ايامنا والليالي كم نعاتبها ؟
متع احساسك بتفهم هذه القصيده العصماء التي جادت بها قريحة الشاعر بديوي الوقداني انها غريبه في بابها , فريدة في اسلوبها, يئن فيها من دهره القاسى العنيد..واليكم القصيده....
[poet font="Simplified Arabic,4,black,normal,normal" bkcolor="" bkimage="" border="ridge,2,gray" type=0 line=200% align=center use=ex char="" num="0,black"]
أيامنا والليالي, كم نعاتبها؟=شبنا وشابت وعفنا بعض الاحالي
تاعد مواعيد,والجاهل مكذبها=واللي عرف حدها من همها سالي
ان أقبلت يوم ماتصفي مشاربها=تقفي وتقبل وما دامت علي حالي
في كل يوم تورينا عجايبها=واليوم الأول تراه احسن من التالي
أيام في غلبها وايام نغلبها=وايام فيها سوا والدهر ميالي
جربت الايام مثلي من يجربها=تجريب عاقل وذاق المر والحالى
نضحك مع الناس والدنيا نلاعبها=نمشى مع الفى طوع حيث ما مالي
كم من علوم وكم آداب نكسبها= والشعر مازون مثقال بمثقالي
اعرف احروف الهجا بالرمز واكتبها= عاقل ومجنون حاوب كل الاشكالي
لكن حظى ردي والروح متعها= ما فادني حسن تاديبي مع امثالى
ان جيت أبي حاجه عزت مطالبها=العفو ما واحد في الناس ياوالى
قوم الى جيتهم رفت شواربها=بالضحك واقلوبها فيها الردا كالى
وقوم الى جيتها صطت حواجبها=وابدت لي البغض في مقفاى واقبالى
ماكنى الا امسوى حال مغضبها=والكل في عشرته ماكر ودجالى
ياحيف!تخفي أمورا كنت حاسبها=واللى على بالهم كله على بالى
الجار جا في و كم قوم محاربها=والأهل واصحابنا والدون والعالى
والروح وش عذرها فى ترك واجبها=راح الحسب والنسب فى جمع الاموالى
نفسى تبى العز والحاجات تغصبها=ترمى ابها بيناأجاويد وانذالى
المال يحيى رجالا لا حياة ابها=كالسيل يحى الهشيم الدمدم البالى
عفت المنازل وروحى يوم اجنبها=منها غنيمه وعنها البعد أولالى
لا خير في ديرة يشقى العزيز ابها=يمشى مع الناس فى هم واذلالى
دار بها الخوف دوم ما يغايبها=والجوع فيها ومعها بعض الاحوالى
جوعى سراحينها شبعى ثعالبها=ال*** والهر يقدم كل ريبالى
عز الفتى راس ماله من مكاسبها=يامرتضى الهون لاعز ولا مالى
دللت بالروح لين ارخصت جانبها=ونا عتيبى عريب الجد والخالى
قوم تدوس الأفاعى مع عقاربها= ولها عزايم تهد الشامخ العالى
ل المنازل وقل للبين يندبها=يبكى عليها بدمع العين هطالى
لاتعمر الدار والقالات تخربها=بيع الردى بالخساره واشتر الغالى
ماضاقت الأرض وانسدت مذاهبها=فيها السعه والمراجل والتفتالى
دار بدار وجيران نقاربها=وارض بأرض وأطلال بأطلالى
الأرض لله نمشى فى مناكبها=والله قدر لنا ارزاق وآجالى
حث المطايا وشرقها وغربها=واقطع بها كل فج دارس خالى
واطعن انحور الفيافى في ترايبها=وابعد عن الهم تمسى خالى البالى
من كل عملية تقطع براكبها=فدافد البيد درهام وزرفالى
تبعدك عن دار قوم ودار تقربها=واختر لنفسك للنزال منزالى
لو مت فى ديرة قفرا جوانبها=فيها لوطى السباع الغبس مدهالى
اخير من ديرة يجفاك صاحبها=كم ذا الجفا والتجافى والتعلالى
دوس المخاطر ولاتخشى عواقبها=الموت واحد وبعد العز يجلالى
ان المنايا اذا مدت مخالبها=تدركك لوكنت في جو السما العالى
ما قرت الاسد في عالى مراقبها=تسعى على الرزق ما حنت للاشبالى
والشمس فى برجها والغيم يحجبها =تقفى وتقبل لها في العرش مجدالى
[/poet]
