من قصائد العوني

السلام عليكم ورحمة الله وبركاته

من قصائد الشاعر الكبير محمد العوني باالامير محمد الطلال الرشيد (رحمة الله عليهم):
[poem=font="Simplified Arabic,5,black,normal,normal" bkcolor="burlywood" bkimage="" border="none,4,gray" type=1 line=0 align=center use=ex num="0,black"]
يانديبي سر على كور مذعوره = نطوت ٍ من ساس نطوات بن داني

سر كفاك الله عن العوق وشروره = لين تلفي بك على مزبن الفاني

قل لأبو تركي ترا الوقت له دوره =لاتغّرك حرب وسكوت مطراني

لا تحسب ان الطنايا بهم بوره =هم هل الهيجا مقابيس الأكواني

لاتوهق يـــمّ بـــرزان وقصـــوره = دونه الغلمان ذربين الأيماني

دام راس محمدٍ ينسمع شوره =مسطم اللقوات فلال الأقراني

بان نجمه وارتفع فوقكم نوره =وانتهض للحرب حمّاي الأوطاني

كان تدري يابن مقرن عن السوره = وسّعوا من قبل علم يجي ثاني

وانكفوا عن ماه وحماه وحيوره = والوعد غير الجبل جال بباني

واختبر يوم غطا الشمس بشروره = يقلب الدنيا عليكم والأركاني

كان ماتقرا ولاتفهم السوره =شاور العقال وفلان وفلاني

وأنشد الضرغام هي توكل ضفوره = دام تدري بالطمع شغل بن باني[/poem]

تسلم ياولد العم وما قصرت

تحياتي:)

ومن قال يسلم يالصيرمي وحيّاك الله

[align=center]الف شكر يا بو فرّاج على إضافة هذه القصيده النادره .

ورحم الله ( المهّاد ) الامير محمد بن عبدالله .

لاعدمناك يا القرم . [/align]

ورحم الله ( المهّاد ) الامير محمد بن عبدالله .

^
^
اللهم امين:)

ولكن ما هو الي يقصد العوني بالقصيده

هاذا محمد الطلال اخر امير من الرشيد:)

تحياتي:)

[align=center]
ابوفــــــراج

الله لايهينك وتسلم الانامل على النقل

تحياتي ... ذيب أجــــــــا[/align]

هلا وغلا بولد العم ...نتمنى رجعتك بأقرب فرصه وعلى العموم حنا بإنتظارك
ومن قال يسلم يابندر وحيّاك الله

ومن قال يسلم ياذيب اجا وحيّاك الله

تسلم خلودي:)

تحيتي لك

والسلاااااااااام ...
..

[align=center]خالد


تسلم و الله على هالفريدة


اخوك

الذيب[/align]