[align=center][glow=000000]من قصائد الحكمة
من الدرر اللي تستحق الحفظ .. [/glow][poem=font="Simplified Arabic,5,black,bold,normal" bkcolor="transparent" bkimage="backgrounds/13.gif" border="none,4,gray" type=1 line=1 align=center use=ex num="0,black"]
دنياك هذي كلًهـا هـز قـاووق=ماتعرف الصاحب من اللي معاديـك
واكثر كلام الناس بالمكـر والبـوق=يهرج معك واليا تقفيـت يرميـك
المال دايم صاحبـه مرتفـع فـوق=والقل خايب لو ترفعـت يرخيـك
عزّي لمـن دوّ لهـا عنـد مخلـوق=امّا بخـل ولاّ منـن يـوم يعطيـك
أوصيك بالطيب ان كان لـك ذوق=إرمـه وراك ولازم انـه يلاقيـك
يا عبد هوّن كل مطـرود ملحـوق=لا تشتحن لك رب ما هو مخليـك
اللي جعل لك روح جاعلك مرزوق=كما تكفل بك من الخلـق كافيـك
يعطي وباب الرزق ما هو بمغلـوق=واليا طلبته وانت محتـاج يعطيـك
الرزق اله حبسه واله وقت مطلـوق=وان مت ظلى عند قبـرك يناديـك
والموت جايك لو تقع جوف صندوق=دع عنك ما بك من حذر لا يعنيك
لا تشتغل بالمال ترى المال ممحـوق=ما مالـك الاّ مـا تمـده اياديـك
ان كان مالك يافتى ضيّق السـوق=تراه عند الموت مـا هـو منجيـك
الجار والعاني لهم شـرط وحقـوق=والضيف واجب تكرمه يوم يلفيـك
وان كان تبي تاخذ المدح مطبـوق=خلّك مشمر دون ضيفك وعانيـك
صون الامانه واظهر الهرج بصـدوق=ولا تعاشر صاحب البـوق يعديـك
لا تصحب الخاين ولا تامن النـوق=وان لاح براق الحيا عـذّرت فيـك
والدرب لا تامنه لو كنت مرفـوق=الاّ بحـدٍ فـي يمينـك يبـاريـك
اترك طريقة كل عاشـق ومعشـوق=ولاّ خلاخيل الذهب مـا تراعيـك
وبالصبر تغلب صاحب العزم يا شوق=والعزم طيّب مير حـزات يرميـك
افرح ليا منك عن الشـر مـدروق=واحذر صديقك واحذر اللي يواليك
هذا كلام الصدق ما هو بمسـروق=وابيات يـا قلبـي بناهـا يسليـك
من هاجسٍ يطمي كما بحر صافـوق=احذر على القلب الشقي يوم يطريك
يارب تجعلني مـن النـار معتـوق=واجعل ختامي طيبا يـوم الاقيـك[/poem]
[glow=000000]الشاعر بديوي الوقداني ..[/glow][/align]
