فـي ذمـتـي مـا عـاد بـاقـي رجـاجـيـل !!
[align=center] :: فـي ذمـتـي مـا عــاد بـاقــي رجــاجــيــل ::[/align]
[align=center]هذي طبوعي كل ما عـــسـعـس الليل 000 أصلّـح الدلـة وأجـر اللحـــــــــونى
بريـةٍ موزونـة البـــــــــــــــــنّ والهيـل 000 والماء بوزن وحـــــــيّ هاك الوزونـي
منهـا تكيّفنـي ثــــــــــلاثـة فناجـيـل 000 وأرتاح ويطير الســـــــهر من عيونـي
وأراجع الذكرى وأجـــــــــرّ المواويـل 000 والذكريـات بكـلّ شكــــــــــــــلٍ ولونـي
البعض منها يشرح الصـــــــدر بالحيل 000 والبعض لا والله يجــــــــــــدد طعونـي
وأرجع وأفكّر في اللـــــــيال المقابـيـل 000 لعل وقتـي مـا يخــــــــــــيّـب ظنونـي
وأدخل على الله من حـــــياة الغرابيل 000 حيث إن همّي ما تـــــشيلـه متونـي
كنّك مفصّل فوقي الهـــمّ تفصيـل 000 لين إلـتـبـسـنـي مـثـل لـبـــــس الجـنونـي
حالي كما حال القلوب المــــشاغيـل 000 اللي من أطرف شــــيء يـتـأثــّـرونـي
لو يشتكون الغبن والجور والــــــميـل 000 للغيظ وسط صـــــــــدورهـم يكتمونـي
فكّرت الا الــــــموضوع يحتاج تحليـل 000 وفنّ الدراســــــــــة واحدٍ مـن فنونـي
عرفت وش عــــكّر مزاج المشاكيـل 000 يوم إنهم مـن وقتهـــــــــم يشتكونـي
أول سبب: نقالـة القـــــــــال والقيـل 000 الطغمة اللـي جعلهـــــــــم يذهبونـي
قلوبهـم بالحقـد ســـــــــودٍ مغاليـل 000 ومن طبعهم بالمــــــشكلـة يفرحونـي
وثاني سبب: ناسٍ علــى مثل ما قيل 000 لا يقطعـون الشّـــــــــر ولا ينفعونـي
والله ما يرفع ضغطك إلا المــــهابـيـل 000 العالم اللي في النـــــــحـر ينشبونـي
وثالث سبب: ناسٍ سوات المـــخابـيـل 000 على سلوم الطّيب ما يــــــحرصونـي
خلّو سلوم أجدادهم رغو مـــع سيـل 000 وفي عالم التــــــقليد جـو يركضونـي
طشّوا عمـــــــايمهم ولبسـوا بناطيـل 000 والموس فال أشـنــابــهـم والــدقـونـي
وأرقابهم ما ســـلمت من السلاسيـل 000 تطبّعـوا بطبـوع هيـــــــــــم البطونـي
في ذمـــــــــتي ماعـاد باقـي رجاجيـل 000 إلا القليـل وجعلــــــــــــهـم يثبتـونـي
صفـّـة بعد صفـّـة وجيلٍ بعـــــــد جيـل 000 كلٍ من اللي قبله أنقــــــص وأدونـي
هذي هي الأســـباب من دون تفصيل 000 شرحت روس أقلام بـــس أعذروني
واللي يبي تفصيل بالــــــــحيل بالحيـل 000 يقـدر يكلمنـي علــــى تيلفونـي[/align]
[align=center]الـقـصـيده مـنـقــووووولــــه[/align]
