=
ول ياحظ التعاسه دنيتي دايـــــــم بخيله[/poem]
[align=center]سلااااااامي للجميع
قيصر العرب[/align]
