(((( صفق المحاني ))))

[poem=font="Simplified Arabic,5,black,normal,normal" bkcolor="transparent" bkimage="backgrounds/2.gif" border="none,4,gray" type=1 line=0 align=center use=ex num="0,black"]
يالله يالمعبود غيب وبياني=ياللي لعسرات المقادير كشّاف
امس العصر راس الطويله دعاني=من فوق راسه كل منزال ينشاف
مثبت(ن) وسط الوطا برسياني=صلب(ن) وعر سود(ن) حجاره بالاوصاف
مانط راسه بالخلا مودماني=ولاداج به منهو له الدمع ذراف
ياكود حر(ن) يادمس الليل جاني=عطب الضرايب لابرق الريش نتاف
من فوق راسه كل ذيب(ن) عواني=جاوبت انا عويات ذيبي بالانكاف
صوته يهيض كل هم(ن) نصاني=ويهيض جروح المعاليق باسراف
مازاره اللي بالحنايا لفاني=شي(ن) تسبب بالخساير والاتلاف
قالوا علامك؟قلت صفق المحاني=من بينها قلب(ن) على طول رجاف
اسمع لقلبي مثل حس السواني=صوت الرعد بين المعاليق سجاف
مايستريح من الدهر لو ثواني=انشهد انه ياهل الجود ينعاف
حظي على بدع المثايل رماني=مالي جدا ياكود نبدع لنا قاف
اغديه يبرى كل جرح(ن) براني=وتشفى جروحي بالعوايد والاعراف
القاف يامني نويته عطاني=اخذ على مرقاب الاشعار ميقاف
ربعي هل الردات واهل الصياني=وساع الطعون مزبنة كل خواف
لاثارت الهيجاء وضرب الطعاني=عصمان الاريا منزحة كل حواف
كبار البيوت مشمرخات المباني=ربعي "طنايا" مكرمة جمع الاضياف
المجد داري والمعزه مكاني=شي(ن) ورثته من جدودي والاسلاف
لاعاش منهو منزله بالطماني=ولا النشاما منزله راس مشراف
ترى المعزه في بعيد المواني=ولاياصله بالكون أيات مجداف
ياكود منهو يقطع الشط عاني=اللي لجزلات المواجيب قطاف
واللي انكتب لك تاخذه بالضماني=مكتوب قبل الخلق تخلق وتنشاف
ان جاك جرحك من ربوع(ن) دواني =مالك على ربع(ن) بعيدين ميهاف
ماينفعك بالخلق قاصي وداني =ياكود رب(ن) للمخاليق رواف
علم(ن) وصلنا ناخذه بالضماني=واشوم عن علم الدنافيس ياطاف
طيب(ن) مع المنعور ربح ومثاني=وطيب(ن) مع الدنفوس تاليه ينعاف
ماشره على منهو طليق اللساني=وسط المجالس للمواضيع خطاف
اصد عنه واتركه بمشياني=الي بغيبات المناعير سيّاف
يذبح ويصلخ بالحفا واللياني=وعند الشدايد للنساوين ميلاف
الله خلق خلقه شكل ومعاني=وربك فرقهم في تصاوير واصناف
عرفي عرضته والخطا ماخفاني=ولااقول انا اللي بالمخاليق عراف
كلن عزومه دون حقه متاني=والناس تدري بالجدايد والاسلاف
هذا الصحيح وكل علم(ن) يباني=والصيت مايرقد مع الناس بالحاف
وصلوا على منهو بخيره نواني=ونوى جميع الخلق بدو(ن) مع ارياف

مشــــــــعل الغفيلي[/poem]

[align=center]الشاعر مشعل الغفيلي

الله عليك ياشاعر

دائماً تمتعنا بالمزيد من الإبداعات

قصيدة عانقت السحاب

يشرفني إني أكون أول من عانق هذا الإبداع

دمت للحرف

صح لسانك يامشعل ودمت ولاهنت طال عمرك

أختك

"نــ بنت الفهد ــوف"[/align]

[align=center]


مشعل الغفيلي


صح الله لسانك

ولا هنت على هالقصيد الطيب

لك الغلا

اخوك : سيف الخالدي[/align]

[align=center]صح الله لسانك 00 وعذب هتانك

نصٌ أعمق بكثير من
رسمه ولفظه
ضرب نواقيس الحضور
وزف الينا
عطر الزهور
شعراً
تعزفه على نياط الذائقة الذي
صُغتَه مزهرا من شجن ولحن


ا بدااع واشبااع 00

وصياغة اكثر من رائعة
كل الطرق تؤدي الى الشعر هنا

دمت بخير
اختك00 المهرة[/align]

[align=center]صـــح لسانكــ

قصيده أن قلت عنها رائعه فقد بخستها حقها..
بلــ هي ولله اكثر من ذلكــ ..

الله يعطيكـ العافيـــه...

:
:
ولـــي عوده أن شاءلله بخصوص هذا البيت..

كلـن عـزومـه دون حـقـه متـانـي
والنـاس تـدري بالجدايـد والاســلاف

:
:
تحياتي
سيده القلم [/align]

[align=center]حياك الله يانوف

وصح بدنك

لاهنتي[/align]

[align=center]

الشاعر الجزل..

مشعل الغفيلي..

صح لسانك يالغالي..

قصيدة لا تحتاج مني أي تعليق..

متكاملة.. مِن.. إلى..

من ذكر الله.. إلى الصلاة على النبي.. عليه الصلاة والسلام..

أعجبتني كثيراً الأبيات التالية:

ان جاك جرحك من ربـوع(ن) دوانـي
مالك علـى ربـع(ن) بعيديـن ميهـاف

ماينفعـك بالخلـق قـاصـي ودانــي
يـاكـود رب(ن) للمخـالـيـق رواف

علـم(ن) وصلنـا ناخـذه بالضمـانـي
واشـوم عـن علـم الدنافيـس ياطـاف

طيب(ن) مـع المنعـور ربـح ومثانـي
وطيب(ن) مع الدنفـوس تاليـه ينعـاف

ماشـره علـى منهـو طليـق اللسانـي
وسـط المجالـس للمواضيـع خطـاف

اصـد عـنـه واتـركـه بمشيـانـي
الـي بغيـبـات المناعـيـر سـيّـاف

يا زين هالحِكم..

ويا زين قصيد الحكمة.. (ذبحونا بالغزل)..

عافاك الله يا مشعل..

لي ملاحظة صغيرة على البيت اللي يقول:
الله خلـق خلـقـه شـكـل ومعـانـي
وربك فرقهم فـي تصاويـر واصنـاف
أعتقد الشطر الأول فيه شيء.. خطأ إملائي أو ما شابهه..


لا هنت..[/align]

[align=center]مشعل.../



صح لساااانك ..ابدعت والله // جزل ولا جديد سوى الجزاله

صح قلبك وروحك.../ مبدع دائماً

.
.
.

اخوك[/align]

مشعل الغفيلي ((ابو ياسر ))


صح الله لسانك ويعطيك العافيه

ولا هنت على هالقصيد الطيب

صح لســـانك

صـــــــــح شعـــــــــــــــــــــــرك

صــــــــــــــــــــــح كلكـــــــــــــــــــــــــــــــــ



الواضح... الطاهر .... الناصع ..... مشعل.......


يسلم راسك على هالبوح العميق.... الله لايهينك


تقبل تحيه.. من قلب غفيلي..يفتخر فيك


شكرا على هالرائعه