-
من روائع طلال الرشيد
][®][مختارات من روائع طلال الرشيد ][®][
آخـــر حــب
كنت احسب اني عرفت الحب قبل اعرفك
وعشقت قبل اعشقك واشتقت قبل التقيك
وكنت احسب اني لقيت احباب قبل اوصلك
واثري توهمت في غيرك وانا كنت ابيك
تعال نعطش وتشربني وانا اشربك
تعال قبل الوعداجلس معي نحتريك
تعال شفني وانا استناك .. كم اشبهك
يطري علي ألف راي وراي واحتار فيك
اجي مكان الوعد والا اسبقه انطرك
والا اخذ الموعد اللي يحتريك واجيك
يااخر الحب ذقت الحب في اولك
ويااول الشوق اقصى الشوق ماينتهيك
علمتني كيف اعرفك لين صرت اجهلك
ضيعتني في متاهاتك وكنت ارتجيك
حبيب الاحلام يابعدك ويامقربك
حرام يكفي تبعثرني وانا احتويك
ان شفتك بحلم صدقته وانا اتوهمك
وان شفتك بعلم كذبته الين انتشيك
اخاف اغمض عيوني وإن رمشت افقدك
واخاف افتح وتصبح حلم ولا التقيك
-
تـنهيدتـيـــن ونـــار
كـلـّمـنـي عـنّـك
أبعرف كل شيٍ عنّك منّك
قلـّي وش أول جروحك
قلـّي وش آخر أمل ترجيه روحك
إحكي عن طبعك
وعن ربعك
عن اللي يهـزّ دمعك
قلـّي وش معنى الحياة
قلـّي بأنفاسك متى قد قلت آه
إحكّ لي عن الحب
إحكّ لي .. إحكّ لي
إحكّ لي عن الشوق
طـر بـي فوق .. فوق
خـذنـي منّك
وإحكّ لي .. عنّك
الـصـدق
إن الأمل من قبل أعرفك .. كذب
والتضحيه أوهـام
وإني أنا من قبل أعرفك
كنت أعرف أنـام
كان السهـر مـو هـالسهـر
لعب وأغانـي .. وإخـتصار
صار السهـر تفكير
صار إنتظـار
صار إحتظـار
صار السهـر .. تنهيـدتيـن ونـار
يا منتهـى أمـري
بالهمس قلـّي مرّه يا عمـري
وطـر بـي فوق .. فوق
خـذنـي منّك
وإحـكّ لـي .. عـنّـك
-
الاخت المحمديه يعطيت العافيه وما قصرتي ورحم الله الامير طلال
-
الله يرحمك يا طلال
يسلموووووو المحمديه
-
[align=center]رحمك الله ياابا نواف 00 واسكنك فسيح جناته
ورحم جميع موتى المسلمين
سلمت الانامل على هذا الباقة الرائعه
وننتظر المزيد
دمتِ بخير
اختك 00 المهرة[/align]
-
[align=center]علمتني كيف اعرفك ليييييييين صرت اجهلك
ضيـــــــعـــــــــتني في متاهاتك وكنت ارتجيك
رحم الله الأمير واسكنه فسيح جناته
شكرا اختي [/align]
-
هلا فيك اخوي خالد فراج الشمري
والله يرحم الامير الشاعر طلال الرشيد
ومشكور اخوي على المرور الكريم
اختك المحمدية
-
هلا فيج اختي منيرة
ومشكورة على المرور الجميل
اختك المحمدية
-
هلا فيج اختي الغالية المهرة الاصيلة
وشاكرة لك مرورك الكريم
اختك المحمدية
-
هلا فيج غاليتي فاصلة بيضاء
ومشكورة على مرورك الجميل
اختك المحمدية
