-
هذه القصيده للشاعر/نافع التومي
اهداء الى الاستاذ/احمد الربع
البارحه يوم المخاليق غافين ــــــــ العين عيت لا تذوق المناما
وانا صرخت بعالي الصوت ياعين ـــــــ فعلك ترا ياعين والله حراما
عشرة ليالي صار لك ماتنامين ــــــــ ياعين قولي وش دهاك وعلاما
لا فج نور الصبح قمتي ترفين ـــــــــ ودمعك على الخدين قام يتراما
بين العرب وش هو موازيك تبكين ــــــ يكفي من اسبابك لحقني ملاما
اشكيك يابو ذعار سيدالمزايين ـــــــ غرو ذحني بالدلع والكلاما
غرو جفاني بين كل المحبين ــــــــــ واصبحت بسبابه هزيل العظاما
اشكيك جعلك ماتشوف التغابين ـــــــ وفي دنيتك تحيا رفيع المقاما
-
الا خ الغالي
ابواحمد الربع ياهلا بك ويامرحبا
وصح لسان الشاعر نافع التومي
وماقصرت بنقل هاالقصيده لنا
لكن نبي منك تعلمنا هو فزع له الا ستاذ احمد والا لا
واذا كان رادا عليه بقصيده ودنا انك تجيبه لنا
اخوك 000 فيصل اللويش
-
ياعين ياعيــن
تصوير جميل من الشاعر /نافع التومي
والشكر للناقل والقائل
وسهر المتيــم أكيد إنه شين على شين
وابو ذعار إن كان هو انت يااخ أحمد الربع
الله يعينك ورينا الفزعة وافزع لخويك اللي يشكيلك
وترانا شهوووووووووووووووووووووووود .
-
الاخ ابو احمد الربع
لك مني كل التقدير
ولخويك الطيب كلكم ياالمساعيد اتعبون الي يجاريكم
تقبل تقديري
-
الاخ / الغالي ابو احمد
هلا وغلا ومن طول الغيبات جاب الغنايم
وين يا قطوع ووش اخبار احمد وعبد الله
عموما شكرا على هذه القصيدة
وهي رائعة من شاعر رائع شكرا للمبدع نافع
ولقد اتحفنا بالعدد الفائت من مجلة اصداف العدد 24
برائعة من روائعة
اما الاستاذ / احمد لازم يرد والا حرفنا القصيدة
وحطيناها بالاسم القديم
-
ابو احمد الربع
اخي الكريم.. لا هنت على السماح لنا بالاطلاع على تلك القصيده للرائع الشاعر نافع التومي
قصيده معبره و جميله
لك و له التحيه و التقدير
لا عدمناكم
-
الاخ ابواحمد:
ماقصرت وصح لسان الشاعر
