قصيــــــــــــــــده

كل يوم يزل عمره عقبه أيـــام ٍ تتــــالا // وكل عمري يحل يومه عقبه ايام ٍ نصايب
لو تصبر مالحقنا عمــــر الايـام الطوالا // لكن ايام العمر تاخـــذ من أيـــامه نهـايب
السحاب يقول عطني والبحور تقول لالا // كن ماخلقت لنا شمـــــس ولاهبت هبايب
لويميل الجدي صوب سهيل مامال الشمالا // من تخلى عن محله ماتعده غير غايب
مابقى شي بقوله غير شي ٍ مــــايقــالا // والله ان الصمت حكمه بس راع الحق صايبr
ان كتمته قامت ضلوعي من الغيره تصالا // وان حكيته مل قلب ٍ مايبي فرقا الحبايب
قلت بالله يازماني اركد شــــوي تمـــالا // قال اترك وان اعطاك الله عمر شفت الغرايب
بعد ماكفى تلفت قــال ياطـــــاري تعـــــالا // قلت بس اقفى زماني وانتهى وقت الطلايب
قال اخذ نصايح يــــوم العهـــــد طـــــالا // لاتــحسبن كل عجه مكتفي باثرها سحايب
ومن يبي عينه تحلى بالنوم وجروحه تشالا // عن مفاهيم المحبه يعقل ايدين الركايب
ياوليفي لاتداويني ويتعبـــك الســــــؤالا // كيف تلقاني وانا اللي في حلاة المح ذايب
مايخاف من النهار الا اللي مـــاله ضلالا // ومايخاف من الظلام الا اللي ماله قرايب

أخي : طاري الفرقا

مرحبا بك .. في مضايفك

وتشكر على القصيده...

وكنت اتمنى أن تذيلها بتوقيع تذكر سندها..ومن قائلها..

تحياتي



ملحوظه/
لقد تم نقل المشاركة إلى مضيف الشعر النبطي

لكون المشاركه تخص ذلك المضيف


تحياتي

شكرا لك اخي طاري الفرقا على المشاركه

اختيار جدا رائع


وفعلا اعرف انك غشيم كمبيوتر

لذلك لم يسعفك الحظ لكتابة شاعرها وهو

الشاعر خالد ين مدعث الدوسري

صح لسان الشاعر خالد

وشكرا على المشاركه وننتظر المزيد

تقبل تحيااات اخوووك الصغيررر