الشعر بحر وكل ابونا سفينـــــــه..
[frame="10 80"][align=center]غاب القمر //والشمس بانت/ والأمطار ..
والبرق واضح //.. والرعد سامعينه ..
وقت الشتا والصيف / باريت الأشعار ..
ورد الربيـــــــع اللي وصل للمدينه
طاح الورق / والصبح / فضّاح الأسرار ..
وقت الخريف اللي لمسنا حنينه ..
ليل الهوى / والعشق / والوقت غدّار ..
فرقى الحبايب والغلا ذاكــرينـــه ..
الحب / وهموم الليالي / والأسفار ..
والقلب بيدين الليالي رهينه ..
صفق الدلال / وفورة الشاي / والنار ..
ذيبٍ عوى للجرح // ماقسى ونينـــه ..
مدح القبايل في فعول إبن الأخيار ..
وحرف //الهجا// بالشعر مستوعبينه ..
مريت في كل المواضيع منهـــــار ..
والشعر بحـــر وكل ابــونــــا سفينه ..
وقتٍ هزم قلبي وهو صلب شبشار ..
ليه اتحسف واسأل الجرح وينه ..
آآآهٍ على جرح العباير والأقدار ..
وآآآهٍ على ذيك الليال الحزينه ..
الشعر عندي له مكانه ومقدار ..
يظهر معاني في خفوقي دفينه ..
الشعر لامنه نفض // جاك الإعصار ..
هز المعاني وإنفجر من كنينه ..
ترى الغبا لولاه ماتشوف شطّار ..
ولولا الشطاره الغبا ناكرينه ..[/align][/frame]
