آه من طول العنا

[align=center]أعزائي

اسمحوا لي ان أضايقكم قليلاً بهذه المبعثره

ارجو ان تقبلوها كما هي[/align]


[poem=font="Simplified Arabic,6,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
آه من طول العنا قلبي تزايد به لضيه=الشقى سلطان قلبي والحزن اصبح نديمه
حيلتي بس اتوجد ضايع ٍ بالمهمهيه=وش بقى غير التوجد والسما قد بان غيمه
ياوجودي وجد بنت ٍ زوجها يظلم بويه=واستبد بظلم ابوها لين ابوها صاح ضيمه
وسوّل الشيطان للوالد قتل زوج البنيه=واقتله واصبح بعدها في متاهات ٍ ظليمه
واصدروا صك القصاص وقص في عيد الضحيه=واصبحت عقب التعازي ارمله وايضا ً يتيمه
وياوجودي ياوجودي بالصباح وبالعشيه=وجد من حدّه زمانه في رجا ناس ٍ تضيمه
اشتكي لله ربي حالتي صارت رديه=والسبايب جادل ٍ استيسرت قلبي غنيمه
جادل ٍ قامت على قلبي تشيل السامريه=ومن عذابي قمت اغني فرحتي والله يتيمه
فرحتي والله يتيمه دون شـوف الجادليه=الهنوف اللي استقرت في حناياي وهشيمه
والله اني ماهقيت ان الهوا يثر عليه=لين جتني فاتنتني تحمل رماح ٍ سهيمه
كلما ناظرت فيها صار مالي مقدريه=كود اصفق في يديني ياعظيمه ياعظيمه
بري حالي كلما ناظرتها هالآدميه=وبري حالي كلما صدت وصارت لي خصيمه
كل جزء ٍ من جسدها فيه ملح وقابليه=وكل جزء ٍ من كياني شالهـا معـنـى وقيمه
ان مشت كل البرايا وقفوا من دون نيه=وان تمادت في خطاها كل عاشق عاف ريمه
فارده متفرده في وصفها مافيه زيه=لابالاجيال الجديده او بالاجيال القديمه
لو جمعت الزين كله من جميلات البريه=ضاع في غبة حلاها ياعسى ربي يديمه
والله اني مانسيت شفاتها الحمر النديه=ووالله اني مانسيت عيونها الحور السهيمه
مانسيت احلى الحكايا من ملافظها الشجيه=واذكر اني كل ماتسكت اقول اروي نهيمه
لو أوصف ماتساعـدني الحروف الابجديه=ترتبك منها الحروف وتصبح حروف ٍ عديمه
قربها شهد ٍ مصفى من رحيق النرجسيه=بعدها سم الحيايا ويل من جرب طعيمه
اهجرتني والحقت نار الحشى مليون كيه=واسرفت في هجرها وما حطت لقلبي حشيمه
اذبحتني في جفاها وصرت انا كلي ضحيه=عذبتني في جفاها وصارت بطعني كريمه
الجفى لأهل القلوب الصادقة دنب وخطيه=والوفا لأهل العقول المدركة حق ٍ وشيمه
نعن ابوها مالها قلب ومشاعر آدميه=استباحت دم قلبي وانكرت قصة حميمه
ماتعرف ان الهوى كم فـقــّـر نـفوس ٍ غنيه=وماتعرف ان الهوى جنن عقولن مستقيمه
وما درت عن قيس ليلى جننته العامريه=وكم وكم عاشـق تردى واصبحت حاله سقيمه
لعن ابو جد الغلا وشلون ذلل روس حيه=ومايطـيّـح قلب عاشق كود في عذرا ظليمه
والله اني نوب ٍ افكر بنظره واقعيه=كيف انا اعشق شقايه واتبعه مع كل غيمه
ان نشدت العقل عنها قال وش هالجاهليه=خاب من يطرد سراب ٍ يحسبه هتان ديمه
وان نشدت القلب وقف وارتبك نبضه عليه=وقال احذر يابدر اضحت على نبضي مقيمه
لالفتني انشغل بالي بها غصب ٍ عليه=ولاجفتني انشغل بالي عليها من صميمه
شلت التفكير مني ضعت مدري شالسويه=مدري هي تقصد عذابي او نواياهــا سليمه
وياوجودي ياوجودي كل ماتطري عليه=وجد ٍ اكبر من خيالي وماخفى ربي عليمه
وآه مازال العنا والـقلب زايد به لضيه=الحزن سلطان ذاتي والشقا اصبح نديمه[/poem]

[align=center]أخوكم بدر

عذب الوصل[/align]

[align=center]لي عوده

تحياتي

اخوووووووك
خليف الجهيلي[/align]

صح لساااااااااااااااااانك ملايين ولا تكفي

صح لساااااااااااااااااانك ملايين ولا تكفي

[align=center]اخي الشاعر /

بدر

الحقيقه استمتعت بقراءة هذه القصيده الشامخه والمغلفه بالابداع

فصح لسانك ولاهنت يالغالي

قصيده تستحق التثبيت

تحياتي

اخوووووووك
خليف الجهيلي[/align]

[align=center]نعن ابوهـا مالهـا قلـب ومشاعـر آدميـه
................استباحت دم قلبـي وانكـرت قصـة حميمـه
ماتعرف ان الهوى كـم فقّـر نفـوس ٍ غنيـه
...............وماتعرف ان الهوى جنن عقولـن مستقيمـه
وما درت عن قيـس ليلـى جننتـه العامريـه
.............وكم وكم عاشق تردى واصبحت حاله سقيمـه
لعن ابو جد الغلا وشلـون ذلـل روس حيـه
...............ومايطيّح قلب عاشق كود فـي عـذرا ظليمـه
والله انـي نـوب ٍ افكـر بنـظـره واقعـيـه
.............كيف انا اعشق شقايه واتبعه مع كـل غيمـه
.
.
.
.
ولأخر قطرة شعر لذيذه ..!!

منسكبه بكل جمالياااات الشعر

مغدقه يابدر ../ ومترفه


طارت العصافيـــر .. وفاح من الشعر شذا



يالبيـــــــــــــــه .. يابدر

صح قلبك

ولي عوده



اخوك[/align]

صح لسانك

قصيده جميله

دمت بخير

عذوبة وتلقائية وشفافية ...
هذه القصيدة الجميلة تشعر بها من بيتها الأول تشدنا بسحر حروفها وعطر كلماتها وتجذبنا نحو الابحار في وصفها النادر ..

والله انـي نـوب ٍ افكـر بنظـره واقعـيـه
كيف انا اعشق شقايه واتبعه مع كـل غيمـه
ان نشدت العقل عنهـا قـال وش هالجاهليـه
خاب من يطرد سراب ٍ يحسبـه هتـان ديمـه
وان نشدت القلب وقف وارتبك نبضـه عليـه
وقال احذر يابدر اضحت على نبضـي مقيمـه

ياسلام رهيييييييييييه ..

العطاوي صح لسانك ودام ابداعك ولا تحرمنا من هالدرر ..

تحياتي
اختك
شموخ

[align=center]استاذي الغالي خليف الجهيلي

أخجلتني بهذا الاطراء وهذا التثبيت والذي اتمنى ان تستحقه هذه المتواضعه

أحمد الله انها اعجبتك

وصدقني انا تشرفت واستمتعت بردك وتجاوبك

الف شكر لك

أخوك الصغير / بدر[/align]

[align=center]استاذي فايز الابراهيم

صح بدنك مليارات

شرفتني بتجاوبك وردك

الف شكر لك[/align]

[align=center]الغااالي نبراااس

لبا قلبك

عطرت القصيده بمرورك الفواح

ردك اعطى القصيده جمالاً وروعه

الف الف شكر لك

وبانتظارك....[/align]