محاورة برويز وفاجباي

الاخوة الكرام هذه محاوره من خيال وابداع الاخ الشاعر ناصر بن سعد فارسها الاول فجباي الهند 00 والثاني برويز باكستان 00
فاجباي:
ياسلامي يا مشرف عد ما هل الغمــــــــامي ** من ضمير زاد هاجوسه وسبب له ســـقامي
في سلوم الناس يبدأ من تكلم بالســـــلامي ** بس لو طولتها مالك سلام ولا كـــــــلامي

برويز :
البقا ياللي تســـلم وانـت من قوم ٍ كرامي ** تكسب الطولات يوم اللاش يهنا في المـــنامي
بس تسليمك وى بعض الطـلاسـم والتــــهامي ** مثل سيف ٍ مغمده راعيه في ريش النعامي

فاجباي:
يامشرف كانها جت للحــقايق والخـــــصـامي** الطلاسم فعلتك في برلمـــانن ما يضــــامي
والله اني ما اهتني بالزاد والا بالمــــنامي** لين ارد الصاع لك صاعين في وقت الصـــرامي

برويز:
ماخبرتك تفرد الجنحان يا فرخ الحــــمامي ** وانت ماتقدر تعرض مخلب الحر القطــــــامي
لا تطاوع راي بوش وراي شارون الحـــــرامي ** يا خذونك لحم يا الهندي ويرمونك عضـــامي

فاجباي:
كثرت الضربات يابرويز تفتك في اللحـــامي **والصبر لازاد عن حده يصــير الجــرح دامي
لاتحـــسب الحرب لاشـــبت مثـــل فلم ٍ درامي** وقـتــها بتـــشوف شي ٍ في فوادي كان كامي

برويز :
الضـــوامي لو تورد عدنا تصـــدر حـيــامي** محتمين اديارنا والحر عن حــده يحـــامي
ديرة العود اللي امنـها قبل ميتـــين عامي** جدنا خان المسمى له على العليا وســــامي

فاجباي:
لا تعزوى في جدود ٍ روسهم تحــــــت الركامي** الفتى من قال انا ما قال خالي والعمـــامي
فعلنا معروف يابرويز في شرق ٍ وشـــــــامي** كم رقاب ٍ من حدود اســـيوفنا راحت عــدامي
n
برويز:
انت يافاجباي عينك مبـصره والقلــــب عامي** دور ابقارك وزدها في العبادات اهـتـــمامي
غاندي خـلف لكم بنــته ولكن في الخـــتامي** احكمتكم يابني كومار بحدود الحســــامي

فاجباي:
لاتحط السرج يابرويز من فوق السـنــــــامي** ولا تدخل يدك في نار وسطها الجمر حـــامي
بنت بوتو مانســيناها وفيها القلب هـــامي** ام خدٍ في الدجى يلمع مثل بدر التمـــامي

برويز:
يالله اني في ذرا وجهك من عيال الحـــــرامي** السوالف بعضها وقعه مثل وقع الســـهامي
والعور في ديرة العميان له قدر ومقـــامي** قالها قبلي شليويح العطاااوي والزلامي

اخوي ابو علي
محاوره ممتازه ومثيره
يسلم من نشرها ومن قالها

الاخ الغالي ابو مرزوق

يمكن الضروف الراهنه خلت الموضوع مشوقا والا الاثنين " برويز+فاجباي"

ماعندهم ما عند .........:D

وتسلم على المواصله

الاخ ابو علي


ودنا لو حضرنا المحاورة


وتسلم ياخوي ابو علي الغالي

:D :D :D :D :D :D :D :D :D :D :D :D :D

ابوحلا

هلا بك وغلا

بالنسبه للمحاوره ودك تقراها ولا تحضر ها

لان الريحه الله يقاك تبي تسوي سواياها وزيت الشعر اللي ماهو قليل

وسلامتك

[ALIGN=CENTER]بسم الله:eek:

منهو هاللي نقله عند ثامر;)[/ALIGN]