يأبى كيان الشمري يحتفظ به
ه[align=center] القصيده للشاعر
ثامر بن راضي الشلاقي الشمري "رحمه الله"
من الشعراء المبدعين لكنه توفي وهو شباب واكثر قصائده ماطلعت للناس
هذي قصيدته عن "خوة المصالح"
اعجبن موضوع القصيده والقافيه رائعه جدا[/align]
[poem=font="Simplified Arabic,4,black,normal,normal" bkcolor="transparent" bkimage="backgrounds/33.gif" border="none,4,gray" type=0 line=1 align=center use=ex num="0,black"]
منقوض ياعهد(ن) على الغش منقوض="يأبى كيان الشمري يحتفظ به"
عهد الغلط مستنكرينه ومرفوض=حبله فلا لي به مماسك وقضبه
ومقضوض يابيت(ن) بلا ساس مقضوض=لو هو شمخ وسط البلد تقل هضبه
لو زخرفه راعيه ماهو بمحضوض=ياسرع يوم(ن) مقبل(ن) ينتقض به
وصداقة(ن) تبنى على مخضر الروض=تقضي اليا لفح السموم انتفض به
لوكان برق الحاتمي فيك له نوض=وبك من فعل عنتر بالاكوان حضبه
اليا صرت لازبده ولافيك ممخوض=لابد تشوف عيون الاصحاب غضبه
ولالوم من مثلي من الناس مغيوض=ولو يرتفع ضغطه ولو ينخفظ به
صداقة(ن) لاجل المصالح بها العوض=ومن عاضني بالغير درت العوض به
وياصرت من ربعي والاصحاب مغيوض=ارحل قبل فيروسهم مانمرض به
والله لو اركب عن السيت بالحوض=لارحل وعيني يمهم مالتحظ به
لارض(ن) خلا سيله محادير وفيوض=واجعل رفيقي ضوح برق(ن) ومض به
اخاوي اللي يفرد الريش منفوض=شف هجرة طيور الخلا واتعض به[/poem]
زبــــــــدة القصيده
[poem=font="Simplified Arabic,4,black,normal,normal" bkcolor="transparent" bkimage="backgrounds/33.gif" border="none,4,gray" type=0 line=0 align=center use=ex num="0,black"]
اليا صرت لازبده ولافيك ممخوض=لابد تشوف عيون الاصحاب غضبه[/poem]
[align=center]"نســـــــال اللـــــــه السلامـــــــــه"[/align]
[align=center]اخوكم /مشــــــــعل الغفيلي[/align]
