-
ما ينمشى بالثوب مجلوب
قصيده تعجبني وايد للشاعره فتاة دبي اتمنى انها تعجبكم
ما عاد قلبي صوبه يصد
وما عاد لي في ارجوعه اطروب
ولا عاد عيني صوبه اتصد
ولا عاد لي راده او مرغوب
لو بالاسم يزقر فلا نرد
بسكت عنه لو منه مصيوب
اسمه انتهى ما عاد يوجد
ممحاي من قلبي ومشطوب
غلج طريجه عنه الود
ان جان له في الغير مطلوب
القلب صوبه رافض الرد
ما ينمشى بالثوب مجلوب
من يوم خلي حط لي ضد
وغيري عليه امسوي ادروب
باب فتح من دونه انسد
يومن (يوم) شرك بالغزل لهدوب
يتبع هوى من غشه ابود
ويترك هوى صافين لقلوب
واصبح الزيني عاد ييحد (يجحد)
كل شي متبرهن او (و) محسوب
اطروب: غايه
يزقر:ينادي
مصيوب:منصاب
غلج: سكر اغلق
لهدوب: الخيوط
-
اختي الضبيانيه
لك مني كل التقدير
قال الشاعر......
ان بعض القول فن
.................فا جعل الاصغاء فنا
انت تفننتي بالاختيار
ونحن نتفنن في الاصغاء
وتقبلي تقديري
-
اخوي محارب الخيال
اشكرك على اطرائك واشكرلك الجهد اللي تبذله في المضيف
-
بنت دبي
صح لساانك
بنت بو ظبي
تسلم يمينك اللي كتبت
-
-
الغاليه ظبيانيه...
لك الشكر على الاختيار الجميل
وللشاعره فتاة دبي الشكر على هذه القصيده
منذ قدومك ..لمنتدى شمر ..وانتي تتحفينا دائما بمشاركاتك واختياراتك الجميله
فانتي فعلا شعلة نشاط و تواصل في كافة المضايف
لك الاحترام و التقدير
لا عدمناك
-
يعطيكى العافيه
ظبيانيه-------يسعد مساك وشكوره على المشاركات اللقيمه-والىالمزيد---------------------------سنجار
-
اخوي عادل
مشكور والله والمنتدى منور بأعضاءه والقائمين عليه وانت واحد منهم
اخوي سنجار
تسلم والله ما تقصر
