ارمع اللغز أرمعه

السلام عليكم

أخواني الكرام . .

الحقيقة اللغز سمين بالحيل واللي عنده فكرة عنه أكووووون شاكر له
حتى الآن ليس لي أي علم بحل اللغز ونبي الفزعه . . .


اللغز يقووووووووووووووول

ويــش ورعـــــــان أربعه . . . . ناطحيـــــــــــن لأربعه
وســــرو عــــــــذرا بعود . . . . كل ورع بموقعــــــــــه
هم سبب جمع الثنين . . . . شفتهـــــم متقابلين
بينــــــــــين مختفــــين . . . . اسمع العلم اسمعه
عودنــا مضـرب مثــــــل . . . . نـوب لا صـار الزعـــل
والـثـقـال إلها جـمـــــل . . . . السعه ثم السعــــه
فيـــه للعـذرا سـمــــي . . . . شرط مــع كل أدمي
ما يحلونـــــه عـمـــــي . . . . أرمـع اللغـز أرمـعــه

وأقبلوا تحياتي . . .

اخوي اديب
اللغز اعتقد لمهجرس من شبكة الرياض
والحل كماسمعته الورعان هم المسامير اللي على قفل الباب عددهم اربعه وفي الجهه المقابله اربعه ايضاً.. ووسروا عذراء بعود المقصود بالعذراء يد الباب
وتقبل تحياتي..

صح لسانك يامستور وفعلاً مثل ماقلت

الاربعه هن المسامير اللي يمسكن مفتاح الباب من الجهتين

والعذرا هي يد الباب

والعود هو الباب ويقول المثل باب يجيك منه ريح صكه واستريح

وسمي العذرا مع كل آدمي هي اليد


لاهنت يامستور

الله يعطيكم العافيه

على هالغز الثمين

وعلى الحل الوارد

تحياتي لكم

كل الشكر وعظيم الامتنان للأخوان على ردودهم

وأقبلوا تحياتي