13 من الســـــــــــــــــــــــويد / لاتنخرعون ماهم سويد شمر
السلام على من اتبع الهدى
قبل قليل كنت اتمقل الأعلام اعلام الدول
وشفت اعلام دولة السويد وعددها 13 علم
قلت بهالمناسبة وعلى طاري السويد والف نعم بالسويد وطاريهم عاد طراء علي شبيكان ونكباته
نكبات شبيتسان
كان بوه واحد ن من الجماعة بحارة مسامير اكيد بكم اللي سمع بها بالرياض
الحارة صنادق وسميت حارة مسامير من كثر ماتبنشر السيارات اللي تدخله
الوكاد رفيدزنا هذا صار عندوه غداء والمناسبة تمايم أي طلايع لمولود والرجال
مشغول اكا اليوم وشبيتسان عندوه قال وين شبيتسان ياجملي ابيك تعزم الربع
بكاالمكان واكا المكان وانت عوض النفس قال شبيتسان ســـــــــــم وهو ياخذ المفاتيح
مفاتيح الجيب وهو يدق سلف وعن البطحاء مايخاطي ياما وقف بوسط عيال ابو يمن
قال من ودوه بشغل وهم تطير بوهتهم اااالزيود وهم يتطامرون بحوض الجيب الجيب شاصي
طويل وهو يحملوه هالحين الوقت قريب الظهر وهو يومي عليه وعن حارة مسامير مايخاطي
ياما وقف عند بيت الرجال قالهم شبيتسان حولو هذا بيت المعزب
وهو يفتح الباب وهو يدخلهم على الرجال بالمجلس الرجال يسوي القهوة ولاهي ويوم فطن
يامار قوم جوج وماجوج يوم دخلو عليه سلام سلام يامار كلن عليه وزرة ونعول زنوبه الله يكرمكم
وهو يفتح افموه قال وشهم هذولا ياشبيتسان قال هذولا المعازيم وهو ياخذ عليه الملقااط وهو
يهج شبيتسان وهذاك متولجوه وهي تطلع كل حارة مسامير على الضحتس تتفرج
هذا ماصار واعذورنا
