حايــل فخر شـــمر هل الدار والجار
[poet font="Simplified Arabic,14,black,normal,normal" bkcolor="skyblue" bkimage="http://www.shmmr.net/vb//backgrounds/13.gif" border="double,4,gray" type=0 line=200% align=center use=sp char="" num="0,black"]
حورا سنا نوره بسحر البها سار=باهر بهاه أطفا بها جملة الحور
طلّت وهلّت واهمل الوبل مدرار=يبكي سماه ويضحك الورد مسرور
غنا غنوج تبتسم لك بالازهار=عبيرها مسكٍ وعنبر وكافور
تشكلت فيها الروابي والاشجار=لبست حللها زينة القد والطور
فاحت روايح ريح روحه والاثمار=نشوة شذاها تنعش الروح بعطور
عليلها يشفي عليله بالاسحار=ترقص غصونه بالصبا ، تيه ، وغرور
دانٍ جنا جناتها الخضر وجوار=طربٍ بها البلبل يغرد لشحرور
تكاملت وامست محطٍّ للانظار=صيغت بها الاشعار نظمٍ ومنثـور
ناديتها بخضوع واجال واكبار=مستسلمٍ هايم ولو مت معذور
بالله يا نور العذارى والاقمار=من وين يابدرٍ تكامل بديجور ؟
قالت سنا شمس العرايس والاقطار =تاج الجمال ومنتهى الحسن والنور
أهلي رجال المجد وافين الاشبار=لطامة العايل فنا ، كل ، طابور
يا ما تفانوا وارخصوا غال الاعمار=من شان شاني واسمي اليوم مشهور
حايــل فخر شـــمر هل الدار والجار=يوم اللقا صبيان حايل علي سور
قومٍ إليا ثاروا هل الدار للدار=تفرح بهم عيني وافاخر هل الدور
قومٍ تج الضيف لكتار وبهار=طبعٍ تواصوا فيه ، غِيّـاب واحضور
يا دار حاتم لو تنحيت مقدار=القلب بين الحمر والسمر ما سور
دارٍ نشينا به مواليد وكبار=حقه كبير وعقها زور وفجور
أمٍ لنا نفخر بها سر واجهار=أهل الجبل دونه سبيلٍ عن الجور
يا ما وطوا ، دونه من النار والحار=أحدٍ فنى واحدٍ بذل كل مذخور
[/poet]
وسلامتكم
والله اعجبتني قلت يمكن تعجب
