السلمان

في اوائل سنوات حكم الامير محمد عبدالله الرشيد غزا الامير محمد ساجر الرفدي وابن قعيشيش وابن مهيد حول حدود العراق في مكان يسمى السلمان فعرفت المعركه بكون السلمان فانتصر الامير محمد الرشيد وخذاهم فقال الشاعر حسن التبيناوي هذي القصيده :
[poet font="Simplified Arabic,4,white,normal,normal" bkcolor="black" bkimage="" border="double,4,black" type=1 line=200% align=center use=ex length=0 char="" num="0,black" filter=""]
مزنٍ نشى عقب الصحا تقل ضلعان = خيال من المنشى تناحا روايا
مزنٍ بروقه بالدجى تقل ضيّان =رخم نشت من عاليات البنايا
من راس لينه للخشيبي وفيحان = سيله تضايق به وساع الثنايا
وسميةٍ تنبت مع العشب فقعان = وتحرم على من ذاق مثله شفايا
سحابةٍ هلّت على بيت رفدان = تمطر بسمحين الوجيه الطنايا
تمطر بفرسان وخيلٍ وصبيان =وشلفٍ وحدبٍ ناحلات الشبايا
غلبت مطرها بس دمٍ ودخان =وصار الزبد روس العيال الشفايا
وحلو يومٍ به خذا الَدَين ديّان =بالفاطر اللي عندكم له حكايا
كزّت حنينه يم طلقين الأيمان =وناداه شيّال الحمول الملايا
بالخيل والحلّه وشاةٍ وقطعان=ودلٍ لزينين المحازم حذايا
بسهلة شراف إن ثار عجٍ وميدان =لليل يطردكم عطيب الهوايا
وجبنا حديد خليف والبال طربان= لعيون من يلبس جديد الحظايا
يما حلا ياخليف ردٍ بالأظعان = وركاب كيره فوق جال الركايا
ويما حلا ياخليف والبال طربان = يما حلا تحذا عليه الحفايا
ويما حلا ياشوق مردوع الاوجان = ردّو علىالسلمان صيفٍ رعايا
وحلو ملحتكم على الكبد شملان=متبوعةٍ ياشوق صاف الثنايا
ياخليف شدّو فوق عدلات الامتان=رملٍ لهن قطع الديار الهوايا
كزّو سبور الموت طلقين الايمان=يبغون عشر عطاف بين القرايا
بدر الغتاري طالع السبر دغمان=وسرى على النومه غثيث الحلايا
بلمّ كلابه وإنهزم شاف الاوطان= ودرق بربعه عقب هاك الحمايا
ودورك وجب ياعمس الاشوار بوقان=يوم الزمايل مايبدّن ضحايا
حاديك صلو المصطفق عز الاوطان= أسباب تقطيعك جميع العنايا
جمعّت من جرع السماوه لحوران= هذي عمولك ياخبيث السجايا
وسحابتك صارت على راس جدعان= سيله على الفدعان ماينتنايا
بيومٍ عبوسٍ به عجاجٍ ودخان=غطى الشنافيّه وهاك الصرايا
ثار العجاج العجملي تقل ضلعان=لمّا كسى الفدعان عج الطنايا
وردو كما ورد المعاطيش غدران=وحملت عيال دهام جيبه حظايا
ميسين منها ياقليلين الاظعان =هذي علوم دغّيمٍ والحكايا
اقفى حمول الخيل طلقن الارسان=غصبٍ وخلّو راكبات الحنايا
نسوان اخو قطنه مثل وصف غزلان=ينّخنكم بالصوت ياهل السبايا
ردّن بوجه الشيخ فرّاق الاقران=شيخٍ يحمل معورجات الجنايا
شيخ فرق بنت ابن ملحم وجدعان=وبنت الغبيني مثل عنز الشغايا
سبحان من حط المها فوق قعدان=وذراهن اللي ماتجيه المنايا
بيومٍ يهيل المنتظر كل الالوان=شبعت به العجبان هن والحدايا
وشبعو هلا الديره وشمر وظفران=وشبع به اللي قاعدٍ بالقرايا
واوقد بعمدانٍ على دور عرنان=جرودٍ ومن طول الليالي تنايا
وكونٍ جرى ياخليف ماجاء بالاكوان=من َركْبة الحكام بوق المطايا
اعفى المجرّه والعساكر والاوطان= واعفى الظفيري يالقلوب العمايا
ياما فرق به من خليلٍ وخلاّن = محمد زبون الجاذيات الونايا
محمد زبون اللي على العمر شفقان=في ساعةٍ به مثل مل الشوايا
ذعار السبايا وان تعاقبن الايمان=لاطالع رقاق العجاج السرايا
بك من عرار وفعل ابا زيد نيشان=اشوق قربك وصاف القبايل تعايا
يالضيغمي مدري على أيّات الالحان=إنت المحير اللي يلمّ القرايا
يامصطفق خلف السبايا بالاطعان=ياللي لك الجرد الاصايل عطايا
قبلك ترانا بالمهونه وحقران=وشيوخنا من ضيم بشرٍ عمايا
نامت عيون امواتنا والسلف بان=ولهودنا اللي ماضياتٍ برايا
جمّعت كون اللي له ادنى بالاقران=لعشرين جمعٍ ماعليهم حكايا
أودعت نثر عظامهم شت نجران=للحشر راحو يفلحون التلايا
يادرةٍ تغني القبايل بالأثمان=ياجوهرن يسقي القلوب الظمايا

[/poet]


مع تحيات خالد الجعفري

[align=center]القرم / خالد الجعفري لاهنت على ذكر كون السلمان ، والأنتصار الكاسح لشمر بقيادة ملك نجد أخو نوره الامير / محمد بن عبدالله آل رشيد ..

وان شالله نشوف منك المزيد من المواضيع والمعارك التاريخيه ..

دمت بألف خير ولاعدمناك طال عمرك أخوك / بندر الشمري .. [/align]

[align=center]الضيغمـــــي:)

ياعلــــك تســـلم يالعــــزوة

قصيــــدة سألت عنها منذ مبطــــي ما قصّــروا الإخـــوان لكن غيــر كاملـة

اما هنا فإنــــي اراها كاملة ولا كامل إلا وجهه سبحـانـه ،،،

رااائع اخي العـــــزيز

والسلاااااام ...
..[/align]

ياعلك يامخلب دوم سالم

والمعروف ان ابن قعيشيش
ذبحوه شمر بس بهذي المعركه او غيره مادري

على العموم ماننحرم يامخلب

[align=center]سلمت الانامل
وماقصرت 00 جعلك على القوه
دمت بخير
اختك 00 المهرة[/align]

اخواني ( بندر وراعي الوقيد ومشعل والمهره )مشكورين على المرور والتعقيب الله لايهينكم








اخوكم خالد الجعفري ـ حائل

لاهنت يالذيب


وخوش قصيده الله يطول بعمرك



اجمل تحيه لقلبك

الله لايهينك يافلاح على المرور مشكور اخوي




اخوك خالد الجعفري ـ حائل

الاخ مشعل دهام الله والعالم انه ماهو بالمغزى ذبحوه شمر الظاهر بمغزى ثاني
ابن مهيد :تركي بن مهيد
ابن قعيشيش : دهام بن قعيشيش
الرفدي : ساجر الرفدي
وجميعهم من عنزه

[poem=font="Simplified Arabic,4,black,normal,normal" bkcolor="white" bkimage="backgrounds/17.gif" border="outset,4,gray" type=0 line=0 align=center use=ex num="0,black"]
اخوي خالد يعطيك العافية علومك طيبه ماقصرت
وشكرا لمجهودك الطيب يالغالي ...[/poem]