طلبتكم يا غلبا

السلام عليكم



قصيدة الامير عبيد ال رشيد

يابيه

من يردها كامله وصحيحه

فيخدمني بهذا الطلب

[align=center]ياهلا بـ ذيب الضياغم ، وهالقصيده للأمير عبيد بفرسه المشهور كروش ، وفي هذه القصيده يرفض الأمير عبيد طلب من والي مصر عباس باشا الذي سمع عن فرس عبيد كروش الكثير وارسل وفدا يطلبها منه، لاكن الأمير عبيد رفض طلبه ، وقال هذه القصيده الرائعه :-[/align]

[poem=font="Simplified Arabic,5,white,bold,normal" bkcolor="transparent" bkimage="backgrounds/26.gif" border="none,4,gray" type=1 line=0 align=center use=ex num="0,black"]
يابيه انا لكروش ماعطي ولا ابيع=قبلك طلبها فيصل وابن هادي

يابيه لو كثرت بالقول ماطيع=ياحيف تبيني اسلم جوادي!

يابيه مايرهم على مثلها البيع=ولايج مثله بقودة مهادي

ما جمّع اصله بالقراطيس تجميع=اصله يعرفونه جميع البوادي

باغٍ الا من لقّموها المصاريع=وصاح الصياح وثار عج الطرادي

انهج عليها وتعدى بالتراثيع=مثل الفحل لاصار وقت الهدادي

وأصلها لعيون بيض مفاريع=فوق الحنايا والسبايا غوادي

هذاك بيعه والصبايا مفاريع=بين القنا ومخفّرات الهنادي

هذاك بيعه كان ماتفهم البيع=لامنهن جلبن بسوق المزادي

يابيه انا ماسمع جوابك ولاطيع=هرجه بمقلة ناظري والفوادي

ياسابقي مانرخص بالمطاميع=حتم ولو قيل ارفعو بالجوادي

ابغي لاثار الدخن بالزعازيع=وحطو على عجلاتهنّ العدادي

بيومٍ يشيب من وحاه المراضيع=حدّين وحاديهن من الخوف غادي

انطح ورا ربعي وجيه المداريع=واقضي عليها دينهم والعيادي

وأنشد عن افعاله بعاد المفازيع=هو هرجنا ذا كذب ولا وكادي

من لابةٍ بالحرب ماهم مطاويع=ولا تحسّب بالمداس العوادي

حلفت مايطري علينا بها البيع=للحشر مايفخت سواده سوادي

مادام راسي للرياح الذعاذيع=بالعون طالبها م الناس غادي

وديارنا حامينها بالمرابيع=واضدادنا عنها تجي بالحيادي

الاّ ان بغاه الليث حنا مخاضيع=لامره وهو فوقه كما البدر بادي

هذاك انا وحذاي لامره مطاويع=فرز الوغى صياد من لايصادي

حرٍ يفدّع بابرق الريش تفديع=ولا يفرس الا من كبار الثنادي

طير السعد يفرح قلوب المراضيع=تشتاق له معها وهو بالمهادي

يدرا وترجى من وراه المنافيع=الليث يرجى للعطايا الزيادي

أودع مصاعيب القبايل مراجيع=والخيل جاته من عمانٍ تقادي

وصلّوا عد ماحيش مال وما بيع=على نبيّ للورا خير هادي[/poem]


[align=center]وتقبّل خالص الود / بندر الشمري [/align]

تسلم يالغالي

والله ماقصرت