رحله من نخبة الشعراء في رثاء المرحوم بأذن الله طلال الرشيد
[align=center]بسم الله الرحمن الرحيم
اعضاء ومشرفين شبكة الطنايا
السلام عليكم ورحمة الله وبركاته
اسمحوا لي ان اضع بين ايديكم
بعض واجمل ما قيل في رثاء
المرحوم بأذن الله طلال الرشيد[/align]
__________________________________________________________________________
[align=center]القلب الابيض
لا الجمعه الجمعه ..ولا أعيادها أعياد
ما كن هذا عيد ولا بجمعه
المجد لو ماتوا هله .. تولد أمجاد
والجراح ما تطفيه صرخه ودمعه
مليون من قبله ومليون به زاد
ذيك الاوادم طبعها غير .. طبعه
واحد يموت وينقلب شكل الأعداد
(طلال) عن مليون بقلوب..ربعه
ماتوا هله قبله جماعات وأفراد
وبقلوبنا حيين شيمه وسمعه
أخوان (نوره يومها ويل وعناد
تباشروا بالموت طيب وفزعه
شمر عمود البيت والبيت ووتاد
الله سقاهم علم غانم ورفعه
طلال يبقى حي وتموت ألاوغاد
بقلوبنا ليل وطواريه..شمعه
القلب الأبيض موتته هزت أجود
تعشق وفاه وطيب ساسه وطلعه
ليت العتب ينفع ونعتب على بلاد
بأحضانها ذاك النهر ..جف نبعه
ليته بقي حي على روس الأشهاد
وليت......راح من غير ..رجعه
يا عيد فارق ما ورا أخبارك أعياد
وسلم على جمعه بلا أي جمعه
الشاعر | فرج صباح[/align]
__________________________________________________________________________
[align=center]عقبك.. مالي خليل
مارحل غيرك ولاغيرك بقا
هو بقا غيرك عقب هذا الرحيل
ما علي وجهك سوى زود التقا
ولا خذيت من الحياه الآ الجميل
ولا كسبت من النفوس والا النقا
ولا تركت من الصبر غير القليل
كل حزن في وداعك التقا
وكل شي من الالم وده يسيل
طيب النفس بالطيب وارتقي
مايحط الابياض..ولا يشيل
يا طلال ..الحزن تو..انه رقا
واستقر بداخل القلب العليل
كنت أنا وياك والشعر اصدقا
بس من عقبك أنا مالي خليل
كل مااكتب بيت قال: اخر لقا
راح من يكتب على الوزن الثقيل
الشاعر| ناصر المطيري[/align]
__________________________________________________________________________
[align=center]الموت ...يشتاق
قلنا المصايب أدبرن واثرهن جن
ولا ينحسب فعل المقادير عليله
اثر المنايا عارفات يتنقن
فاتن على ما يخيب نزيله
حتى قسي الموت له قلب ويحن
ويشتاق اكثر للنفوس الجميله
لو يعرفون التافهين ذبحوا من؟
تفاخروا..لابو من انتم حثيله
ولد الشيوخ اللي افعاله تعدن
المرجله. والمعرفه والنفيله
لو النساء من عيونهن زود يلدن
ما ينجبنه ولا يشيلن مثيله
هذاك ابو نواف يا عارفه ثن
هاك الطويل اللي افعاله طويله
والناس ما تكسب غلاها بضحك سن
الناس تفهم بالخطا والفضيله
واليوم ياعيون الشقا لو تباكن
تسعين عام ما نسينا رحيله
يا كبر حزني يوم شفته مكفن
وشلون شيال المصاعب نشيله
واقفيت من ارض على ترابها دفن
ما شفت وحشه قبر كنه خميله
الشاعر| عبدالله محمد الرويلي[/align]
__________________________________________________________________________
[align=center]فاجعة الشعر والإنسانيه
لو القصايد قولهن رد ابنسان
مامت ياللي مزعل عداك موتك
ولو المنايا تندفع فيها الأثمان
ماغاب عن دنيا المحبين صوتك
ولوتنفدى بالدمع ياكثر الأعيان
اللي جرت مثل البحر في ـ تبوتك
ماكان رمايك ولا كنت نيشان
صابو علم واغضت عليهم بخوتك
من العفاف اللي كسا طهر الأبدان
ثوبك حلف ما ياصل الدم كوتك
ليت القدر عداك يا ذرب الإيمان
ولاوقفت شوي لا ما يفوتك
لو قدرو وش كثرها فيك الأحزان
مالبسو سود الليالي نعوتك
ياللي غيابك حرق قلوب ووجان
ولا أنت ما يحرق زمانك كروتك
وان كان ما جر القلم فيك الأوزان
تشهدعلى درب المراجل بشوتك
ماتنبني اليمنى يسارك بالإحسان
فزاع ما تذخر من الجود قوتك
يسقيك ياقبر(ن)بهالطيب سكان
نبت البختري..والخزامى خبوتك
غيم(ن) حقوق(ن) من مناشيه
هتان بأسماك يارب الخلايق دعوتك
ومن عقبها تلفي على روض وجنان
بأعلى المراتب نرجي الله ثبوتك
وان صار بالدنيا قطاعه ونسيان
من غير فعلك خلدنك بيوتك
عبيد الدبيسي[/align]
__________________________________________________________________________
[align=center]طود الجبل طود
راكان بن حثلين حينما أطلق سراحه من الأسر في وقت الدوله العثمانيه في تركيا قال قصيدة موجهة إلي الامير محمد بن رشيد في حائل\
(ســـــــــــلام أخو نوره لزوم عليه......)
مات الفقيده والبقاء في عضيده
اللي مثل فعله له الطيب مشهود
متخالط دمــــه بذمــــــة وريده
طلال مات وغير طود الجبل طود
صحيح لا من مات قلنا فقيده
لا شك بيت العز بالعز مشيود
الموت حق ودام ربي يريده
العمر عند الله محدد ومعدود
وانا أشهد انه راح منا وليده
وطلال لا من ملت راكان موجود
البارحه جات القصايد جديده
والسالفه طابت على كل محمود
سوالف رجال تمثنت فريده
في وسط جوفي ياعساهم على الزود
أقول قولي والسجايا حميده
صوب الرجال اللي نخر عظمها الدود
سلام أخونوره أردد وأعيده
للي جناب مشاهده كنه العود
عيني على فرقاه ماهي سعيده
يوم الليالي جرعتني من الكود
يوم الطنايا شوفهم يوم عيده
وقصره كما برزان مبني على الجود
مات الفقيده والعوض في عضيده
عبد العزيز اللي له الطيب مشهود
فالح بن دهمه[/align]
__________________________________________________________________________
[align=center]ياراس الشرف
مرحوم يا راس الشرف والمروه
يا متعب بالطيب نفسه لغيره
ينعاك غيم سيل القاع نوه
وينعونك رجال الوفا والبصيره
وينعاك حر طال فعلك علوه
ومن هدتك كلن تمنى مطيره
وينعاك سعر عقب موتك تشوه
ولاعاد عقبك كل روح تثيره
رجل حيا بالعز واقتات ضوه
طيبه كبير ولو حياته قصيره
والله لو ان الموت يدفع بقوه
ردوه شمر بالسيوف الشطيره
لاشك حق وفي حديث النبوه
ولادايم إلا اللي يعلم السريره
والقبر غيب..ضم غيرك وتوه
ويضم خلق مثل نفسك كبيره
الله يجيرك من عذابه وسوه
وينجيك من نار الندم والسعيره
قلته يابو نواف لأجل الأخوه
ومن طيب ساسك والبلد والعشيره
زعل الرشيدي[/align]
__________________________________________________________________________
[align=center]نعي الشعر
الشعر ينعا الي رحل وفتقدناه
طلال راع الطيب راع الحميه
والشعر ينعا الي ليا حل طرياه
تاقف له بيوت الشرف قابليه
من روس شمر أطلعه فعل يمناه
من طلعته عز الرفيق وخويه
ابن الرشيد الي رحل جعل مثواه
في جنت فيها الوجيه الرضيه
عن كم يتيمن تمسح الدمع يمناه
ويشهد على فعله اإلاه البريه
ويشهد على ما قول من لا ذبحماه
مرحوم ياراع اليمين السخيه
آمين جعله فالجنان الضفيه
عوض بن طالع الحربي[/align]
__________________________________________________________________________
[align=center]كلنا نبكي طلال
المنايا لو تعرف الطيب ماتاخذ عميده
لكن اللي راده الله مالنا عنه وغيره
كلنا نبكي طلال وعزوته تبكي الفقيده
نرفع ايدينا وندعى ياعسى الجنه مصيره
ذاك هو رجل المواقف والمراجل ذاك سيده
ذاك هو كل الوفاء كم يتيم جاه خيره
ملت حروف القصيده ماقوت تكيب قصيده
كل ماتكتب تعيده تصبح بكبره صغيره
كم شيخ في طلال ينثرالدمع ويزيده
كم طفل قام يبكي حزن ودموعه غزيره
ياليال ابكي طلال..سايق الخيروعضيده
ابكي اشعاره ونبكي راعي الشعر وسفيره
يامنايا عقب ما خذيته والدنيا زهيده
دارت الدنيا وسارت واحزنت ناس كثيره
القدر لاجاء من الله يستوي فيها عبيده
حق ما ندري متى؟وربي يوم له مسيره
ابراهيم عبدالله السنيدي[/align]
__________________________________________________________________________
[align=center]سر الغلا
توي..وليتي توني..ولا احتوتني هالطعون
ياكثر ناس للخبر مستوعبين مكذبين
الموت حق ومن غلاك أعمت عواطفنا الظنون
يقين أقرب لاحتمال الشك رغم إنه يقين
طلال من قال الطنايا بس أوبس المزون
حتى المزايا من بياض الوجه إلين إلين إلين
إلين جينا كلنا(نواف)صابر ومغبون
حار العزا بينه وبين قلوبنا يا المعدمين
طلال والغدر إن تعدى أوتمادى وش يكون
عثمان من قبله عمر راحوا بغدر المارقين
طلال آه..الحزن يحبس فيني الآه ويمون
اصبر إلين الآه تعبث في حشاي وأستكين
طلال يا أسمى من رثاء الشعر ودموع العيون
طيبك شموخك من شمال حسرة ذهولي من يمين
طلال يستسلم قصيدي للمواجع للسكون
كل التعابير إن تلاشت عذرها الطرح الحزين
طلال تسترسل جروحي للموده للشجون
للهاجس اللي من عرفك سنين وأغرته السنين
طلال لو عاش العطا بعدك سنين إلا قرون
ما حاش ما حازت يمينك بالعطايا يا ا لمعين
طلال يالله ما بقى إلا مابقى للسابقون
حقك علينا نرفع يدين الرجاوي صابرين
عبدالرحمن الرشود[/align]
__________________________________________________________________________
[align=center]رحيل....قمة المجد
للشعر وشعور العباد وفواصل
وإلي القيم في كل معنى وخصله
للمجدوآيات العلا والمحاصل
ننعى الذي ما اغتر بأصله وفصله
مرحوم ياللي لقمة المجد واصل
ومن الرحم يزداد غيثه ووصله
يسعى لغرس الطايله والتواصل
من الطيب ساس ينتسب له وأصله
بالعز له سيف يقص المفصل
يقص من شيطان حقده رقصله
بين الرشيد وبين الأنذال فاصل
والطيب يقرن فيه ياصعب فصله
على المحبه من مباديه حاصل
وبه من سمات الطيب تسعين خصله
عبدالعزيز بن سليمان الفدغوش
مدير تحرير مجلة الشرق[/align]
__________________________________________________________________________
[align=center]طلال يموت!!!
ياحفار القبور أسالك بالله احفر بصدري
أحن ابن الكرام من التراب يضم جثمانه
دخيلك نزله بين الضلوع العوج أو تدري
تعال نمدده بالقلب جايز تركدأحزانه
وربي مافجعني يوم علم ولاكسر ظهري
مثل علم الشجاع اللي توفي خارج أوطانه
وقفت أتامل الدنيا بدونه وأكل بظفري
شعرت بوقتها كن الخفوق يعض شريانه
طلال يموت!!لا والله أحس العالم تهذري
طلال الشامخ الشاهق يموت!!الناس حلمانه
شقول لعيني إن شافت فواصلهاه؟وش عذري
وقالت\فاصلة بيضاء محمد مالها خانه!
وش أتعذر وأقول لمسمعي لو سيرته تطري؟
وش أتعذر إذاسمعي حضن نبرات ديوانه
ياكيف أنسى كلامه يوم جيته شايل شعري
سمع مني وصفق لي وقال بعضمة لسانه
لو أدري إنك بتتعنا لنا جيناك من بدري
(فواصل)بيتك وعلق قصيدك فوق جدرانه
رفع من معنوياتي وخلا الدم بي يجري
بعدما كنت يا~س والمشاعر جد ضميانه
كتبت وصرت أنافس كل شاعر من بني عصري
وإذا (الملتاع)راهن شي عادي يكسب رهانه
أنا الملتاع والله من فقدته والألم حصري
مثل طفل يتيم فوق ضيمه جاروا إخوانه
وش أذكر من صفاته!فارس وفيه الكرم فطري
يمد ويصبح الطائي صبي من ضمن صبيانه
هدوئه يشعرك بأن الكلام بحظرته مغري
كلامه يشعرك بأن الهدوء إن طال له شانه
إلامنه استقام طويق وإن تكى هرم مصري
بعمره ماظلم إنسان وإلازعل إنسانه
ولكن حكمة الله قد قضت في أمره وأمري
قضاه يموت وأتحسر بأمرالله سبحانه
دخيل الله ياحفار القبور تحطه بصدري
أنا أو لا فيه خلصني ترا الأخلاق تعبانه
محمد عويضة[/align]
__________________________________________________________________________
[align=center]غبت ياسيف الطنايا.....والبقا بنواف
من لفا علم الجزائر امتزج لون الكآبه
في عيوني لين صار العلم اكثر من اكيد
يرحم الله من توفى وافجع الناس بغيابه
والحزن في ذمتي ما اختص في (آل الرشيد)
كل نفس(ن)تعشق العليا وقوله مرحبابه
تذرف ادموع المفارق فيك يااغلى فقيد
والله ان الشعر يعجز في حروفه والكتابه
ماوصف هم تزاحم ثم جرا وسط الوريد
غبت ياسيف الطنايا ومركز الجود ونصابه
غبت لاماغبت!!غاب الفجر والله الشهيد
جعل ربي يسكنك جنات عدنن والصحابه
بين(صديق)الرساله وبين (خالد بن الوليد)
وجعل ربي يسعدك بالقبر ويجعلك برحابه
وحده(الغفار)و(المنجي)و(ذوالعرش المجيد)
ويالله الرحمن عينه في سؤالك والاجابه
وطهره من كل ذنب مثل مولود جديد
ولاتقول الارضينا بحكم خلاق نهابه
ومن يموت من دون نفسه صار باذن الله شهيد
والبقا(بنواف) جعل الله يخليه لشبابه
ومن يخلف مايموت وهذا هو العلم الاكيد
فيصل العدواني[/align]
__________________________________________________________________________
[align=center]أعظم جلل
اعزي الشعر والشعار راعي الوجوب
واهل مجلة فواصل والقلم والكتاب
الله يبيح الفقيد اللي عليه القلوب
تكسرت مثل كسر الكاس في سد باب
طلال مقتلك ذنب من كبار الذنوب
في عنق شلة خراب جعلهم للذهاب
لوهي مواجه تضيق ابهم وساع الدروب
لكن غدر مثل ذبحت ذيب ولاعقاب
اهل الطنايا تعزيهم جميع الشعوب
فاعظم جلل مقتل الملتاع واكبر مصاب
فالعود وارى الثرى فالعصر قبل الغروب
نمشي وحنا على الجثمان عوج الرقاب
سافر على الموت يضحك في بلاد الحروب
الناس هابت وبو نواف عيا يهاب
انا اشهد انك عزيز عندنا ومحبوب
ماللشعر ذوق بعدك ياعزيز الجناب
يالله ترحم شهيد للمعاظل ينوب
عساه في جنة الفردوس يوم المئاب
تسقيه منوادي الريان عذب الشروب
وتطلق لسانه وتلهمه الخطا والصواب
يغسل من الثلج والمنزل وسيع رحوب
وتطهره مثل ماتطهر بياظ الثياب
الله يرحم ويعفو عن عديم العيوب
فالمجتمع طلته طله مزون السحاب
ويالله سلط على اللي يعترض للجيوب
نذل(ن) قتل راس قوم وهو ما يسوى ذباب
عبدالرحمن أبا الجيش[/align]
__________________________________________________________________________
[align=center]دموع الشمريه
اعزي فيه نفسي والطنايا
وحكام الوطن قبل الرعيه
ابنعى القرم زيزوم البرايا
واعزي به كريمين السجايا
واهل حايل عيال الحاتميه
واعزي فيه الاقصى والدنايا
واعزي فيه جرد المهمهيه
واعزي السيف زظهور المطايا
وقب الخيل ونصل الحضرميه
واعزي مجلسه جزل العطايا
ودهن العود وبن الشاذليه
واعزي الطرس ياسود المنايا
بعزوة كل عذرا يعربيه
ولايفعل مثل ذيك السوايا
سوى المؤمن بخلاق البريه
بيلقاها بعد حطوا النصايا
على قبره ابو كف نديه
لعله روضة خضرى النحايا
بها حور بدال الغشمريه
على ما كان من بيض النوايا
بقرم ماتردى في خويه
طلال انكان تبكيه القرايا
انا لبكاي تبكي الجرهديه
وأنا اولى بالعزا به يابرايا
جدوده من جدودي ضيغميه
عبدالله بن فلاح الحميدي الهاجري[/align]
__________________________________________________________________________
[align=center]حزن العيون
يانجم ياللي غبت والاجل محتوم
بقلوبنا عايش وتعرف وتنشاف
يبقى مكانك في سما المجد مرسوم
لو كان واريت الثري يابونواف
نجمك لمع لوكان من حولك نجوم
مجد لطلال ومجد من عهد الأسلاف
بأرض الجزاير مات من نجد شغموم
طلال موته غدر في كل الأعراف
الله يجبر بالعزا كل مكلوم
وحزن العيون اللي بها الدمع ذراف
على سمانا خيم الحزن بغيوم
مرحوم ياللي لك مكانه وميقاف
يبكيك مهموم وينعيك مغموم
ويبكي على موتك مساكين واضعاف
ويبكيك مرضان ويتيم ومحروم
الخيرلك مبدا وغايات وأهداف
بقلوبنا ذكراك تبقى بها دوم
عالي مقام وبالفخر فوق مشراف
حر على درب العلا تبعد الحوم
ومن بعدك المقناص والشعر ينعاف
أرثيك من حزن بالاحساس مكتوم
يالله عسى الرحمه لك فراش ولحاف
ومنازلك بالخلد مع صفوة القوم
ويجبر عزانا فيك والرب رواف
لولا الأجل ماهو مقدر ومقسوم
والله لا أ قول الموت ما عنده إنصاف
يالله ياللي بأمرك العبد محكوم
تحفظلنا( عبدالعزيز) و(نواف)
محمد بن إبراهيم آل إبراهيم[/align]
__________________________________________________________________________
[align=center]ياطير..
ياطير ملتاعك ترك لك وداعه
وداعتك نواف ياطير تكفا
تكفا طلبتك لاتزيد التياعه
سم الغدر ياطير كفا ووفا
قل للخسيس اللي على الموت باعه
طلال ذكره حي لو هو توفا
صحيح مات وطاح نجمه بقاعه
وبقلوبنا من موتته1000شلفا
ياطير تكفا قول موته اشاعه
ياويلنا ملتاعنا وين اقفا
عزي لشمر والطنا والشجاعه
وعزوا معي في موتته كل وطفا
وإلا الشعر وشلون نقدر سماعه
لو شعرنا موزون ولا مقفا
تبكيه شمر كل لحظه وساعه
وحاولت اخفي حزننا ما تخفا
مبارك الشودحي الشمري[/align]
__________________________________________________________________________
[align=center]وقفة السنديان
حل يارب عني عقدة بالسان
ودي ابث حزن ضاق منه الوريد
الحزن ماله آخر والله المستعان
المصيبه كبيره في رحيل الفقيد
غاب عنا طلال وصادق الود بان
اشهد انه ترك تحت المحاني رصيد
الفجيعه بموته للنفوس امتحان
لكن الله بخلقه يفعل اللي يريد
العزاء فيه لأمه والضنا والاخوان
والأهل والقبيله والوطن والرشيد
بعدهم قلت اعزي وقفه السنديان
والنجوم(وفواصل)والكرم والقصيد
والوفاء والشهامه والقسى والحنان
والإماره وحايل والشموخ الأكيد
مات امير صنع له هيبه وصولجان
عاش عز مجيد وضم مجد تليد
كان فارس زمانه كان نجم الزمان
كان جم التواضع والسلوك الحميد
في عيون النشامى فارس له كيان
وفي صدور العذاري مثل عقد فريد
له تميل القلوب وله يشير البنان
انه النجم الأول لو ماهوب الوحيد
طاريم الجزاير ماهبط للهوان
مع دروب المراجل قال هل من مزيد
كان قنصه هناك وكان يومه وكان
في بلاد الشهاده جعله الله شهيد
عل طوبي مقره في نعيم الجنان
بين حور حسان وبين طلع نضيد
قيل من حبه الله حب خلقه ضمان
ولانزكي على الله في العباده عبيد
المحبه من الله والد لايل بيان
شوفوا الناس تنعى من قريب وبعيد
محمد الجلبان[/align]
__________________________________________________________________________
[align=center]عصامي على الشيمه تربى
رصاصات الغدر قد عاجلنه
بدافع حسد..وخيانه....غزنه
وهو غافل بفن الصيد ماشي
هوايت الملوك الصيد فنه
طلال الشهم..عشقه والهوايه
رياضات الشرف من صغر سنه
عصامي على الشيمه تربى
ركاب إبليس ما يوم اعسفنه
بطاعة خالقه دايم عسفهن
وروضهن حشا ..ما روضنه
لو انه يعلم بغيب الليالي
رصاصات الغدر ما يغدرنه
إنكان احتاط لاعداه ونصاهم
وطحن لرحيهم ما يطحننه
ولو هم جوه عن كثره نطحهم
وبنادقهم عطبهن ..ما اعطبنه
سلالة من بساحات المعارك
مضاربهم ياكم خصم كلنه
وكم زاحوا من اعدا(ن) قابلوهم
سوابقهم ياكم ضد وطنه
ولهم للضيف بيبان تفتح
ومدات ضعيف يسترنه
وبهم حب الوفا مغروس دايم
سنوات العمر ما غيرنه
وأعود أذكر طلال الشهم وادعي
إله خالق لا نسه وجنه
برضوانه ومغفرته يعوض
لابو نواف عن دنياه جنه
واعزي جملة ابناه وشقيقه
مع امه مع عذارى يقفدنه
مع الرشيد جمله عزراسه
رجال كل طيب هم مغنه
واعزي كل شمر بالعصامي
وليال الوقت كم نجم محنه
وهذي سنة الله في عباده
ليال الوقت ما ادنن بعدنه
مافيه أحد يبي يبقى مخلد
سهوم الموت كل قد خذنه
ولكن يالله بحسن الختامي
لنا يا الرب تفتح باب جنه
عمير بن زبن بن عمير[/align]
__________________________________________________________________________
[align=center]هوصحيح اللي يقولون
الحزن طاغي وياشينه على كل الدروب
ليل اظلم موحش ماهو مثل كل الليالي
سولفت فيه العيون وسولفت فيه القلوب
والورق من زحمه الافكار يغرق فالخيال
والمدى يشيل الصدى عالي على شال الهبوب
والسؤال اطول جواب من جواب اطول سؤال
وش بلي صوتك ياحايل ضايع ووجهك شحوب
ليه اجا وسلمى حزينه والمرابع والتلال
مات ابونواف!!ياكبر المصيبه والخطوب
موتت الرجال شروي الطيب تهز الرجال
مات وادري الموت حق بجاه علام الغيوب
وادري كل شي بها الدنيا مصيره للزوال
بس طيبه غيرها الانسان نادر ومحبوب
سيرته بيضا ويزهاها تواضع واعتدال
وش ابكتب في سليل المجد والحرف مغصوب
وش ابكتب والاماني كلها صارت محال
مابكت بلحالها نجد وبكما معها الجنوب
والحجاز يجاوب الغيم ويجاروبه الشمال
والحزن سافر على كل القبائل والشعوب
والعيون ابطت تسل دموعها لوافي الخصال
عزتي لشمر على اللي من محاجرها يذوب
صافي ما كنه إلا الما زلال(ن)في زلال
ياكبر فقد السناعيس لعزيزين الوجوب
الفقيد اكبر وش اكبر من فقيدتهم طلال
يا الله اني طالبك وان كان بكتابه ذنوب
تمسح ذنوبه وتنزل رحمتك ياذا الجلال
خـــــالد الجـــــــبر[/align]
__________________________________________________________________________
[align=center]الفقيده
مؤمن واعرف إن المقادير بالأمر
والأمر أمر الله وأنا من عبيده
لكن ضلوعي عيت تبايع الظمر
بكيت مثل اللي مضيع وحيده
وما مرر عيوني على صالي الجمر
إلا خبر موت العزيز الفقيده
فقيد شمر والمباهير والتمر
طلال بن عبد العزيز الوليده
يوم العطا (مخبا)طلال العطا عمر
الضيغمي يستلها من وريده
طلال غامر كفته بالشرف غمر
واحد ويسوى بالملاقا بديده
عليه حايل شمها السمر والحمر
تبكي وتبكيها الديار البعيده
موته هدم من شمر الشامخه أمر
(مر)أصبحت وأربع جهاته وقيده
ياليت كل ذكرى معه تنظمر طمر
المشكله من وين ما أهرب تعيده
ويالله(.....)راجف(ن) يدمره دمره
يجعل عواليها سوات الجريده
ويارب تقضي روحه لجنة الخمر
يسكن بفردوس الوجيه الحميده
عياد الــــشمري[/align]
__________________________________________________________________________
[align=center]طبع الجنايز!!
مال العظيم إن راح عاده نكوفه
لاختار إله ربه نهايه مطافه
لو فالوجيه اللي تحبه نشوفه
وفعيون من يبكونه الكل شافه
ذا هو من كانت موادع كفوفه
على المعزه والشرف والنظافه
طلال عند المرحمه به مروفه
وعند الفخر بيت يذري إلحافه
يابعد أبو نوف فرقه ونوفه
أبعد من الهقوى وبعد المسافه
عسى نزيل العود غالي ضيوفه
يخضر ضريحه وورقة عن جفافه
للي ترك وسط القلوب معروفه
من الدعاء كثر الحضور إلتفافه
نبكي وقبره فوقه اللبن طوفه
وإرجال شمر والصحن والصحافه
وحايل تخومه نفس وجده ولوفه
عبدالعزيز ومنبر الشعر قافه
عزاء الضياغم من يشابه وصوفه
من حدبرزان الجبل للرصافه
يالله عسى شقر الحرار امخلوفه
كثر البياض وموت طاهر عفافه
شيخ زمانه مستحيل يطوفه
حتى مماته يشبهه باختلافه
السيف حده والخيول امعسوفه
والطيب نده شاهده باعترافه
شامخ وعمره ما انثنى عن وقوفه
بس الفقيده ما ذكر موت عافه
ناظر وراء أشكال الرجال أمخطوفه
ماكل قبر صاحبه في لجوفه
صيته ملا بعده مكانه خلافه
والموت واحد لوتعدد ظروفه
وطبع الجنايز عمرها ما تخافه
عاده نطح بالموت وجهه وجوفه
راع الطناء ما ردها للضعافه
شروى الذي فقده عليه الحسوفه
موته حسافه ثم حسافه حسافه
مانع القبع[/align]
__________________________________________________________________________
[align=center]كروش وصرخه
يالله يالمعبود رب البشر ذي
محي العظام اللي تقوم جسدها
الواحد الرحمن الرازق الحي
ارفق بقلب يوم كنه على غي
يوم اللهايب تصطفق في حجرها
مثل القزاز ويختلف عنه شوي
لامن تكسر في حماوة لهبها
مثل الفرح في ساحة العيد والفيى
يتلاه ضيم والخواطر كسرها
ومثل الحياء لامن فقد صفوة الري
تموت من عقب الحيا في محلها
حي النخيل اشلون يصبح بلا ضي
وأرض الجزيره محزنه كل بشرها
وجبالنا ذيك الشموخ المعالي
تلبس سواد يوم حايل لبسها
يوم اختفى شيخ(ن)على الطيب يضفي
بعلومه اللي من جدوده ورثها
صاحت عليه المرجله والقوافي
وذرب النوادر يوم كفه رسمها
وصاحت عليه عيال شمر واهل طي
درع القبيله ياطلال وسندها
و(كروش)تنخى رجعتك ياسنافي
و(صرخه)تصيح كفوف عز تحملها
يامن على تالي لياليك ناوي
ياالشامخ النبراس تبقى علمها
مرحوم يا رجلا توفى بقى حي
اطلال علمك راسخه في عمدها
ياأميرلك الله ولاباقيا(ن)في
ياكود موتك في عيوني سهرها
رافـــــــــــــع الشمــــــــــــــري[/align]
__________________________________________________________________________
[align=center]الحر..غاب
لاوالله الا غاب من نجد رجال
حر(ن)عليه يشبهون المناعير
رجال ذكره فخر في كل الاجيال
متميز(ن)بين الرجال المشاهير
ابن رشيد الضغمي نسل الابطال
طلال اخو نوره ربيع المسايير
ريف الضعافا والارامل والاطفال
وعون اليتامى والضعوف المقاصير
ظل الضعيف اللي حداه اشهب اللال
ومزبان شمر بالليالي المعاسير
يبكيه من يعرف مقام أهل الافضال
ويبكي عليه المجد والشعر والطير
وتبكيه حايل وارضها سهول وجبال
الخير اللي فاقدينه هل الخير
جاني خبر موته وانا صرت مهتال
ودلت دموع العين تنزل محادير
اظلم نهاري وزلزل الكون زالزال
اسباب موت الشيخ نسل الهزابير
هو عزوتي لاحدني ضيم الاهوال
وملجاي لاضاقت علي المعابير
والطيب ورث رجال تحيا به رجال
وطيب الخلف لامجاد الاسلاف تذكير
ادعي الذي نزل تبارك والانفال
بيديه تدبير الفلك والتدابير
يجعل لابونواف بالخلد منزال
مع الصحابه والوجيه المسافير
فيـــــاض عبدالله ناصر الشمـــــــري[/align]
__________________________________________________________________________
[align=center]وجه الظلام
بان وجه لظلام أسود شديد العتام
وانكشف ضي شمس العيد قبل المغيب
ياوطنا فقدت اليوم شيخ همام
مايقارن بغيره لا ولا فيه عيب
ياأمير وهبه الله حب الأنام
لليتامى ملاذ وللمرض هوطبيب
كل طفل يتيم وعود عيا ينام
كبر وصار يدعي له إلاه مجيب
وارث المجد كله من خوال وعمام
للكرم حاتم الطائي لوصفه قريب
لابس الطيب ثوب وللمراجل سنام
ما يخيب ظنونك يوم كل يخيب
وإنذكرت الشجاعه هي لصدره وسام
صعب لله دره في صفاته غريب
عيدنا اليوم نكبه غير كل عام
واستغفر الله كان قلت شي(ن) مريب
أحسن الله عزانا عقب عيد الصيام
والبقا للذي من فوق عرشه رقيب
صالح الســــــــــالمي[/align]
__________________________________________________________________________
[align=center]طلال ..الصيد أبطابك
• المرثيه
الا يالله الهمني الثبات وثبت أركوني
براكين لغضب ثارت وأنفاسي غدت نيران
تلاطم بالحشا أمواج حزن وتذرف عيوني
من الدمع وكضمت الغيض حتى جفف الشريان
ألوج وإنتخي وأنخى وأعض الكف بسنوني
وأهيم ويا ذكرت الله تعوذنا من الشيطان
أنا لا حول لي لا لا ولا قوةولاعوني
سوى بك ياغفور ويالطيف اللطف ويارحمان
سناعيس اذكروا رب العباد مكون الكوني
خلقكم من عدم والموت سنه واحد ديان
سناعيس أركدوا قبله أبوه وجده كحيلان
رحل صاحب سمو العز والشيمه عن الهوني
تشهد لحظة الغدر وثبت من قوة الايمان
رحل طلال ابن عبدالعزيز الضغمي دوني
ألاليتني معه ميت وتركت لغيري الأحزان
انا أصبحت من بعدك يابونواف مسجوني
ألا ياقدوتي يا تاج رأسي ياعظيم الشان
أنا لا من تذكرتك لسان الحال (اسقوني)
تجف الروح والأقلام واسمي يصبح العطشان
فـــــدغم الجبر المخــــــــيدش[/align]
__________________________________________________________________________
[align=center]وبل الدموع
مرحوم باذن اللي كتب لي مماتك
ياواحد خلف بها القلب حسرات
يمطر سحاب العين حزن لوفاتك
كن الزمن عود ذوت فيه زهرات
أطلال تبقى مع صدى ذكرياتك
بلطيب لك طاري وللهم زفرات
تبقى طلال الشعر دام أمساياتك
مثل البرد وان قيل بالصدر جمرات
طلال في حلك طلال اسفراتك
ياوافي ماهي بتوفيك عبرات
والاحروف صغتها قي رثاتك
قيفانها من بعد ما غبت غبرات
كل لقصايد بعد فرقاك جاتك
تنعاك يا الملتاع عقب المسرات
كل الفواصل حيرتها جهاتك
والمشهد اللي ما تصوره نظرات
وبل الدموع أخفيه واعلن غلاتك
ووبل الرصاص أشهر وللوقت غدرات
وإن كان شعري ما وصل في حياتك
اليوم من فقدك بيلقي ممرات
بندر بن نــــافع النافـــــــــع[/align]
__________________________________________________________________________
[align=center]طلال ..على القلوب النشامي تمون
يالله انك تحفظ الافئده والعيون
قبل هذي تذوب وقبل هذي تسيل
وش تشيل الصدور وش تشيل المتون
ما تحمل معاناة المصاب الجليل
ثالث العيد واول حزن واول طعون
بين صدري وصدري كل جرح نزيل
ان جلست اتنهد وان وقفت محزون
وش نخلي من اهات الزمن وش نشيل
غاب وجه حضوره باعتقادي قرون
يختفي وجه هاك الضيغمي مستحيل
ما يجي لو غياب بالعيون وحاضرا بالدليل
وجه اصدق من الواقع بوجه الظنون
وجه اطهر من الماء الصافي السلسبيل
يا طلال انت انا اعرفك كريم حنون
ياطلال انت انا اخبرك جواد اصيل
لو عرفت بغيابك وش جري وش يمون
كان ما تعاطي الناس الغلا والجفون
كان تبقي ولو مره عليهم بخيل
انت دايم علي قلوب النشامي تمون
يا ملا الخلد يا وجه مثيله قليل
ليت زيد ابلغ (1) الحاكم (2) بعلم يهون
وليتني ما تلقيت النبا والحصيل
ليل اسود بعيوني منه كل لون
عشت مع زيد هاك الليل..ليل طويل
قلت ابنشدك عن حاله وانا الحل دون
قال يمكن جريح وقال يمكن قتيل
كل قلب يخاف الله عليه مغبون
كن عيني تشوفه يوم جسمه يميل
على قبرك يابن متعب لحافه مدون
كل ما ذعذع الوسمي نصاه المخيل
وش فقدنا ؟ فقدنا الشيخ درع المتون
يالله المستعان ومنك صبر جميل
عواد بن طواله[/align]
